Европа
Белгискиот премиер го поддржа коментарот на министерот дека дел од муслиманите прославувал по нападите
Белгискиот премиер Шарл Мишел го поддржа својот министер за внатрешни работи Јан Јамбон во врска со изјавата дека голем број муслимани ги поздравиле терористичките напади во Брисел, како и дека оние кои се приврзаници на тероризмот претставуваат канцер кој треба да се отстрани.
Министерот на внатрешни работи Јан Јамбон во интервјуто за белгискиот дневен весник De Standaard објавено во саботата, рече дека значителен дел од муслиманската заедница весело танцувал по нападите од 22-ри март во белгиската престолнина Брисел, кога беа убиени 32 луѓе.
Јамбон, член на фламанската сепаратистичка партија N-VA, беше критикуван од другите министри и од опозицијата. Некои бараа да даде докази на таквите негови тврдења, а други веднаш да се извини.
Премиерот Шарл Мишел, пак, му даде поддршка на својот министер, велејќи дека белгискиот национален Совет за безбедност има сознанија за изразувањата на поддршка на напаѓачите во Брисел.
„Можам да потврдам дека имаше изразување поддршка за нападите. Не смееме да генерализираме, а ниту да преминеме преку тоа“, истакна, додавајќи дека Јамбон во изјавата не генерализирал.
Јамбон во споменатото интервју, покрај тоа, вели дека претходните белгиски влади со години ги пренебрегнувале предупредувачките знаци, како и дека сегашните мерки нема веднаш да доведат до успех.
„Значителен дел од муслиманската заедница танцуваше по нападите… Тоа е стварен проблем. Терористите можеме да ги собереме, да ги отстраниме од општеството. Но тие не се само чирче. Под него е многу потежок карцином. Ние тоа можеме да го решиме, но не прекуноќ“, додаде белгискиот министер за внатрешни работи./крај/мф/сн
Извор: Reuters
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Уапсен украински министер
Украинските антикорупциски тела денеска го уапсија министерот за земјоделство Микола Солски. Судот на министерот му изрече превентивна мерка притвор во траење од 60 дена, до 24 јуни. Сепак, Солски ќе биде ослободен од притвор доколку плати кауција од 75,7 милиони гривни (околу 1,7 милиони евра).
Обвинителството побара притвор поради ризик од попречување на истрагата, влијание врз сведоци и бегство. Тие истакнаа дека Солски во текот на вонредната состојба неколку пати ја минувал границата.
Адвокатот одговори дека Солски ја преминал границата поради службени патувања, освен во еден случај кога заминал на договорено отсуство. Тој се осврна и на тоа дека Солски како функционер може да патува во странство само со согласност на премиерот. Тој исто така изјави дека нема докази дека Солски би можел да се меша во истрагата или да влијае на сведоците.
Солски вчера понуди оставка откако беше осомничен за вмешаност во незаконско стекнување државно земјиште. Обвинителите тврдат дека Солски бил фатен дека поседува државно земјиште во вредност од 291 милион гривни и дека се обидел да добие друго земјиште во вредност од 190 милиони гривни.
Солски ги негира обвиненијата, за кои обвинителите велат дека се однесуваат на настани од 2017 до 2021 година, пред да стане министер за земјоделство во март 2022 година. Солски е еден од најбогатите функционери во администрацијата на претседателот Володимир Зеленски.
Ако плати кауција, ќе мора да ја предаде својата обврзница на властите и нема да му биде дозволено да разговара со други осомничени и сведоци во случајот.
Европа
Британска компанија ги тужи „Фајзер“ и „Бионтек“: Ја украдоа нашата технологија за вакцина против Ковид
Британската фармацевтска компанија GlaxoSmithKline (GSK) денеска поднесе тужба пред федералниот суд во Делавер против американскиот Pfizer и германскиот BioNTech, тврдејќи дека тие ги прекршиле нејзините патенти за технологијата на гласник РНК (mRNA) во нивните вакцини против Ковид-19.
Вакцините Comirnaty на Pfizer и BioNTech ги прекршуваат иновациите на GSK заштитени со патент во mRNA вакцините, развиени „повеќе од десет години пред“ пандемијата на ковид-19, се вели во тужбата.
Патентите ја покриваат технологијата за пренос на нестабилна гласничка РНК во човечки клетки, која научниците почнаа да ја развиваат во 2008 година, а GSK стана сопственик кога го купи бизнисот со вакцини на Novartis во 2015 година, се додава.
Британската компанија бара парична отштета од Pfizer и BioNTech, вклучително и такси за патент, без да наведе износ.
Портпаролката на Pfizer во соопштението нагласи дека компанијата е „сигурна во својата позиција во однос на интелектуалната сопственост поврзана со Comirnaty“ и дека има намера „енергично да се брани“ од тврдењата на GSK. Портпаролот на BioNTech одби да ја коментира тужбата.
Портпаролот на GSK рече дека компанијата верува дека нејзините патенти „ја обезбедуваат основната технологија што се користи во mRNA вакцините на Pfizer и BioNTech против ковид-19“. GSK е „подготвен да ги лиценцира овие патенти под комерцијално разумни услови за да обезбеди пристап“ до вакцините.
Европа
(Видео) 19-годишна девојка во Украина се обидела да го продаде синот, барала 23.500 евра
Во украинскиот град Днипро, 19-годишна девојка се обидела да го продаде сопствениот двегодишен син, соопшти локалната полиција, пренесоа украинските медиуми.
Девојката наводно побарала еден милион гривни, што е околу 23.500 евра за своето дете. 19-годишната девојка наводно му го понудила детето на својот познаник и договорила средба со него. Во вторникот полицијата приведе маж додека носел пари на договорена локација.
Девојката наводно рекла дека не сака да се грижи за својот син, па решила да го продаде. Со парите што ги добила планирала да отвори сопствен бизнис.
Детето е земено во полиција и предадено на надлежните органи. Против неговата мајка е подигнато обвинение за трговија со луѓе.