Европа
Британската истрага заклучи дека нападот врз Ирак не бил нужен и е грешка
Можностите за мирно решение на проблемот со Ирак не биле исцрпени до крај пред британската инвазија врз оваа земја, и нападот не бил нужен и претставува грешка, заклучила посебната истрага за британското учество во ирачката војна од 2003 до 2009 година, чии резултати во средата ги претстави шефот на комисијата сер Џон Чиклот.
„Констатиравме дека Велика Британија избрала да се присоедини (кон операцијата) за инвазијата пред да бидат исцрпени сите можности за мирно разоружување… Воените дејствија во тоа време не биле последниот чекор“, изјави Чилкот на претставувањето на извештајот во Лондон.
Во извештајот на комисијата се истакнува дека британската влада ги потценила последиците на инвазијата врз Ирак и испратила свои војници во земјата вез поддршка од мнозинството членки на Советот за безбедност при Обединетите нации.
Во извештајот, исто така, се наведува дека немало закана од создавање нуклеарно оружје во Ирак, поради санкциите наметнати врз тогашниот режим на Садам Хусеин. Одлуката за инвазијата била донесена врз основа на „недокажани податоци“, сметаат од истражната комисија предводена од сер Чилкот.
„Челниците на министерствата (во британската влада) знаеле за слабата подготовка на САД за инвазијата и следните чекори по неа. Воените функционери се надевале на успешна кампања: паѓање на Багдад и апсење на ирачкиот претседател Садам Хусеин за помалку од еден месец“, истакна Чилкот.
Авторите на извештајот, исто така, велат дека инвазијата била погрешна одлука, од којашто „сé уште се чувствуваат последиците“.
Разузнавачките податоците за наводното ирачко оружје за масовно уништување со коишто тогашниот британски премиер Тони Блер ја оправдувал инвазијата, со којашто е соборен Садам Хусеин и загинале 179 војници, имале недостиг и земени се здраво за готово, покажала истрагата.
Одлуката Велика Британија да ѝ се приклучи на инвазијата предводена од САД „ниту одблиску“ не била правно заснована, а заложбите на Блер за воена акција биле пренагласени, изјави претседателот на истражната комисија, сер Џон Чилкот кого го цитираат светските агенции.
„Истрагата не зборува за тоа дали воената акција била легална или не. Меѓутоа, она што го заклучивме е дека околностите во кои е одлучено дека постои правна основа за воеан акција биле далеку од задоволителни“, рече Чилкот пред новинарите и семејствата на некои од загинатите војници.
Говорот на Блер во британскиот парламент во 2002 година за опасноста којашто наводно ја претставувало ирачкото оружје за масовно уништување и пропратниот разузнавачки извештај, биле претставени со „неоправдана доза на сигурност“, истакна Чилкот.
Додаде дека неколку дена пред инвазијата, главниот владин обвинител барал од Блер да потврди дека Ирак ја прекршил резолуцијата на Советот за безбедност на ОН , што би ја оправдало војната.
Блер тогаш тврдел дека Багдад навистина ги прекршил резолуциите, но Чилкот додаде дека „Не е јасно врз основа на што господин Блер така одлучил“.
Истакна и дека Блер го променил образложените за почеток на војната, првично тврдејќи дека Садам Хусеин има „големи резерви“ илегално оружје, а потоа тврдел дека за намерата на Садам да дојде до такво оружје со што ги крши резолуциите на ОН.
„Тоа, меѓутоа, не било објаснување за воена акција којашто ја изнел пред почетокот на судирот“, истакна Чилкот.
По објавувањето на извештајот пред зградата каде заседава Комисијата се собраа повеќе луѓе барајќи поранешниот премиер Рони Блер, кој должноста ја извршуваше во периодот меѓу 1997 до 2007 година, да биде повикан на одговорност, пренесуваат медиумите.
Седум години по почетните подготовки, комисијата за истрагата околу за контроверзниот воена ангажман на Велика Британија во ирачката војна од 2003 година, конечно го објави својот извештај по повеќе одложувања, а е особено остро во однос на поранешниот премиер Блер.
Изработката на извештајот која беше нарачана во 2009 година, се предолго се пролонгираше и самата стана контроверзна, терајќи ги гневните членови на семејствата на војниците убиени во Ирак да ѝ постават ултиматум на властите, под закана за покренување правна псотапка.
Чилкотовата комисија, наречена по претседателот сер Џон Чилкот, според првичниот договор заклучоците требаше да ги донесе во рок од една година./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Јулија Тимошенко: Моите банкарски сметки се блокирани
Лидерката на партијата Татковина и поранешна украинска премиерка Јулија Тимошенко, која од страна на истражителите е осомничена дека нудела мито на неколку пратеници, објави дека нејзините банкарски сметки се замрзнати.
Тимошенко го објави ова на Фејсбук, а нејзината реакција доаѓа откако беше објавено дека обвинителите ќе бараат кауција од околу еден милион евра и изрекување мерки на претпазливост. Според неа, дури тогаш дознала дека нејзините сметки се замрзнати.
