Контакт

Европа

Авионот со првите тела летна од Украина, Донецк тврди дека предал 282 тела

Објавено пред

Холандски транспортен авион со првите 16 тела на жртвите од несреќата на малезискиот авион во источна Украина одлета во средата од аеродромот во Харков кон Холандија, додека претставниците на бунтовничката самопрогласена Народна Република Донецк тврдат дека на малезиските власти им предале точно 282 тела на жртвите, иако во вторникот навечер шефот на холандските експерти изјави дека тие примиле од украинските власти само 200 тела.

Репортерот на Reuters од Харков пренесува дека воената стража ги внела ковчезите во авионот по кусото тажно испраќање на пистата од аеродромот. Сите 298 патници и членови на посадата, од кои 85 деца, загинаа во уривањето на патничкиот авион „Boeing 777“ на малезиската компанија „Malesian Airlines“ минатиот четврток, 17-ти јули, во источниот дел на Украина, во областа на градот Донецк кој е под контрола на проруските бунтовници, на 60-ина километри од границата со Русија. Повеќето од жртвите се Холанѓани, па затоа во Холандија ќе биде извршена постапката на идентификација. На испраќањето од Харков, вицепремиерот на Украина, Володомир Гројсман изјави дека „уривањето на авионот е нехуман терористички акти изведен со помош на Русија“. „Киев ќе стори сé одговорните да ги изведе пред правдата“, истакна.Подоцна во средата од Харков треба да полета канадски воен авиони со уште 24 тела.Истовремено во средата, членот на Советот за безбедност на самопрогласената Народна Република Донецк, Сергеј Кавтарадзе, ги нарече „лаги и провокации“ изјавите дека во Харков од селото Торез во областа Донецк, со специјалните вагони фрижидери биле испратени само 200 од 282-те тела на жртвите од авионската трагедија. Шефот на холандскиот форензички тим кој се наоѓа во Украина, Јан Туиндер за The Washington Post изјави дека во возот со посмртните останки на патниците од малезискиот авион имало 200, а не 282 тела како што објави владата на Украина.„Единственото нешто во што можам да бидам сигурен е дека бројот (на телата) е 200“, изјави Туиндер, додавајќи дека било „комплицирано“ да се пребројат. „Тие ќе бидат најдени. Мораме да ги пронајдеме“, додаде како и дека нему не му е познато местото каде се наоѓаат. „… Според украинските власти од Торез (кој е под контрола на проруските бунтовници) во Харков (под контрола на украинските власти) се превезени 282 тела, додека холандските стручњаци изброија само 200 тела“, рече за агенцијата Туиндер. „Потполно сме сигурни дека во возот има 200 тела. Каде се другите? Тоа ќе биде предмет на идните истрага“, којашто ќе бидат спроведени во Холандија, додаде Туиндер.Австралискиот премиер Тон Абот, чии државјани исто така се наоѓаат на листата на жртвите, во средата предупреди дека сé уште не е јасно колку тала од урнатиот малезиски авион се донесени во Харков, како и колку тела на погинатите останале на местото на несреќата. „Многу е можно многу тела уште да се наоѓаат таму, на отворено, под европското летно сонце, изложени на влијание на горештините и дивите животни“, изјави австралискиот премиер апелирајќи останките од загинатите што побрзо да бидат пренесени од местото на несреќата кое се наоѓа под контрола на пропруските бунтовни, но кои се повлекоа од обезбедувањето на ова подрачје откако ги предадоа телата на загинатите. Вицепремиерот на Украина, Гројсман, претходно во вторникот објави дека според извештајот на украинското Министерство за вонредни ситуации, биле пронајдени 282 тела и 87 фрагменти коишто им припаѓаат на 16 тела.„Постои меѓудржавен акт, потпишан од ДНР, владата на Малезија и експертите за судска медицина од Холандија. Согласно документот, во возот имаше 282 вреќи со тела и 82 со делови од тела. Сето друго е лага и обид за некаква одмазда кон Донецката народна република“, изјави Кавтарадзе за РИА новости. Додаде и дека водството на донецките бунтовници не знае каде во моментов се наоѓаат „црните кутии“ од авионот. „Ни ги предадовме на малезиските претставници, за натаму прашајте ги нив“, одговорил Кавтарадзе. Претходно во средата специјалната истражна комисија на Украина на својата Facebook страница објави дека „денеска ’црните кутии’ од авионот ’Boeing 777’ пристигнаа во Велика Британија и под надзор на Меѓународната организација за цивилна авијација (ICAO).Велика Британија се согласи во вторникот на барање на Холандија, да ги извлече податоците од „црните кутии“ од малезискиот авион „Boeing 777“ . „Се согласивме на барањето на Холандија во Фарнборо да ги извлечеме податоците од црните кутии од летот МН17 за потребите на меѓународната истрага“, напиша британскиот премиер Дејвид Камерон на Twitter.Британското Биро за истраги на воздухопловни несреќи е сместено во местото Фарнборо во јужна Англија и е дел од министерството за сообраќај.Претходно ноќта кон вторникот, Александар Бородај водачот на самопрогласената Народна Република Донецк, на чија територија падна малезискиот авион за кој Западот упорно тврди дека е урнат со ракета земја-воздух од руско производство, во Донецк ги предаде двете „црни кутии“ од авионот на малезиската воздухопловна компанија „Malaysia Airlines“ на малезиските експерти на прес-конференција во присуство на многу странски новинари го потпиша договорот за предавање на „црните кутии“ на малезиските власти.„Гледам дека ’црните кутии’ се недопрени, иако малку оштетени, но се во добра состојба“, изјави полковникот Мохамед Сакри од малезискиот Национален совет за безбедност./крај/мф/сн

