Европа
Еден загинат и 10 ранети во експлозија во ресторан во Германија
Еден човек загинал, а десет се ранети во експлозија во ресторан во центарот на германскиот град Ансбах во покраината Баварија, пренесуваат медиумите повикувајќи се на локалната полиција.
Агенцијата BNO News јавува за единаесет настрадани, а таква информација добила и агенцијата РИА во телефонска изјава од портпаролот на локалната полиција.
Градоначалникот на Ансбах, Карда Зајдел, изјавил дека властите веруваат оти во ресторанот била активирана експлозивна направа, пренесува агенцијата Reuters.
Портпаролот на министерството за внатрешни работи на Баварија, исто така, за новинарите рекол дека се чини оти експлозијата е „намерен чин“ а не случајност. „Во моментов ние претпоставуваме дека не станува збор за случајност“, рекол.
Претходно медиумите објавија дека најверојатно станува збор за експлозија на гас, но официјална потврда за таа информација нема.
Центарот на градот е блокиран од специјалните полициски сили. Инцидентот се случил во близна на областа во која изминатиов викенд се одржува музички фестивал, пишува Suddeutsche Zeitung. Последната фестивалска вечер била прекината и околу 2.500 посетители биле евакуирани.
Според портпаролот на полицијата, експлозијата одекнала околу 22.15 часот на улицата „Пфарштрасе“, и на местото на инцидентот работи криминалистичката полиција.
Полициски и спасувачки екипи работат во текот на ноќта, а според впечатокот на медиумите станува збор за операција од широки размери. Баварскиот министер за надворешни работи Јоахим Херман е на пат кон градот, според неговиот портпарол.
Ансбах се наоѓа во германската федерална земја Баварија, околу 40 километри од Нирнберг, и околу 150 километри северозападно од Минхен.
Засега други поединости не се соопштени./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Британска компанија ги тужи „Фајзер“ и „Бионтек“: Ја украдоа нашата технологија за вакцина против Ковид
Британската фармацевтска компанија GlaxoSmithKline (GSK) денеска поднесе тужба пред федералниот суд во Делавер против американскиот Pfizer и германскиот BioNTech, тврдејќи дека тие ги прекршиле нејзините патенти за технологијата на гласник РНК (mRNA) во нивните вакцини против Ковид-19.
Вакцините Comirnaty на Pfizer и BioNTech ги прекршуваат иновациите на GSK заштитени со патент во mRNA вакцините, развиени „повеќе од десет години пред“ пандемијата на ковид-19, се вели во тужбата.
Патентите ја покриваат технологијата за пренос на нестабилна гласничка РНК во човечки клетки, која научниците почнаа да ја развиваат во 2008 година, а GSK стана сопственик кога го купи бизнисот со вакцини на Novartis во 2015 година, се додава.
Британската компанија бара парична отштета од Pfizer и BioNTech, вклучително и такси за патент, без да наведе износ.
Портпаролката на Pfizer во соопштението нагласи дека компанијата е „сигурна во својата позиција во однос на интелектуалната сопственост поврзана со Comirnaty“ и дека има намера „енергично да се брани“ од тврдењата на GSK. Портпаролот на BioNTech одби да ја коментира тужбата.
Портпаролот на GSK рече дека компанијата верува дека нејзините патенти „ја обезбедуваат основната технологија што се користи во mRNA вакцините на Pfizer и BioNTech против ковид-19“. GSK е „подготвен да ги лиценцира овие патенти под комерцијално разумни услови за да обезбеди пристап“ до вакцините.
Европа
(Видео) 19-годишна девојка во Украина се обидела да го продаде синот, барала 23.500 евра
Во украинскиот град Днипро, 19-годишна девојка се обидела да го продаде сопствениот двегодишен син, соопшти локалната полиција, пренесоа украинските медиуми.
Девојката наводно побарала еден милион гривни, што е околу 23.500 евра за своето дете. 19-годишната девојка наводно му го понудила детето на својот познаник и договорила средба со него. Во вторникот полицијата приведе маж додека носел пари на договорена локација.
Девојката наводно рекла дека не сака да се грижи за својот син, па решила да го продаде. Со парите што ги добила планирала да отвори сопствен бизнис.
Детето е земено во полиција и предадено на надлежните органи. Против неговата мајка е подигнато обвинение за трговија со луѓе.
Европа
Уапсени тројца мажи во истрагата за бруталното убиство на Хрват во Даблин
Уапсени се тројца мажи осомничени за убиството на 31-годишен Хрват, Јосип Штрок во Даблин минатиот месец, пишуваат ирските медиуми.
Тие се осомничени дека ги претепале Штрок, кој живеел и работел во Даблин, и неговиот пријател. Штрок почина од повредите на 3 април.
Неговиот пријател за хрватските медиуми изјавил дека биле во продавница и планирале да се дружат, кога група луѓе им кажала да почнат да зборуваат англиски.
„Немате почит кон нашата земја, ова е Ирска…“, изјави тој за Јутарњи. Тие влегле во автобусот и не забележале дека напаѓачите ги следат и биле нападнати одзади.
„Прво ме удрија со нешто, не знам дали беше шипка или палка. Ги прашав полицајците за деталите што ги виделе на видеото, а кои наводно ги имаат“, рече тој, додавајќи дека следното нешто се сеќава е кога се разбудил во болница.