„Што е надреализам? Ова е кога во отворено политички нарачан случај планирате да платите кауција со парите што сте ги добиле како компензација за политичкиот прогон на одреден кратковид „диктатор“. Но, не можете да го направите ова бидејќи вашите банкарски сметки беа блокирани дури и пред судската одлука.
Вака изгледа „антикорупциската правда“ на меѓународните измамници. Вие наивни луѓе веројатно мислите дека со такви примитивни потези ќе ме принудите да бегам или дека ќе престанам да се борам. Страшно грешите“, напиша Тимошенко на Фејсбук.
Украинските антикорупциски власти во вторник вечерта објавија дека откриле корупција поврзана со лидер на партија. Подоцна беше потврдено дека случајот се однесува на Јулија Тимошенко. Таа е осомничена за нудење нелегални бенефиции на пратеници од други партии во замена за гласање за или против одредени законски предлози.
Извори од политички кругови потврдија во среда наутро дека истражителите ѝ доставиле на Тимошенко известување за сомневање. Потоа, Националното биро за борба против корупцијата на Украина (НАБО) објави аудио снимка во која, според истражителите, Тимошенко и неидентификуван пратеник разговараат за шема за плаќање за гласови во украинскиот парламент.
Тимошенко рече дека тоа била „голема ПР-шоу“ и „чистење на политичките конкуренти пред изборите“. Таа тврди дека истражителите „не пронашле ништо“, туку само ги заплениле нејзините „мобилни телефони, парламентарни документи и лични заштеди, кои се целосно наведени во нејзината имотна картичка“. Таа, исто така, изјави дека објавената аудио снимка „нема никаква врска“ со неа.
Европа
(Фото) Макрон се појави пред војниците со црвено и отечено око
Емануел Макрон се појави со црвено око за време на неговото годишно обраќање пред француските војници. Тој се пошегува, користејќи ја можноста да повика на зајакнување на воената моќ на Франција.
Францускиот претседател го спореди својот проблем со очите со песната „Eye of the Tiger“, велејќи дека тоа е знак на решителност и предупредување дека Франција може да остане слободна во „брутален свет“ само ако другите се плашат од неа и ако е моќна.
epa12650914 French President Emmanuel Macron delivers a speech during a visit to the Istres Air Force Base in Istres, southern France, 15 January 2026. The French president travelled to the Istres airbase to present his New Year’s wishes to the armed forces. EPA/PHILIPPE MAGONI / POOL
Повикувањето на насловната песна од филнот „Роки III“ од 1980-тите години дојде откако Макрон ја прогласи француската армија за „најефикасна“ во Европа, додавајќи дека таа мора да стане посилна и побрза. Пред говорот, кој започна со објаснување за неговиот изглед, Макрон носеше очила за сонце додека ги прегледуваше војниците.
„Ве молам извинете за грдиот изглед на моето око. Тоа е, се разбира, нешто сосема безопасно“, рече Макрон. „Сфатете го како ненамерна референца на „Eye of the Tiger“… за оние кои ја разбираат референцата, тоа е знак на решителност.“
epa12651821 French President Emmanuel Macron delivers a speech as he visits the Istres military air force base, southern France, 15 January 2026. The French president travelled to the Istres airbase to present his New Year’s wishes to the armed forces. EPA/PHILIPPE MAGONI / POOL
Тој го искористи своето новогодишно обраќање до војниците во воената база во јужна Франција за да најави поголеми трошоци за одбрана. Тој рече дека сака да ги помести плановите за буџет за одбрана од 64 милијарди евра од 2030 на 2027 година, со 3,5 милијарди евра за забрзување на вооружувањето на Франција достапно оваа година.
Европа
Герасимов: Во јануари окупиравме 300 квадратни километри во Украина
Руските сили зазедоа повеќе од 300 квадратни километри украинска територија во првата половина на јануари, изјави началникот на рускиот Генералштаб, Валериј Герасимов. Русија соопшти дека минатата година зазела 6.640 квадратни километри во Украина.
Украинскиот парламент во среда го назначи младиот технократ Михаил Федоров за министер за одбрана, додека владата се стреми да ги поттикне иновациите за да ја зајакне војската за време на тешката фаза од речиси четиригодишната војна.
Претседателот Володимир Зеленски изјави дека му наредил на 34-годишниот Федоров да спроведе брзи одлуки за заштита на украинското небо, зајакнување на линиите за снабдување на фронтот и воведување други технолошки решенија за запирање на руското напредување.
Исцрпената украинска армија е побројна и пооружена на фронтовските линии откако започна руската инвазија во февруари 2022 година. Руските сили бавно напредуваат во источниот регион Донецк и се обидуваат да ги пробијат одбранбените линии на југ и североисток.
Бидејќи дипломатските напори за завршување на војната не даваат опипливи резултати, Киев се соочува со потребата да ги зајакне своите вооружени сили, кои бројат околу милион припадници.
