Европа
Бунтовниците во Донецк тврдат дека одбиле украински напад и убиле 15 наемници
Властите на самопрогласената ткн Донецка Народна Република во мнозинскиот рускојазичен исток на Украина ги обвинија во четвртокот украинските безбедносни сили за обид да продрат во областа под нивна контрола, но бунтовничката милиција го одбила нападот нанесувајќи му „тешки загуби“ на непријателот, изјавил за новинарите заменик командантот на оперативната команда на бунтовниците, Едуард Басурин, истакнувајќи притоа дека станува збор за странски платеници.
Властите на самопрогласената ткн Донецка Народна Република во мнозинскиот рускојазичен исток на Украина ги обвинија во четвртокот украинските безбедносни сили за обид да продрат во областа под нивна контрола, но бунтовничката милиција го одбила нападот нанесувајќи му „тешки загуби“ на непријателот, изјавил за новинарите заменик командантот на оперативната команда на бунтовниците, Едуард Басурин, истакнувајќи притоа дека станува збор за странски платеници.
Контактната група за решавање на состојбите во Украина на 21-ти септември со седиште во Минск потпиша рамковен договор за раздвојување и повлекување на силите и борбената техника на страните конфликтот во Донбас од линијата на конфронтацијата, Повлекувањето требаше да започне на 1-ви октомври, но досега тој процес не е завршен, а страните меѓусебно се обвинуваат за кршење на примирјето и непочитување на договорот за повлекување.
Басурин изјавил дека украинските сили преземале „безумен обид“ да ја пробијат одбранбената линија на сепаратистичките сили кај местата Коминтерново и Ленинско, Според претставникот на силите во Донецк, украинските сили извршиле четири безуспешни обиди да пробијат, пренесува агенцијата РИА.
„За жал, не можевме да ги избегнеме загубите во нашата одбрана. Загинаа двајца борци а уште пет беа ранети“, рекол Басурин.
Украинските сили, според податоците на бунтовничките сили, загубила повеќе од 15 луѓе, а околу 25 биле ранети. Притоа, властите во Донецк тврдат дека во нападот врз позициите на нивната милиција учествувале странски наемници.
„Поради исклучително ниското ниво на обука на единиците на украинските вооружени сили, за вакви цели се користат платеници од Полска и од Грузија“, го цитира Басурин Донецката новинска агенција (ДАН).
Претставникот на самопрогласената „република“, изјавил дека по одговорот на бунтовничките сили „непријателот беше принуден да се повлече од својот безнадежна план“./крај/мф/сн
Извор: РИА Новости
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Украина: Русите го нападнаа Харков, уништени се згради, меѓу повредените има и дете
Украина ги уништи сите 10 беспилотни летала во руски напад во текот на ноќта, но две лица се повредени, а станбени згради во регионот Харков беа зафатени од пожар, соопштија денеска украинските власти.
Воздухопловните сили на „Телеграм“ соопштија дека Русија лансирала и две противвоздушни наведувани ракети. Портпаролот на украинските воздухопловни сили во телевизиски пренос изјави дека руските ракети, најверојатно, биле насочени кон североисточниот град Харков.
Гувернерот на регионот Харков, Олех Синехубов, рече дека три станбени куќи биле запалени, а десетици биле оштетени како резултат на рускиот напад, чија цел, според него, биле и инфраструктурата и станбените области. На фотографиите што ги објави Синехубов на „Телеграм“ се гледаат големи пламени јазици од станбените згради.
„Две лица, меѓу кои и едно 11-годишно дете, се ранети во нападот и се на медицинска помош“, рече Синехубов на апликацијата „Телеграм“.
„Ројтерс“ сè уште не ја потврди независно оваа вест. Москва негира дека цели на цивили во овие „легитимни напади врз воената, енергетската и транспортната инфраструктура на Украина“.
Европа
Повредени двајца полицајци во Париз кога маж им го украл пиштолот и пукал во нив
Двајца полицајци се повредени во престрелка во полициската станица во Париз, кога на еден од нив му бил одземен пиштолот од маж кој претходно бил приведен поради напад со нож врз жена.
„Полицијата интервенираше и го донесе овде, во полициската станица, и тој потоа му го грабна пиштолот на полицаецот“, изјави началникот на полицијата Лорен Нунес.
Обвинителството соопшти дека еден од полицајците е во тешка состојба, пренесува „Монд“.
Полицијата возвратила, а напаѓачот се здобил со повреди во пределот на градниот кош, по што бил пренесен во болница.
Како што информираат од болницата, животот на напаѓачот не е во опасност.
Европа
Путин го избра премиерот
Рускиот претседател Владимир Путин предложи повторно именување на Михаил Мишустин за премиер во неговиот нов претседателски мандат, изјави утрово претседателот на Државната дума, долниот дом на рускиот парламент.
Откако Путин во вторникот положи заклетва за нов шестгодишен претседателски мандат, тамошната влада, според одредбите на рускиот Устав, поднесе оставка.
И додека во последните денови се шпекулираше дека може да има промени на некои важни и суштински позиции, а руските независни медиуми споменуваа евентуално заминување на Михаил Мишустин од премиерската позиција, Путин повторно го предложи за таа функција.
„Претседателот Владимир Владимирович Путин достави до Државната дума предлог за кандидатурата на Михаил Владимирович Мишустин за функцијата премиер. Денеска претставниците ќе донесат одговорна одлука за ова прашање во име на нивните гласачи“, изјави претседателот на Думата, Вјачеслав Володин на апликацијата Телеграм.
Ова е петти мандат на Путин на власт, а тој го номинираше Мишустин за премиер за прв пат во јануари 2020 година, кога Владата предводена од Дмитриј Медведев поднесе оставка по најавените важни уставни промени во политичкиот систем на земјата од страна на претседателот.
Мишустин, кој ќе зборува во Думата пред гласањето, мора да одговори како ќе реши низа задачи што Путин и ги постави на владата, вклучително и „зголемување на одбранбената способност на нашата земја“, рече Володин.