Европа
ЕП изгласа резолуција за сопирање на преговорите со Турција, Анкара ја отфрла како ништовна
Европскиот парламент на пленарната сесија во Стразбур ја изгласа резолуцијата со којашто ја повикува Европската унија привремено да ги прекине пристапните преговори со Турција, којашто турскиот министер за европски работи Омер Челик ја оцени ништовна.
Европскиот парламент објасни дека одлуката е донесена поради „несразмерниот одговор“ на неуспешниот воен удар од 15-ти јули годинава, по кој турските власти покренаа акција за чистење на државните институции од приврзаниците на исламистичкиот проповедник Фетулах Ѓулен кого го обвинуваат за обидот за пул, со прокурдските политичари и медиумите кои имаа критички став кон власта. Една од забелешките на Брисел беше и размислувањето во Анкара по обидот за преврат да ја врати смртната казна.
Текстот на резолуцијата, кој го поддржаа главните пратенички групи во Европскиот парламент, конзервативците, социјалистите, либералите и зелените, е одобрен со 479 гласови „за“, 37 пратеници беа „против“, а 107 се воздржаа.
Претходно шефицата на европската дипломатија Федерика Могерини во текот на денатата на седмицата на Европскиот парламент истакна дека односите меѓу Европската унија и Турција се наоѓаат на крстопат и дека „преминот од реторика на дејствие по прашањето на смртната казна ќе биде знак дека Турција не сака да стане членка на европското семејство, нити на Советот на Европа, ниту на Европскиот сојуз“.
Претходно во средата турскиот претседател Реџеп Тајип Ердоган дека евентуалното усвојување на резолуцијата за неговата земја нема никакво значење.
Коментирајќи во врска со резултатите од гласањето во Европските парламенти, турскиот министер за европски прашања Омер Челик рече дека „во периодот кога Турција поради заканите од Сирија и Ирак минува низ тежок период во борбата со тероризмот, во Европа, за жал, се водат кусогледи и еднострани дискусии“.
„Оваа одлука е ништовна, покажува голем недостиг од визија и ќе остане во историјата запаметена како многу лоша“, порача Челик на прес-конференцијата директно пренесувана на телевизијата. Додаде и дека оваа необврзувачка резолуција не треба да се сфати сериозно.
Брисел повеќепати предупредуваше дека однесувањето на Анкара ја доведува во прашање нејзината посветеност за пристапување кон ЕУ. Европската комисија на почетокот во годишниот извештај за напредокот на Турција на патот кон Унијата, ги нотираше неуспесите на политиките на Анкара во сферата на граѓанското општество, човековите права и слободата на говорот. Во извештајот, исто така, беше истакнато дека турските власти не прават доволно за прилагодување на законодавството кон европските норми.
Спогодбата за асоцијација меѓу тогашната Европска заедница и Турција беше потпишана во 1963 година. Апликацијата за членство во Европската унија, Анкара ја поднесе дури во 1987 година. Пристапните преговори за членство пак започнаа дури во 2005 година, а повеќепати беа усложнувани поради несогласувања што доведе до нивно прекинување. Во моментов отворени се 16 од 35-те поглавја од пристапните преговори
Во март 2016 година челниците на земјите членки на ЕУ се согласија да ги интензивираат преговорите со Турција, во замена со согласноста на Анкара да помогне во намалувањето на приливот на имигранти во европските земји преку турската територија./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Русија ја тестира втората верзија на патничкиот авион „MC-21“ со домашни делови
Русија спроведе пробен лет на втората прототип-верзија на својот среден патнички авион „MC-21“ направен со домашни делови, соопшти Министерството за индустрија во вторникот бидејќи санкциите за увезени делови го забавуваат производството, а високите каматни стапки ги ограничуваат инвестициите.
И покрај овие пречки, руската воздухопловна индустрија успеа да испорача еден од 15-те авиони планирани за оваа година до август.
Домашна технологија во новиот прототип
Авионот „MC-21“ полета од фабриката за авиони во Иркутск, управувана од компанијата „Јаковлев“, дел од корпорацијата United Aircraft Corporation на државниот конгломерат „Ростек“, соопшти министерството во објава на платформата „Телеграм“.
Летот ги тестира новите руски системи на авионот и турбовентилациските мотори PD-14, соопшти Министерството. Претходните прототипови комбинираа руски и странски компоненти.
„MC-21“, кој може да превезува околу 175 патници во конфигурација од две класи, е клучен за плановите за замена на авионите на западните производители „Ербас“ и „Боинг“, кои руските авиокомпании тешко може да ги одржат поради санкциите воведени по руската инвазија на Украина во 2022 година.
Верзијата на „MC-21“ со увезени делови беше полесна од првата верзија, која имаше ограничен дострел и поголема потрошувачка на гориво, што ги направи авиокомпаниите претпазливи, изјави руски извор од авијацијата за „Ројтерс“ во август.
