Европа
Дождови и поплави во централна Европа, петмина мртви
Големи дождови зафатија делови од Франција, Германија и Австрија, при што четири лица загинаа, патишта се отсечени, луѓето чекаат помош на покривите, а училиштата од среда се затворени
На југо-источната граница на Германија со Австрија, во покраината Баварија, пожарникарите и другите итни служби имаат премногу работа, а граѓани постојано пријавуваат отсечени патишта и однесени мостови. Некои жители спас од невремето најдоа на покривите од своите куќи.„Поплавите дојдоа толку брзо што луѓето мораа да избегаат на покрив“, вели портпаролот на регионалната полиција на Долна Баварија, додавајќи дека многу улици се нeпроодни.Во градот Трифтерн, околу 50 деца и 25 возрасни останаа заробени во училиштето откако водите што надојдоа го отсекоа објектот.Во Австрија пак, силни дождови има во регионот на Салцбург, каде се поплавени неколку патишта, а неколку училишта во четврток се затворени.Пет тела се најдени во Франција и во Германија, во среда, од кои три заедно во куќа во Германија. Тројцата биле заробени во куќа во Симбах на југот од Германија, а локалните власти и полицијата објавија дека можно е да има уште луѓе заробени во приземјето. Уште едно тело на жена е најдено неколку километри подолу.Телото на 86-годишна жена е најдено како плива во куќа во централна Франција, делови од земјата кои со слична поплава биле погодени пред 100 години.Во еден случај во јужна Баварија, итните служби спасиле 20 членови на школска група кога брод кој пловел по реката Реген, бил зафатен од бурата.Во невремето кое трае неколку денови, уште четворица загинаа а десетици беа повредени во јужен Баден – Вуртемберг, меѓу неделата и понеделникот.Прогнозата за времето за Франција во четврток е лоша, со тоа што има предупредувања од уште дождови.Во Париз, многу шеталишта во близина на реката Сена се затворени поради надојдените води, а според градските власти се очекува нивото ан водата да порасне уште за еден метар.Противпожарните служби добиле 10.000 повици низ целата земја откако почнаа дождовите во неделата.Училиштата се затворени а илјадници луѓе се евакуирани во централните региони поради поплави, кои според Meteo France се „неочекувани, и полоши од поплавата во 1910 година“.Премиерот Мануел Валс во четврток ќе го посети Немурс, 80 км од Париз, каде граѓаните беа евакуирани откако реката Лоинг ги проби насипите.„Во последните 60 години не сме виделе вакво нешто“, вели еден продавач во Немурс. „Центарот на градот е потполно под вода, а дуќаните уништени“.Во соседниот регион Лоар, каде се наоѓа и познатиот замок Шамборд, дождовите што наврнаа во три дена, се колку просекот за шест недели./крај/тл
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Британска компанија ги тужи „Фајзер“ и „Бионтек“: Ја украдоа нашата технологија за вакцина против Ковид
Британската фармацевтска компанија GlaxoSmithKline (GSK) денеска поднесе тужба пред федералниот суд во Делавер против американскиот Pfizer и германскиот BioNTech, тврдејќи дека тие ги прекршиле нејзините патенти за технологијата на гласник РНК (mRNA) во нивните вакцини против Ковид-19.
Вакцините Comirnaty на Pfizer и BioNTech ги прекршуваат иновациите на GSK заштитени со патент во mRNA вакцините, развиени „повеќе од десет години пред“ пандемијата на ковид-19, се вели во тужбата.
Патентите ја покриваат технологијата за пренос на нестабилна гласничка РНК во човечки клетки, која научниците почнаа да ја развиваат во 2008 година, а GSK стана сопственик кога го купи бизнисот со вакцини на Novartis во 2015 година, се додава.
Британската компанија бара парична отштета од Pfizer и BioNTech, вклучително и такси за патент, без да наведе износ.
Портпаролката на Pfizer во соопштението нагласи дека компанијата е „сигурна во својата позиција во однос на интелектуалната сопственост поврзана со Comirnaty“ и дека има намера „енергично да се брани“ од тврдењата на GSK. Портпаролот на BioNTech одби да ја коментира тужбата.
Портпаролот на GSK рече дека компанијата верува дека нејзините патенти „ја обезбедуваат основната технологија што се користи во mRNA вакцините на Pfizer и BioNTech против ковид-19“. GSK е „подготвен да ги лиценцира овие патенти под комерцијално разумни услови за да обезбеди пристап“ до вакцините.
Европа
(Видео) 19-годишна девојка во Украина се обидела да го продаде синот, барала 23.500 евра
Во украинскиот град Днипро, 19-годишна девојка се обидела да го продаде сопствениот двегодишен син, соопшти локалната полиција, пренесоа украинските медиуми.
Девојката наводно побарала еден милион гривни, што е околу 23.500 евра за своето дете. 19-годишната девојка наводно му го понудила детето на својот познаник и договорила средба со него. Во вторникот полицијата приведе маж додека носел пари на договорена локација.
Девојката наводно рекла дека не сака да се грижи за својот син, па решила да го продаде. Со парите што ги добила планирала да отвори сопствен бизнис.
Детето е земено во полиција и предадено на надлежните органи. Против неговата мајка е подигнато обвинение за трговија со луѓе.
Европа
Уапсени тројца мажи во истрагата за бруталното убиство на Хрват во Даблин
Уапсени се тројца мажи осомничени за убиството на 31-годишен Хрват, Јосип Штрок во Даблин минатиот месец, пишуваат ирските медиуми.
Тие се осомничени дека ги претепале Штрок, кој живеел и работел во Даблин, и неговиот пријател. Штрок почина од повредите на 3 април.
Неговиот пријател за хрватските медиуми изјавил дека биле во продавница и планирале да се дружат, кога група луѓе им кажала да почнат да зборуваат англиски.
„Немате почит кон нашата земја, ова е Ирска…“, изјави тој за Јутарњи. Тие влегле во автобусот и не забележале дека напаѓачите ги следат и биле нападнати одзади.
„Прво ме удрија со нешто, не знам дали беше шипка или палка. Ги прашав полицајците за деталите што ги виделе на видеото, а кои наводно ги имаат“, рече тој, додавајќи дека следното нешто се сеќава е кога се разбудил во болница.