Извор: Макфакс



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа

СЗО со препорака за многу построги мерки против загадувањето на воздухот

Објавено пред

Светската здравствена организација (СЗО) денеска препорача многу построги ограничувања за загадувањето на воздухот.

Новите глобални упатства за квалитет на воздухот се построги, на пример, од правилата на ЕУ.

СЗО посочува оти истражувањата покажале дека слабиот квалитет на воздухот е многу поштетен за луѓето отколку што се мислеше.

„Загадувањето на воздухот е закана во сите земји, но најтешко ги погодува луѓето во земјите со низок и среден приход“, рече генералниот директор на СЗО, Тедрос Гебрејсус.

„Новите упатства за квалитет на воздухот на СЗО се практична алатка заснована на докази за подобрување на квалитетот на воздухот од кој зависи целиот живот. Ги повикувам сите земји и оние што се борат да ја заштитат нашата животна средина да ги користат за да ги намалат страдањата и да спасат животи“, нагласи тој.

Честичките од прашина и азотен диоксид (NO2) се едни од најопасните загадувачи.

Загадувањето на воздухот исто така игра улога во пандемијата на коронавирусот, додава СЗО.

Луѓето со респираторни заболувања, поради слабиот квалитет на воздухот, се изложени на поголем ризик да се разболат сериозно ако се заразат од коронавирусот отколку здравите луѓе.

Секоја година, според процените на СЗО, 7 милиони луѓе умираат предвреме од загадување на воздухот.

Загадувањето на воздухот може да му наштети на развојот на белите дробови кај децата и да ги влоши симптомите на астмата.

Кај возрасните може да предизвика срцеви заболувања и мозочен удар.

Прикажи повеќе...

Европа

По разговорот меѓу Макрон и Бајден, Франција го враќа амбасадорот во Вашингтон

Објавено пред

Франција ќе го врати својот амбасадор во Вашингтон следната недела откога претседателите на Франција и на САД, Емануел Макрон и Џозеф Бајден, во телефонски разговор договорија средба за крајот на октомври, на која ќе разговараат за решавање на дипломатскиот спор за подморниците.

