Европа
Египет: Британија ќе ги врати своите туристи следните 10 дена, на Русија ѝ помага египетската војска
Британија се надева дека ќе ги врати сите свои туристи од египетското летувалиште Шарм-ел-Шејк во следните десет дена, додека 13 руски воздухопловни компании со помош на египетската војска започна се евакуирањето на 79.000 своите туристи од Египет.
Во саботата беше планирано евакуирањето со девет летови на околу две илјади од 20.000 британски туристи од египетското летувалиште Шарм-ел-Шејк откако пред една седмица се урна руски патнички авион со 214 руски туристи и членови на екипажот. Евакуацијата на британските туристи и запирањето на летовите кон египетското летувалиште следеше откако западни разузнавачки извори изразија сомневање дека можна причина за падот на рускиот авион е терористички напад.Евакуирањето на британските туристи е забавено, и покрај најавените 29 летови само во петокот, поради тоа што египетските власти о ограничија бројот на полетувања на британските авиони, откако британските воздухопловни компании одбија да го превезуваат багажот на патниците, а аеродромот во Шарм-ел-Шејк остана затрупан со товарот на британски туристи.Мерките за безбедност пропишуваат на патниците да им биде дозволено во авионите да внесат само рачен багаж кој може да се смести под седиштето. Во него може да се содржат сам личните документи, скапи предмети, клучеви од возило или од домот, лекови, пари и кредитни картички. Дозволено е, исто така, да се внесе и храна за деца и пелени. Исклучени се дури инвалидските колички и поголемите медицински помагала, како и детски колички, автомобилски седишта за деца.Руските власти за цивилното воздухопловство објавија во саботата дека 13 воздухопловни компании ќе враќаат од египетските летувалишта руските туристи во градовите ширум земјата. Според официјалните процени, во моментов во Египет се наоѓаат 79.000 туристи од Русија, од кои најголемиот дел се во Хургада и во Шарм-ел-Шејк. „Тие тринаесет компании туристите ќе ги враќаат во различните градови, но 60 до 70 отсто од туристите ќе се вратат прво во Москва“, изјави портпаролката на рускиот Туристички сојуз, Ирина Тјурина. Во враќањето на руските туристи ќе помага и египетската војска, изјави вицепремиерот Аркадиј Дворкович. Русија, исто така, ги сопре летовите кон сите дестинации кон Египет, вклучително и во главниот град Каиро, а и нејзините патници ќе се враќаат во татковината само со личниот багаж./крај/мф/сн
Извор: Reuters/РИА Новости
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.
Европа
Во Англија извикал „Алах Акбар“ и убил случаен минувач: „Го направив тоа за луѓето од Газа“
45-годишниот Ахмед Алид вчера беше прогласен за виновен за убиство и обид за убиство. На 15 октомври минатата година, барател на азил од Мароко со нож го уби 70-годишниот Теренс Карни во центарот на англискиот град Хартлпул. Тој претходно го избодел со нож својот заспан цимер Џавед Нури додека викал „Алах Акбар“.
Алид и рекол на полицијата дека сето тоа го направил „за луѓето од Газа“. Само осум дена пред да убие случаен минувач и да го рани својот цимер, милитантите на Хамас го нападнаа Израел. Алид се заколнал дека ќе убиел повеќе луѓе доколку имал митралез и друго оружје, изјави обвинителот Џонатан Сендифорд во Судот во Тесајд.
Алид делел куќа со други баратели на азил во североисточна Англија. Тој бил вознемирен што Нури го прифатил христијанството. Цимерите рекле дека Алид почнал да носи нож откако на телевизија видел прилог за настаните во Газа.
Европа
Крим главна цел: Пентагон откри за што Украина ќе ги користи моќните ракети АТАКМС
Министерството за одбрана на САД ја појасни целта за испорака на ракети со долг дострел во Украина, кои неодамна беа испорачани во тајност. Како што објави „Њујорк тајмс“, целта на испораката на американските ракети АТАКМС е да се зголеми притисокот врз Крим, кој беше анектиран од Русија по референдумот во 2014 година.
Крим го претставува центарот во кој се лоцирани голем број руски воздушни и копнени сили и кој досега, како што пишува американскиот дневен весник, „за нив бил релативно безбедно засолниште“. Ова го тврди анонимен американски функционер. Сепак, Пентагон одби да каже колку точно од овие проектили со дострел од 300 километри се испорачани на украинската страна.
Советникот за национална безбедност на Белата куќа, Џејк Саливан, претходно ја потврди испораката на овие ракети без да прецизира дали тие се модифицирани и имаат зголемен дострел.
Украинските сили веќе употребија АТАКМС, што претседателот Володимир Зеленски го потврди на 17 април, објавувајќи дека бил извршен напад врз воздухопловната база Џанкој, која се наоѓа на 165 километри од линијата на фронтот. Министерството за одбрана на Руската Федерација не ги коментираше овие наводи.
Pentagon reveals Ukraine’s targets for ATACMS missiles – NYT — (the usual baffling lack of retaliation threats from #Putin– instead just the usual bleating that ‘it’s impossible to justify’..Bring Stalin back to life please, Russia) https://t.co/8pi0Lx8tbt #CapeTown #SouthAfrica pic.twitter.com/ZtI5cG3r2m
— Peter Mayson (@theforeverman) April 26, 2024
Американскиот дневен весник потсетува дека Украина првпат добила ракети АТАКМС во септември минатата година, но дека станува збор за верзија со половина дострел. Се шпекулираше дека Украина можеби користела американски ракети за да го урне кримскиот мост, што на почетокот на месецов го потврди и самиот претседател Зеленски, велејќи дека неговата влада „навистина сака да го уништи мостот на Крим“.
Тој е симбол на руската окупација и преку овој мост Русија испорачува воена опрема и ги снабдува војниците во Украина. Во неколку наврати досега мостот беше цел на украински напади.
– Мислам дека е вистинското време, а шефот (Бајден) донесе одлука дека е вистинско време да и го обезбеди на Украина оружјето неопходно за тековната борба. Тоа е добро осмислена и многу конструктивна одлука – изјави адмирал Кристофер Грејди, заменик командант на Здружениот генералштаб на американската армија.
Руската страна го осуди потегот на САД, а рускиот амбасадор во Вашингтон Анатолиј Антонов рече дека тоа „ја зголемува заканата за безбедноста на Крим, вклучително и Севастопол и другите руски градови“.