Европа
Донецк не гледа смисла за преговори со Киев, го обвинува Порошенко за цивилните жртви
Во моментов не гледам никаква смисла да се водат преговори со Киев, откако ние започнавме да напредуваме, изјави во петокот челникот на рускојазичните бунтовници на самопрогласената ткн Народна република Донецк, Александр Захарченко, и го обвини украинскиот претседател Петро Порошенко дека е виновен за смртта на цивилите во бомбардирањето на јавниот транспорт во одметнатиот град со милион жители во источна Украина.
„Смртта на тие луѓе лежи само на вашата совест, затоа што вие им дадовте наредба на своите војници да стрелаат врз вашиот град и сега да ги убиваат нашите деца и стари лица“, му се обрати челникот на донецките бунтовници, инаку етнички Украинец, Александр Захарченко, на украинскиот претседател Петро Порошенко.
„Ние можеме да ги отфрлиме вашите единици од нашите градови, за да ги сопреме нападите на вооружените сили на Украина врз населените места во Народната република Донецк“, порача Захарченко.
„По оваа трагедија, јас ќе дадам наредба повеќе да не се земаат заробеници. Нам не ние потребна размена“, на плениците што е една од точките на мировните преговори од почетокот на септември во Минск, истакна лидерот на проруските бунтовници, пренесе РИА Новости.
Захарченко потврди дека освен што го контролираат градот Донецк со приградските населби, цел на офанзивата што ја преземаат во моментов е да се отфрли линијата на фронтот зад границите на истоимениот регион кој го сочинуваат девет области, и повтори дека целта е да се спречи гранатирањето на цивилното население.
„Ќе напаѓаме сé до границите на регионот Донецк, но ако видиме закана од друга насока – ќе ја неутрализираме. Киев не разбира дека сега можеме да напаѓаме истовремено од три насоки. Од наша страна повеќе нема да има обиди во врска со преговорите за примирје“, рече Захарченко, пренесува BBC.
Заострувањето на реториката на водачот на рускојазичните бунтовници следеше ден по крвавите судири во областа на аеродромот крај Донецк со повеќе од 40 загинати во последните 24 часа. Битката за урнатините на поранешниот голем меѓународен аеродром обновен за Европското фудбалско првенство во 2012-та сега репортерите на светските агенции го споредуваат со приказите на Сталинград во текот на Втората светска војна.
Во четвртокот во Ленинската област на Донецк тролејбус на градскиот транспорт беше погоден од граната при што според последните прецизирани податоци на локалните власти загинале осум цивили а 17 се тешко ранети.
Бунтовниците тврдат дека украинските безбедносни сили отвориле оган врз цивилите, веројатно минофрлачки. Министерството за одбран на Украина, пак, негираше каква и да е инволвираност на своите единици и за трагедијата ги обвини бунтовничките сили. Набљудувачката мисија на Организацијата за безбедност и соработка во Европа (ОБСЕ) повика на итен прекин на огнот во побунетите региони во источна Украина познати под заедничкото име Добнас.
Шефот на руската дипломатија Сергеј Лавров во четвртокот овој инцидент нарекувајќи го „група провокација“ од страна на Киев и „гнасно злосторство против човечноста“ побара итна истрага на ОБСЕ „за да се спречи бесмисленото убивање цивили“.
Прозападната влада во Киев и Западот тврдат дека регуларни руски единици се борат на страната на рускојзаичните бунтовници на територијата на Украина, со поддршка на руски тенкови и тешка артилерија, а Порошенко во средата тврдеше дека на уркаинска територија се наоѓаат 9.000 руски војници, што НАТО не го потврди но ја обвини руската страна за воено помагање на бунтовниците. Москва решително го отфрла тоа тврдење и бара докази за него, но не негира дека може да има руски доброволци кои им се приклучиле на сонародниците во доминантно рускојазичните региони во југоисточна Украина.
Рускиот претседател Владимир Путин, чие писмо од мината седмица со предлогот тешкото вооружување на двете страни да биде повлечено на 30 километри од линијата на разграничувањето остана без одговор од неговиот украински колега Петро Порошенко, во петокот за ескалацијата на судирите ги обвини „злосторничките наредби“ од Киев.
„Властите во Киев издадоа официјална наредба да се покрене сеопфатна воена операција по должината на речиси целата линија на контакт меѓу двете страни. Резултат на тоа се десетици убиени и ранети,. Но не само во редовите на војниците на двете страни, туку и меѓу цивилите“, рече Путин.