Макрон и Бајден одлучија да почнат процес на темелни консултации со цел создавање услови за обезбедување доверба, се наведува во заедничката изјава на Елисејската палата и Белата куќа, а пренесува агенцијата АП.

Во атмосфера на смиреност, францускиот амбасадор во САД, Филип Етијен, ќе се врати во Вашингтон следната недела, одлучил Емануел Макрон.

„Отворените консултации меѓу сојузниците за прашања од стратешки интерес за Франција и европските партнери ќе овозможат да се избегне оваа ситуација. Претседателот Бајден ја изрази својата посветеност кон ова прашање“, се вели во соопштението.

Неодамнешниот договор меѓу САД, Велика Британија и Австралија за купување подморници имаше негативно влијание врз Франција, која затоа ги повлече своите амбасадори од САД и Австралија и го откажа состанокот на министрите за одбрана со Британија.

Прикажи повеќе...

Европа

(Видео) Ерупцијата на шпанскиот остров би можела дa трае со месеци

Објавено пред

Ерупцијата на вулканoт на островот Ла Палма на шпанските Канарски Острови и придружните појави може да траат до 84 дена, проценуваат експертите.

Вулканскиот институт на Канарските Острови објави дека проценката ја темели на должината на претходните ерупции на архипелагот, кои, како и најновите, беа придружени со силен проток на лава и продолжена сеизмичка активност.

Институтот објави дека синоќа е забележано значително зголемување на бројот на мали ерупции во кои камења и пепел биле фрлени високо во воздухот на островот Ла Палма.

Властите рекоа дека сè уште има опасности за локалното население, вклучувајќи земјотреси, лава, токсични гасови, вулкански пепел и кисели дождови.

Вулканот на шпанскиот остров Ла Палма во Атлантскиот Океан еруптираше во неделата по седум дена зголемена сеизмичка активност.

Од ерупцијата во неделата, силните текови на лавата проголтаа околу 185 згради. Според податоците на Институтот за вулканологија, лавата сега зафаќа 154 акри.

Реки лава се движат низ планините кон погусто населеното крајбрежје. Околу 1.000 луѓе вчера беа евакуирани од крајбрежната област Тодоке, со што вкупниот број на евакуирани лица од островот се искачи на 6.000.

Средбата со лава чија температура надминува 1.000 степени Целзиусови со вода може да предизвика експлозии и да произведе облаци од токсичен гас.

Брзата евакуација помогна да се спречат жртвите од ерупцијата, иако беше направена голема штета на куќите, инфраструктурата и земјоделското земјиште, велат официјалните лица.

Итните служби на островот доцна синоќа се обидоа да оттргнат дел од лавата од куќите, а официјалните лица велат дека не знаат дали ќе успее.

Прикажи повеќе...

Најново

Македонија6 часа

Приведена очна лекарка од Куманово, која преку поткуп собрала 116.000 денари

Полициски службеници од Отсекот за економски криминал при СВР Куманово, утрово, во 7 часот, извршиле претрес во просториите на очното...

Македонија8 часа

16 починати и 491 нов случај на Ковид-19

Министерството за здравство информира во последните 24 часа направени се 3.747 тестирања, а регистрирани се 491 нов случај на Ковид-19,...

Македонија9 часа

Филипче: Пристигнаа 110.612 вакцини од „Фајзер“ за кои има голем интерес

Денеска, во земјата пристигнаа 110.612 вакцини од производителот „Фајзер“/„Бионтек“, објави на социјалните мрежи министерот Венко Филипче. Како што посочува тој,...

Македонија12 часа

Законот за употребата на јазиците нема да се менува во зависност од пописот, рече Заев

Пописот нема ретроградно да влијае на Законот за употреба на јазиците, туку целта е да се знае колку граѓани има...

Економија12 часа

Имот над 30 илјади евра чие потекло нема да може да се докаже ќе биде конфискуван

Ќе се конфискува имотот од над 30 илјади евра чие потекло нема да може да се докаже, предвидува драфт верзијата...