Брисел со поддршка за Данска и Гренланд; Фон Дер Лајен порача: Царините на Трамп се закана за трансатлантските односи
Претседателката на Европската комисија, Урсула фон дер Лајен, предупреди на опасноста од воведување царини, кои, според неа, би ги поткопале...
Трамп воведува царини за 8 европски земји: „Ќе плаќаат додека не го преземам Гренланд“
Претседателот на САД, Доналд Трамп, најави бран зголемување на царините за европските сојузници додека на САД не им биде дозволено...
(Видео) Филипче и Заев сакале да му ја земат болницата на Жан Митрев, Обвинителството да истражи, порача Стојаноски од ВМРО-ДПМНЕ
Пратеникот на ВМРО-ДПМНЕ, Бојан Стојаноски, на денешната прес-конференција обвини дека поранешниот министер за здравство Венко Филипче и поранешниот премиер Зоран...
Филипче го повика Жан Митрев да оди кај обвинител и да поднесе кривична, најави и тужби: „Ова не е политика, сега ќе ги тужам“
Претседателот на СДСМ, Венко Филипче, на прес-конференција обвини дека ВМРО-ДПМНЕ спроведува, како што рече, јавен линч против него преку лаги,...
Вандализиран паркот „Бановина“ во Аеродром – искршена урбаната опрема, оштетена фонтаната, а провалено е и во чуварската куќа
Општина Аеродром најостро го осуди вандалскиот чин што се случил синоќа во паркот Бановина, каде што била сериозно оштетена јавната...
Обвинение за помагачите во бегството на 18-годишникот што со автомобил усмрти жена на Народен фронт
Обвинителството поднесе обвинение против маж и жена кои како соизвршители се товарат за помагање, во случајот со 18-годишникот од Скопје...
Предлог-законот за пушењето не е удар по угостителството, туку заштита на здравото работно место, велат од Министерството за здравство
Предлог-законот за заштита од пушењето, подготвен од Министерството за здравство, предвидува забрана за пушење во затворени јавни и работни простории,...
„Не го чепкајте Гренланд“: Масовни протести во Данска и Нуук против плановите на Трамп
Големи протести против најавите на американскиот претседател Доналд Трамп за преземање на Гренланд се очекуваат денеска во повеќе градови во...
Украинска делегација заминува во САД за појаснување на условите за можен мировен договор со Русија
Украинските преговарачи патуваат во Соединетите Американски Држави за да ги разјаснат условите за евентуален мировен договор со Русија, изјави претседателот...
Македонија со пораз од Данска го започна Европското првенство
Ракометната репрезентација на Македонија, со пораз го започна настапот на 17-то Европско првенство во Данска, Шведска и Норвешка. Во првото...
Италијански министер ги исмева европските сили во Гренланд: „15 Французи, 15 Германци – звучи како почеток на виц“
Италија одби да се придружи на европската мисија во Гренланд, а министерот за одбрана на земјата, Гвидо Кросето, отворено ја...
Трамп им се закани на сите земји кои нема да го поддржат за Гренланд
Претседателот на САД, Доналд Трамп, се закани дека ќе воведе царини на земјите кои не го поддржуваат неговиот план САД...
МВР ќе ги тестира поставените камери: од 20 до 31 јануари на местата каде ќе се вршат активностите, нема да биде дозволен сообраќај
Министерството за внатрешни работи известува дека во рамки на проектот „Безбеден град“, во периодот од 20.01.(вторник) до 31.01.(сабота) ќе се...
Ја удирал по главата и телото, ја давел за вратот и скршил ребро: скопјанец осомничен за физички напад и загрозување на сигурноста на жена
Јавен обвинител од Основното јавно обвинителство Скопје поведе постапка против 51-годишен скопјанец за кого постои основано сомнение дека сторил кривично...
Mицкоски очекува добри вести во наредните денови од САД
Премиерот Христијан Мицкоски изјави дека очекува наскоро добри вести за македонските граѓани од САД. Тој појасни дека суспендирањето на визите...
Преку фирми и даночни измами биле извлечени 4,8 милиони евра од државата – Обвинителството гони 20 лица, вмешани службеници од УЈП
Под раководство на јавен обвинител од ОЈО ГОКК, истражителите од Истражниот центар при обвинителството, со асистенција на МВР, вчера до...
Планoт за брз влез на Украина во ЕУ предизвика загриженост во Брисел
Брисел разгледува можност за напуштање на досегашниот модел на проширување на Европската Унија и воведување т.н. двослоен модел на членство,...
Почината жена пронајдена во стан во Струга
Вчера во 17:50 часот во ОВР Струга е пријавено дека во стан во Струга е пронајдена почината А.М.(57) од кичевското...
(Фото) Макрон се појави пред војниците со црвено и отечено око
Емануел Макрон се појави со црвено око за време на неговото годишно обраќање пред француските војници. Тој се пошегува, користејќи...
Саудиска Арабија, Катар, Турција и Оман испратија предупредување до Трамп
Саудиска Арабија, Катар, Турција и Оман го повикаа американскиот претседател Доналд Трамп да не започнува воздушни напади врз Иран, стравувајќи...
