Европа
Британската кралица предупреди на опасноста од поделба на Европа
Британската кралица Елизабета Втора, која престојува во посета на Германија, предупреди на опасноста од поделба на Европа, а нејзината порака којашто во четвртокот ја пренесуваат германските и британските медиуми, ја читаат како порака за предупредување против излегувањето на Велика Британија од Европската унија.
„Мислиме дека поделбата на Европа е опасна и треба да ја зачуваме, како Западот, така и Истокот од нашиот континент. Во текот на нашиот живот го проживеавме најлошото, но и најдоброто на нашиот континент“, изјави британската кралица Елизабета Втора пред самитот подоцна во четвртокот во Брисел на кој ќе стане збор и за референдумот кој британскиот премиер Дејвид Камерон сака да го организира најдоцна во 2017 година, за останување или излегување на Велика Британија од Европската унија.
Кралицата Елизабета ја започна во средата, придружувана од сопругот принцот Филип, својата петта повоена посета на Германија, среќавајќи се со германскиот претседател Јоаким Глаук а потоа и со канцеларката Ангела Меркел.
Иако кралицата не учествува директно во дневно-политичкиот живот на Велика Британија, тамошниот весник The Daily Telegraph, истакнува дека нејзините изјави може да се протолкуваат како желба Велика Британија да остане во ЕУ, а најдалеку отиде The Sun наведувајќи дека станува збор за обид да се убедат европските челници на Лондон да му ги препуштат компетенциите коишто ги бара британскиот премиер, кој под тие услови го сака останувањето на Обединетото Кралство во Унијата. „Некои во таа изјава ќе видат залагање за останување на Британија во Европската унија“, пишува и The Daily Express, додавајќи дека советниците на кралицата изјавија дека таа „само воопштено“ се заложила за мир и стабилност на Европа, како и дека тоа нема никаква врска со референдумот што премиерот Камерон вети дека ќе го организира.
Германските медиуми, пак, нагаѓаат дека посетата на британската кралица на Берлин не е само протоколарна, туку и дека има политички карактер, иако за тоа никој не сака официјално да се изјасни. Се шпекулира дека наводно Елизабета Втора е „тајното британско дипломатско оружје“, имајќи ги предвид барањата на Дејвид Камерон за реформи во самата Европска унија, доколку се посакува Велика Британија да биде задржана во нејзиното членство. Меѓутоа, германските коментатори, исто така, истакнуваат дека и германската страна дискретно дипломатски токму преку кралицата сака да ја пренесе својата порака со којашто ќе ја истакне важноста од британското останување во членството.
Илјадници луѓе во четвртокот во Франкфурт ја поздравија британската кралица, којашто ужива голема популарност во Германија. Според процените на полицијата, на централните градски плоштади Паулсплац и Ремеберг кралицата Елизабета ја поздравиле околу 3.000 луѓе. Кралицата придружувана од сопругот го посети германскиот национален симбол – Паулкирше, односи Црквата на свети Павле, којашто Германците ја сметаат за колепка на својата демократија, имајќи предвид дека во неа во 1848 година е одржана седницата на националниот парламент.
Во петок британската кралица Елизабета Втора ќе се сретне се германските граѓани пред берлинската Бранденбуршка порта, а пота ќе отпатува во разгледување на германскиот нацистички концентрационен логор Берген-Белсен, чиишто затвореници во 1945 година на крајот од Втората светска воја го ослободиле британските војници./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.
Европа
Во Англија извикал „Алах Акбар“ и убил случаен минувач: „Го направив тоа за луѓето од Газа“
45-годишниот Ахмед Алид вчера беше прогласен за виновен за убиство и обид за убиство. На 15 октомври минатата година, барател на азил од Мароко со нож го уби 70-годишниот Теренс Карни во центарот на англискиот град Хартлпул. Тој претходно го избодел со нож својот заспан цимер Џавед Нури додека викал „Алах Акбар“.
Алид и рекол на полицијата дека сето тоа го направил „за луѓето од Газа“. Само осум дена пред да убие случаен минувач и да го рани својот цимер, милитантите на Хамас го нападнаа Израел. Алид се заколнал дека ќе убиел повеќе луѓе доколку имал митралез и друго оружје, изјави обвинителот Џонатан Сендифорд во Судот во Тесајд.
Алид делел куќа со други баратели на азил во североисточна Англија. Тој бил вознемирен што Нури го прифатил христијанството. Цимерите рекле дека Алид почнал да носи нож откако на телевизија видел прилог за настаните во Газа.
Европа
Крим главна цел: Пентагон откри за што Украина ќе ги користи моќните ракети АТАКМС
Министерството за одбрана на САД ја појасни целта за испорака на ракети со долг дострел во Украина, кои неодамна беа испорачани во тајност. Како што објави „Њујорк тајмс“, целта на испораката на американските ракети АТАКМС е да се зголеми притисокот врз Крим, кој беше анектиран од Русија по референдумот во 2014 година.
Крим го претставува центарот во кој се лоцирани голем број руски воздушни и копнени сили и кој досега, како што пишува американскиот дневен весник, „за нив бил релативно безбедно засолниште“. Ова го тврди анонимен американски функционер. Сепак, Пентагон одби да каже колку точно од овие проектили со дострел од 300 километри се испорачани на украинската страна.
Советникот за национална безбедност на Белата куќа, Џејк Саливан, претходно ја потврди испораката на овие ракети без да прецизира дали тие се модифицирани и имаат зголемен дострел.
Украинските сили веќе употребија АТАКМС, што претседателот Володимир Зеленски го потврди на 17 април, објавувајќи дека бил извршен напад врз воздухопловната база Џанкој, која се наоѓа на 165 километри од линијата на фронтот. Министерството за одбрана на Руската Федерација не ги коментираше овие наводи.
Pentagon reveals Ukraine’s targets for ATACMS missiles – NYT — (the usual baffling lack of retaliation threats from #Putin– instead just the usual bleating that ‘it’s impossible to justify’..Bring Stalin back to life please, Russia) https://t.co/8pi0Lx8tbt #CapeTown #SouthAfrica pic.twitter.com/ZtI5cG3r2m
— Peter Mayson (@theforeverman) April 26, 2024
Американскиот дневен весник потсетува дека Украина првпат добила ракети АТАКМС во септември минатата година, но дека станува збор за верзија со половина дострел. Се шпекулираше дека Украина можеби користела американски ракети за да го урне кримскиот мост, што на почетокот на месецов го потврди и самиот претседател Зеленски, велејќи дека неговата влада „навистина сака да го уништи мостот на Крим“.
Тој е симбол на руската окупација и преку овој мост Русија испорачува воена опрема и ги снабдува војниците во Украина. Во неколку наврати досега мостот беше цел на украински напади.
– Мислам дека е вистинското време, а шефот (Бајден) донесе одлука дека е вистинско време да и го обезбеди на Украина оружјето неопходно за тековната борба. Тоа е добро осмислена и многу конструктивна одлука – изјави адмирал Кристофер Грејди, заменик командант на Здружениот генералштаб на американската армија.
Руската страна го осуди потегот на САД, а рускиот амбасадор во Вашингтон Анатолиј Антонов рече дека тоа „ја зголемува заканата за безбедноста на Крим, вклучително и Севастопол и другите руски градови“.