Македонија13 часа

Наставата продолжува со физичко присуство, состојбата со ковид во училиштата засега е стабилна

Состојбата со Ковид-19 во училиштата е стабилна, се следи на дневно ниво и според проценките на Главниот координативен кризен штаб,...

Македонија13 часа

Софијанова: Коронавирусот кај децата најчесто дава полесна клиничка слика, но може да предизвика сериозен синдром

Коронавирусот кај децата најчесто дава полесна клиничка слика која се третира само со симптоматска терапија. Но неопходно е секој случај...

Регион13 часа

„Еуроактив“: Вашингтон го зголемува притисокот врз Софија за евроинтеграцијата на Скопје

Вашингтон го зголемува притисокот врз Бугарија, барајќи од неа да се откаже од ветото за интеграција на Северна Македонија во...

Македонија14 часа

Македонија е најбезбедна земја на Западен Балкан

Македонија е најбезбедна земја на Западен Балкан и е на 40 место во светот, според истражувањето на Институтот за економија...

Регион14 часа

Хеликоптери на КФОР надлетуваат над премините на северот на Косово, ситуацијата мирна но напната

Покрај припадниците на „Росу“ ситуацијата на северот на Косово ја следеше КФОР, кој патролираше со хеликоптер, пишуваат регионалните медиуми. Главните...

Македонија17 часа

Попишани 1.212.339 луѓе, 378.033 домаќинства и 516.787 станови

Вкупно 1.212.339 лица, 378.033 домаќинства и 516.787 станови се попишани заклучно со 20 часот вчера, објави денеска Државниот завод за...

Македонија17 часа

Вчера се вакцинирале 12.099 граѓани, од нив 2.969 примиле прва доза

На вакциналните пунктови во државата и на терен, заклучно со вчера вакцинирани се вкупно 776.659 граѓани. Прва доза вакцина вчера...

Свет17 часа

Талибанците бараат да се обратат на Генералното собрание на ОН

Талибанците побараа да им се обратат на светските лидери пред Обединетите нации, a за таа пригода го назначија својот портпарол...

Свет18 часа

(Видео) Еден од најсилните земјотреси досега ја погоди Австралија

Земјотрес со јачина од 6 степени, еден од најсилните што е забележан во Австралија, го погоди југоистокот од оваа земја....

Македонија1 ден

Регистрирани 554 нови случаи на Ковид-19, пријавени 17 починати лица

Министерството за здравство информира дека во последните 24 часа се направени 4.072 тестирања, а регистрирани се 554 нови случаи на...

Македонија1 ден

Радев: Изјавите и ветувањата во дијалогот со Северна Македонија повеќе не функционираат

Изјавите и ветувањата во дијалогот со Република Северна Македонија повеќе не функционираат и Бугарија очекува јасни правно обврзувачки решенија што...

Свет1 ден

Бајден: Не сакам воената моќ на Америка да се користи како одговор на секој проблем во светот

Американскиот претседател, Џозеф Бајден, изјави дека не сака воената моќ на САД да се користи како одговор на секој проблем...

Свет1 ден

(Видео) Лава од вулканот на Канарските Острови навлегува во куќите, луѓето се евакуираат

Вулкан на Ла Палма, на северозапад од архипелагот, еруптира во неделата исфрлајќи лава неколку стотини метри високо во воздухот и...

Регион1 ден

Лајчак вознемирен за ситуацијата во Косово, повика на смирување на тензиите

Специјалниот претставник на ЕУ за дијалогот Белград – Приштина, Мирослав Лајчак, рече дека е загрижен за ситуацијата во северно Косово...

Македонија1 ден

И без политичка влада во Софија, продолжуваат разговорите за деблокада на евроинтеграцијата

И покрај тоа што сè’ уште во Бугарија нема политичка влада, разговорите за надминување на разликите и деблокада на нашата...

Досие