Датумите за испорака беа одложувани неколкупати откако „Ростек“, кој го надгледува производството на Superjet-100, Tupolev Tu-214, Ilyushin и новиот Yakovlev MC-21, изјави за „Ројтерс“ дека Русија ќе гради свои патнички авиони.
Првите испораки на „MC-21“ се очекуваат кон крајот на 2026 година, а „Ростек“ планира да го зголеми производството на 36 авиони годишно до 2030 година.
фото: принтскрин
Европа
„Политико“: Унгарија, Чешка и Словачка се обидуваат да формираат сојуз на скептици за Украина
Унгарија се стреми да ги здружи силите со Чешка и Словачка за да формира блок од земји во Европската Унија кои се скептични кон понатамошна помош за Украина. Таквиот потег би можел значително да ги комплицира напорите на Брисел да обезбеди континуирана финансиска и воена поддршка за Киев, пишува Политико.
Балаш Орбан, главен политички советник на унгарскиот премиер, изјави дека се надева дека ќе се здружи со Андреј Бабиш, чија десничарска популистичка партија победи на неодамнешните парламентарни избори во Чешка, и со словачкиот премиер Роберт Фицо. Според него, целта е да се координираат ставовите пред состаноците на лидерите на ЕУ, што вклучува одржување состаноци пред самите самити.
Иако сè уште не е постигнат силен политички сојуз, неговото формирање би можело значително да ги комплицира напорите на ЕУ да обезбеди финансиска и воена поддршка за Украина, наведува Политико.
„Мислам дека тоа ќе се случи – и ќе стане сè повидливо“, рече Балаш Орбан, кога беше прашан за можноста за формирање блок на скептици за Украина во Европскиот совет.
Тој потсети на моделот на соработка на таканаречената Вишеградска група на четворката (Унгарија, Чешка, Словачка и Полска) за време на мигрантската криза. „Тоа функционираше многу добро за време на мигрантската криза. Така успеавме да се спротивставиме“, рече тој, осврнувајќи се на периодот по 2015 година, кога евроскептичната партија „Право и правда“ беше на власт во Варшава.
Според „Политико“, новиот сојуз би се состоел од три, а не од четири члена. Сегашниот полски премиер од централно-десничарската партија, Доналд Туск, е цврсто проукраински ориентиран и веројатно нема да се приклучи на каков било сојуз со унгарскиот премиер.
Унгарскиот премиер, кој е на власт во последните 15 години, се соочува со борба за реизбор следната година. Според анкетата на јавното мислење на која се повикува изданието, партијата „Тиса“ на лидерот на опозицијата Петер Маѓар во моментов е попопуларна од партијата „Фидес“ на Орбан.
фото: принтскрин
Европа
(Фото) Лебед го прекина железничкиот сообраќај во Шкотска неколку часа
Патниците се соочија со големи доцнења и откажувања на услугите во шпицот на најпрометната железничка станица во Шкотска вчера, откако лебед беше пронајден на шините на станицата во Глазгов. „Нетворк Реил“ вчера соопшти дека птицата се качила на горниот дел на станицата Глазгов Централ околу 17:49 часот и не била сигурна каде оди.
„Драги патници, се работи за лебед кој се заглавил на шините на станицата Глазгов Централ. Услугите до и од оваа железничка станица се прекинати, но возовите сè уште возат со намалена брзина“, се вели во соопштението на железничкиот оператор, заблагодарувајќи им се на сите за нивното трпение.
„Тим специјалисти е испратен на местото на настанот и работи на отстранување на лебедот од шините што е можно поскоро“, се вели во соопштението.
18:03. A photograph of the culprit. 🦢
Our team are still working to keep services moving and move the swan out of harm's way.
Again, we thank you for your patience whilst we deal with this and get services back on time ASAP.@AvantiWestCoast @ScotRail @TPExpressTrains pic.twitter.com/IruVKWhdjz
— Network Rail Scotland (@NetworkRailSCOT) October 27, 2025
„Нетворк Реил“ објави фотографии од „виновникот“ по 18:00 часот, додавајќи дека тимовите „работат за да се осигурат дека услугите нема да бидат прекинати и дека лебедот ќе биде отстранет на безбедно место“. Во 18:30 часот „СкотРеил“ објави дека птицата е отстранета, а дека до 21:42 часот прекинот во сообраќајот престанал.
„Имаме добри вести. Лебедот е спасен, отстранет од зоната на станицата и транспортиран на безбедно место. Малку е вознемирен, но добро се опоравува. Ви благодариме за трпението, го цениме тоа.
Исто така, работиме на враќање на нашите вработени на работа и нашите услуги сега работат нормално“, се вели во соопштението. По околу три часа, беше објавено дека „прекинот на железничките услуги на Глазгов Централ е завршен“.

