Европа
Басурин: На страна на Киев се борат платеници од САД, Полска и Грузија
Во зоната на борбени дејствија во побунетиот рускојазичен регион Донбас на истокот на Украина, присутни се наемници од САД, Груција и Полска, па и од арапските земји, кои војуваат на страната на Вооружените сили на Украина, изјави во неделата претставникот на ткн министерство за добрана на самопрогласената Народна република Донецк.
„Во местото Врехенеторецкое откриена е чета од 60 до 100 луѓе, од составот на ‘Грузискиот доброволечки баталјон’. На контролниот пункт Ветерок, меѓу Горловка и Џержинск воочена е чета војници од САД и Полска“, рекол Басурин, пренесува агенцијата ТАСС.
Полските единици, според разузнавањето на силите на рускојазичните бунтовници од Донецк, се наоѓаат во Џержинск, Димитрово, Славјанск, Мороновск, Константиновка и во Краматорск, места кои се под контрола на украинските сили. Вкупната бројност на овие единици се проценува на околу 1.000 луѓе. Во Красногоровка биле забележани две чети на доброволечкиот баталјон „Ичкерија“. Во селото Ласточкино е регистриран штаб на баталјон со 800 војници, од коишто повеќето се „припадници на црната раса“. Исто така, два вода со црнокожи војници биле забележани кај местото Славно.
„На областа на психијатриската болница во Јаснобродовка биле забележани и доброволци од арапските земји. Не е исклучено дека таа единица е директно поврзана со терористичката организација Исламска држава“, додал Басурин.
Истакнал и дека во пристаништето Одеса, град на Црното Море, каде што 29 отсто од населението се етнички Руси, е забележано пристигнување на 14 ударни беспилотни летала од Израел проследени со припадници на специјални единици, кои според сознанијата на бунтовниците ќе бидат распоредени во баталјонот „Ангриф“ на украинското министерство за внатрешни работи.
„Овие факти укажуваат на тоа дека украинското раководство во услови на ниска морално-психолошка состојба на украинските војници се фокусира на странските приватни воени фирми, кои ќе ги вклучи во диверзантските дејствија на територијата на Донбас“, додал Басурин кој минатата недела соопшти дека разузнавањето на проруските бунтовници открило дека прозападните власти во Киев подготвуваат 85 диверзантски групи составени од странски платеници кои ќе ги испратат за извршување субверзивни акции на териториите кои под контрола ги држат бунтовниците.
Ваквите обвинувања за присуство на странски платеници во редовите на украинските доброволечки баталјони, меѓу кои и хрватски, се одговор на обвинувањата на Западот и Киев дека Русија со активни единици и вооружување ги поддржува рускојазичните бунтовници на истокот од Украина. Москва не негира дека пензионирани или активни воени лица на отсуство или одмор најверојатно учествуваат во судирите во соседната земја.
Во тој контекст одговори и руското министерство за одбрана пред две седмици кога на интернет беше емитувана снимка во која двајца ранети мажи наводно тврдат дека се активни припадници на регуларни руски специјални единици кои добиле наредба да разузнаваат на украинска територија на линијата на раздвојувањето кога биле ранети и заробени. Руската дипломатија, подоцна, објави дека на нејзините претставници не им било дозволено да се сретнат со заробените лица за кои беше потврдено дека порано биле активни припадници на руската армија, но не и во времето на нивното заробување./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Украина: Русите го нападнаа Харков, уништени се згради, меѓу повредените има и дете
Украина ги уништи сите 10 беспилотни летала во руски напад во текот на ноќта, но две лица се повредени, а станбени згради во регионот Харков беа зафатени од пожар, соопштија денеска украинските власти.
Воздухопловните сили на „Телеграм“ соопштија дека Русија лансирала и две противвоздушни наведувани ракети. Портпаролот на украинските воздухопловни сили во телевизиски пренос изјави дека руските ракети, најверојатно, биле насочени кон североисточниот град Харков.
Гувернерот на регионот Харков, Олех Синехубов, рече дека три станбени куќи биле запалени, а десетици биле оштетени како резултат на рускиот напад, чија цел, според него, биле и инфраструктурата и станбените области. На фотографиите што ги објави Синехубов на „Телеграм“ се гледаат големи пламени јазици од станбените згради.
„Две лица, меѓу кои и едно 11-годишно дете, се ранети во нападот и се на медицинска помош“, рече Синехубов на апликацијата „Телеграм“.
„Ројтерс“ сè уште не ја потврди независно оваа вест. Москва негира дека цели на цивили во овие „легитимни напади врз воената, енергетската и транспортната инфраструктура на Украина“.
Европа
Повредени двајца полицајци во Париз кога маж им го украл пиштолот и пукал во нив
Двајца полицајци се повредени во престрелка во полициската станица во Париз, кога на еден од нив му бил одземен пиштолот од маж кој претходно бил приведен поради напад со нож врз жена.
„Полицијата интервенираше и го донесе овде, во полициската станица, и тој потоа му го грабна пиштолот на полицаецот“, изјави началникот на полицијата Лорен Нунес.
Обвинителството соопшти дека еден од полицајците е во тешка состојба, пренесува „Монд“.
Полицијата возвратила, а напаѓачот се здобил со повреди во пределот на градниот кош, по што бил пренесен во болница.
Како што информираат од болницата, животот на напаѓачот не е во опасност.
Европа
Путин го избра премиерот
Рускиот претседател Владимир Путин предложи повторно именување на Михаил Мишустин за премиер во неговиот нов претседателски мандат, изјави утрово претседателот на Државната дума, долниот дом на рускиот парламент.
Откако Путин во вторникот положи заклетва за нов шестгодишен претседателски мандат, тамошната влада, според одредбите на рускиот Устав, поднесе оставка.
И додека во последните денови се шпекулираше дека може да има промени на некои важни и суштински позиции, а руските независни медиуми споменуваа евентуално заминување на Михаил Мишустин од премиерската позиција, Путин повторно го предложи за таа функција.
„Претседателот Владимир Владимирович Путин достави до Државната дума предлог за кандидатурата на Михаил Владимирович Мишустин за функцијата премиер. Денеска претставниците ќе донесат одговорна одлука за ова прашање во име на нивните гласачи“, изјави претседателот на Думата, Вјачеслав Володин на апликацијата Телеграм.
Ова е петти мандат на Путин на власт, а тој го номинираше Мишустин за премиер за прв пат во јануари 2020 година, кога Владата предводена од Дмитриј Медведев поднесе оставка по најавените важни уставни промени во политичкиот систем на земјата од страна на претседателот.
Мишустин, кој ќе зборува во Думата пред гласањето, мора да одговори како ќе реши низа задачи што Путин и ги постави на владата, вклучително и „зголемување на одбранбената способност на нашата земја“, рече Володин.