Европа
Бунтовниците тврдат дека собориле два авиона, Киев дека едниот е соборен со ракета од Русија
Ткн министерство за одбрана на самопрогласената Народна Република Луганск во источна Украина објави дека нејзините сили собориле два авиона на украинската армија чиишто екипажи се заробени, додека министерството за одбрана во Киев го потврди соборувањето на транспортниот авион „Ан-26“ кој учествувал во операциите против проруските ткн народни милиции за самоодбрана и оти тој „најверојатно е соборен со ракета од руска територија“.
Свет
„Да, потврдуваме дека соборивме два авиона и заробивме неколку луѓе. Имаме потврда за двајца заробеници“, изјавил за руската новинска агенција РИА Новости ткн министер за одбрана на самопрогласената Народна Република Луганск, Игор Плотницки. Според него, авионите биле соборени од противвоздушната одбрана од територијата на Луганск.
„Првиот бил разузнавачки, а вториот десантен. Десантниот авион не лета на височина од 6,5 километри, туку тоа е височина за разузнавањето. Тоа (шпионирањето од таа височина) може да биде многу непрецизно. Оттаму, сметам дека височината изнесувала 3 илјади метри“, додал Плотницки.
Претходно во понеделникот службата за односи со јавноста објави дека луганските бунтовнички сили собориле авион на украинската армија недалеку од границата со Русија. Вториот авион бил урнат во областа близу селото Лисичанск, во Луганската област.
На официјалната интернет страница на украинскиот претседател Петро Порошенко во е објавена информација дека членовите на екипажот на соборениот транспортен авион од типот „Ан-26“ урнат во регионот на Луганск, стапиле во контакт со Генералштабот на украинската армија, а дека Министерството за одбрана претпоставува дека против леталото можно е да било употребено оружје од територијата на Руската Федерација, пренесува украинската агенција УНН.
Службата за односи со јавност на украинскиот претседател истакнува дека авионот „Ан-26“ летал на 6.500 метри височина, на која не е возможно да биде погоден со преносни противвоздушни системи, со какви што располагаат проруските бунтовници, во контекстот на тврдењата дека преку руската граница се доставуваат и користат новоразвиени руски ракетни системи.
И новиот министер за одбрана на Украина, Валериј Хелетеј потврдил дека бил остварен контакт со екипажот на соборениот авион. Но, не навел дали има жртви, ниту нивниот евентуален број. Хетелеј, исто така, рекол дека авионот летал на 6,5 километри височина, па според него не можел да биде соборен со оружјето што го користат „сепаратистите“. „Значи, авионот е соборен со моќно ракетно оружје коешто веројатно е истрелано од територијата на Руската Федерација“, истакнал украинскиот министер.
Меѓутоа, портпаролот на украинските сили што ја водат ткн „антитерористичка операција“ на прашањето дали може да потврди дали некои преживеал одговорил „не“, пренесува британската агенција Reuters. Портпаролот Владислав Селезнев рекол дека во тек е операција за спасување во близина на границата со Русија, југоисточно од градот Луганск каде што се водат жестоки борби со бунтовниците. /крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.
Европа
Во Англија извикал „Алах Акбар“ и убил случаен минувач: „Го направив тоа за луѓето од Газа“
45-годишниот Ахмед Алид вчера беше прогласен за виновен за убиство и обид за убиство. На 15 октомври минатата година, барател на азил од Мароко со нож го уби 70-годишниот Теренс Карни во центарот на англискиот град Хартлпул. Тој претходно го избодел со нож својот заспан цимер Џавед Нури додека викал „Алах Акбар“.
Алид и рекол на полицијата дека сето тоа го направил „за луѓето од Газа“. Само осум дена пред да убие случаен минувач и да го рани својот цимер, милитантите на Хамас го нападнаа Израел. Алид се заколнал дека ќе убиел повеќе луѓе доколку имал митралез и друго оружје, изјави обвинителот Џонатан Сендифорд во Судот во Тесајд.
Алид делел куќа со други баратели на азил во североисточна Англија. Тој бил вознемирен што Нури го прифатил христијанството. Цимерите рекле дека Алид почнал да носи нож откако на телевизија видел прилог за настаните во Газа.
Европа
Крим главна цел: Пентагон откри за што Украина ќе ги користи моќните ракети АТАКМС
Министерството за одбрана на САД ја појасни целта за испорака на ракети со долг дострел во Украина, кои неодамна беа испорачани во тајност. Како што објави „Њујорк тајмс“, целта на испораката на американските ракети АТАКМС е да се зголеми притисокот врз Крим, кој беше анектиран од Русија по референдумот во 2014 година.
Крим го претставува центарот во кој се лоцирани голем број руски воздушни и копнени сили и кој досега, како што пишува американскиот дневен весник, „за нив бил релативно безбедно засолниште“. Ова го тврди анонимен американски функционер. Сепак, Пентагон одби да каже колку точно од овие проектили со дострел од 300 километри се испорачани на украинската страна.
Советникот за национална безбедност на Белата куќа, Џејк Саливан, претходно ја потврди испораката на овие ракети без да прецизира дали тие се модифицирани и имаат зголемен дострел.
Украинските сили веќе употребија АТАКМС, што претседателот Володимир Зеленски го потврди на 17 април, објавувајќи дека бил извршен напад врз воздухопловната база Џанкој, која се наоѓа на 165 километри од линијата на фронтот. Министерството за одбрана на Руската Федерација не ги коментираше овие наводи.
Pentagon reveals Ukraine’s targets for ATACMS missiles – NYT — (the usual baffling lack of retaliation threats from #Putin– instead just the usual bleating that ‘it’s impossible to justify’..Bring Stalin back to life please, Russia) https://t.co/8pi0Lx8tbt #CapeTown #SouthAfrica pic.twitter.com/ZtI5cG3r2m
— Peter Mayson (@theforeverman) April 26, 2024
Американскиот дневен весник потсетува дека Украина првпат добила ракети АТАКМС во септември минатата година, но дека станува збор за верзија со половина дострел. Се шпекулираше дека Украина можеби користела американски ракети за да го урне кримскиот мост, што на почетокот на месецов го потврди и самиот претседател Зеленски, велејќи дека неговата влада „навистина сака да го уништи мостот на Крим“.
Тој е симбол на руската окупација и преку овој мост Русија испорачува воена опрема и ги снабдува војниците во Украина. Во неколку наврати досега мостот беше цел на украински напади.
– Мислам дека е вистинското време, а шефот (Бајден) донесе одлука дека е вистинско време да и го обезбеди на Украина оружјето неопходно за тековната борба. Тоа е добро осмислена и многу конструктивна одлука – изјави адмирал Кристофер Грејди, заменик командант на Здружениот генералштаб на американската армија.
Руската страна го осуди потегот на САД, а рускиот амбасадор во Вашингтон Анатолиј Антонов рече дека тоа „ја зголемува заканата за безбедноста на Крим, вклучително и Севастопол и другите руски градови“.