„Одговорноста паѓа на оние коишто ги издадоа злосторничките наредби. Луѓето коишто тоа го прават би требало да знаат дека нема поинаков начин за решавање на таквите судири освен мировните преговори и политичките мерки“, додаде шефот на руската држава, пренесе Reuters.
Путин, исто така, уште еднаш во петокот потсети и истакна дека Украина не одговорила на неговото писмо до Порошенко да се повлече тешкото вооружување, како еден од чекорите за спроведување на прекинот на огнот./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.
Европа
Во Англија извикал „Алах Акбар“ и убил случаен минувач: „Го направив тоа за луѓето од Газа“
45-годишниот Ахмед Алид вчера беше прогласен за виновен за убиство и обид за убиство. На 15 октомври минатата година, барател на азил од Мароко со нож го уби 70-годишниот Теренс Карни во центарот на англискиот град Хартлпул. Тој претходно го избодел со нож својот заспан цимер Џавед Нури додека викал „Алах Акбар“.
Алид и рекол на полицијата дека сето тоа го направил „за луѓето од Газа“. Само осум дена пред да убие случаен минувач и да го рани својот цимер, милитантите на Хамас го нападнаа Израел. Алид се заколнал дека ќе убиел повеќе луѓе доколку имал митралез и друго оружје, изјави обвинителот Џонатан Сендифорд во Судот во Тесајд.
Алид делел куќа со други баратели на азил во североисточна Англија. Тој бил вознемирен што Нури го прифатил христијанството. Цимерите рекле дека Алид почнал да носи нож откако на телевизија видел прилог за настаните во Газа.
Европа
Крим главна цел: Пентагон откри за што Украина ќе ги користи моќните ракети АТАКМС
Министерството за одбрана на САД ја појасни целта за испорака на ракети со долг дострел во Украина, кои неодамна беа испорачани во тајност. Како што објави „Њујорк тајмс“, целта на испораката на американските ракети АТАКМС е да се зголеми притисокот врз Крим, кој беше анектиран од Русија по референдумот во 2014 година.
Крим го претставува центарот во кој се лоцирани голем број руски воздушни и копнени сили и кој досега, како што пишува американскиот дневен весник, „за нив бил релативно безбедно засолниште“. Ова го тврди анонимен американски функционер. Сепак, Пентагон одби да каже колку точно од овие проектили со дострел од 300 километри се испорачани на украинската страна.
Советникот за национална безбедност на Белата куќа, Џејк Саливан, претходно ја потврди испораката на овие ракети без да прецизира дали тие се модифицирани и имаат зголемен дострел.
Украинските сили веќе употребија АТАКМС, што претседателот Володимир Зеленски го потврди на 17 април, објавувајќи дека бил извршен напад врз воздухопловната база Џанкој, која се наоѓа на 165 километри од линијата на фронтот. Министерството за одбрана на Руската Федерација не ги коментираше овие наводи.
Pentagon reveals Ukraine’s targets for ATACMS missiles – NYT — (the usual baffling lack of retaliation threats from #Putin– instead just the usual bleating that ‘it’s impossible to justify’..Bring Stalin back to life please, Russia) https://t.co/8pi0Lx8tbt #CapeTown #SouthAfrica pic.twitter.com/ZtI5cG3r2m
— Peter Mayson (@theforeverman) April 26, 2024
Американскиот дневен весник потсетува дека Украина првпат добила ракети АТАКМС во септември минатата година, но дека станува збор за верзија со половина дострел. Се шпекулираше дека Украина можеби користела американски ракети за да го урне кримскиот мост, што на почетокот на месецов го потврди и самиот претседател Зеленски, велејќи дека неговата влада „навистина сака да го уништи мостот на Крим“.
Тој е симбол на руската окупација и преку овој мост Русија испорачува воена опрема и ги снабдува војниците во Украина. Во неколку наврати досега мостот беше цел на украински напади.
– Мислам дека е вистинското време, а шефот (Бајден) донесе одлука дека е вистинско време да и го обезбеди на Украина оружјето неопходно за тековната борба. Тоа е добро осмислена и многу конструктивна одлука – изјави адмирал Кристофер Грејди, заменик командант на Здружениот генералштаб на американската армија.
Руската страна го осуди потегот на САД, а рускиот амбасадор во Вашингтон Анатолиј Антонов рече дека тоа „ја зголемува заканата за безбедноста на Крим, вклучително и Севастопол и другите руски градови“.