Европа
Експлозии во Донецк, Киев стравува од руска интервенција
Две експлозии одекнале во саботата рано утрото во Донецк клучниот град во источна Украина кој е под контрола на проруските бунтовници кои јавија дека градот е во целосно опкружување на украинската армија, додека Киев ја обвини Москва дека сала воено да интервенира под изговорот за хуманитарна акција.
Во експлозиите немало жртви, ниту поголема материјална штета, главно биле искршени прозорци на згради на две различни локации во Донецк на кои паднале гранатите.Офанзивата на украинската армија започната пред четири месеци сега се концентрира на Лиганск и на Донецк, двата најголеми града во источните региони каде што локалното проруски настроено население прогласи ткн народни републики, бидејќи не ја признава легитимноста на прозападните власти во Киев кој дојдоа на власт по февруарските безредија и соборувањето на претседателот Виктор Јанукович.Од штабот на бунтовниците на самопрогласената Народна Република Донецк, во саботата наутро информираа дека главнината на силите на етничките Козаци кои застанаа на страната на ткн народни милиции се повлекле од гратчето Краснии Луч, кој се наоѓа на правецот меѓу Донецк и Луганск, по што градовите Донецк и Горловка се нашле во целосно опкружување на украинската армија.Нота кон саботата, врз украинските сили „во неколку наврати е отворен оган“ и „има жртви’ чиј број сѐ уште не е утврден, изјави портпаролот на штабот на украинските сили коишто се ангажирани во операцијата во источна Украина, Олескиј Дмитрашковски. Тој потврди дека во петокот 15 украински војници загинале во борбите кај Донецк, а уште четворица друг биле ранети.Во меѓувреме, откако повеќе денови градот Луганск остана без снабдување со електрична енергија, горива, води и комуникации, а во градот работата само аптеките, Москва изрази голема загриженост за хуманитарната ситуација во градот и побара итни мерки за хуманитарна помош.На украинската телевизија во петокот навечер членот на кабинетот на украинскиот претседател Валериј Чали, изјави дека Русија се обидува да испрати хуманитарен конвој во Украина. „Голем конвој тргнува кон украинската граница, а го следи војска и руски возила“, изјави Чали. Според него, украинскиот претседател Петро Порошенко ја запрел таа провокација по дипломатски пат со американскиот државен секретар Џон Кери. Украинскиот министер за надворешни работи Павло Климкин разговарал со својот руски колега Сергеј Лавров, кој гарантирал дека конвојот ќе биде запрен, додаде Чали./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Британска компанија ги тужи „Фајзер“ и „Бионтек“: Ја украдоа нашата технологија за вакцина против Ковид
Британската фармацевтска компанија GlaxoSmithKline (GSK) денеска поднесе тужба пред федералниот суд во Делавер против американскиот Pfizer и германскиот BioNTech, тврдејќи дека тие ги прекршиле нејзините патенти за технологијата на гласник РНК (mRNA) во нивните вакцини против Ковид-19.
Вакцините Comirnaty на Pfizer и BioNTech ги прекршуваат иновациите на GSK заштитени со патент во mRNA вакцините, развиени „повеќе од десет години пред“ пандемијата на ковид-19, се вели во тужбата.
Патентите ја покриваат технологијата за пренос на нестабилна гласничка РНК во човечки клетки, која научниците почнаа да ја развиваат во 2008 година, а GSK стана сопственик кога го купи бизнисот со вакцини на Novartis во 2015 година, се додава.
Британската компанија бара парична отштета од Pfizer и BioNTech, вклучително и такси за патент, без да наведе износ.
Портпаролката на Pfizer во соопштението нагласи дека компанијата е „сигурна во својата позиција во однос на интелектуалната сопственост поврзана со Comirnaty“ и дека има намера „енергично да се брани“ од тврдењата на GSK. Портпаролот на BioNTech одби да ја коментира тужбата.
Портпаролот на GSK рече дека компанијата верува дека нејзините патенти „ја обезбедуваат основната технологија што се користи во mRNA вакцините на Pfizer и BioNTech против ковид-19“. GSK е „подготвен да ги лиценцира овие патенти под комерцијално разумни услови за да обезбеди пристап“ до вакцините.
Европа
(Видео) 19-годишна девојка во Украина се обидела да го продаде синот, барала 23.500 евра
Во украинскиот град Днипро, 19-годишна девојка се обидела да го продаде сопствениот двегодишен син, соопшти локалната полиција, пренесоа украинските медиуми.
Девојката наводно побарала еден милион гривни, што е околу 23.500 евра за своето дете. 19-годишната девојка наводно му го понудила детето на својот познаник и договорила средба со него. Во вторникот полицијата приведе маж додека носел пари на договорена локација.
Девојката наводно рекла дека не сака да се грижи за својот син, па решила да го продаде. Со парите што ги добила планирала да отвори сопствен бизнис.
Детето е земено во полиција и предадено на надлежните органи. Против неговата мајка е подигнато обвинение за трговија со луѓе.
Европа
Уапсени тројца мажи во истрагата за бруталното убиство на Хрват во Даблин
Уапсени се тројца мажи осомничени за убиството на 31-годишен Хрват, Јосип Штрок во Даблин минатиот месец, пишуваат ирските медиуми.
Тие се осомничени дека ги претепале Штрок, кој живеел и работел во Даблин, и неговиот пријател. Штрок почина од повредите на 3 април.
Неговиот пријател за хрватските медиуми изјавил дека биле во продавница и планирале да се дружат, кога група луѓе им кажала да почнат да зборуваат англиски.
„Немате почит кон нашата земја, ова е Ирска…“, изјави тој за Јутарњи. Тие влегле во автобусот и не забележале дека напаѓачите ги следат и биле нападнати одзади.
„Прво ме удрија со нешто, не знам дали беше шипка или палка. Ги прашав полицајците за деталите што ги виделе на видеото, а кои наводно ги имаат“, рече тој, додавајќи дека следното нешто се сеќава е кога се разбудил во болница.