Регион
Безредија на имигрантите во прифатен центар во Бугарија
![](https://makfax.com.mk/wp-content/uploads/2016/11/begalci-bunt-bugarija-harmanli.jpg)
Околу 1.500 имигранти започнаа во четвртокот безредија во најновиот камп за нивно прифаќање во Бугарија во периодот кога јакнат тензиите во прифатните центри ширум Балканот, соопштија бугарските власти.
Бегалците палеле автомобилски гуми и фрлале камења врз околу 250 полицајци, пожарникари и припадници на специјалните сили за одржување на редот во прифатниот центар Харманли, близу границата со Турција, изјави портпаролката на бугарската полиција Нина Николова.
Според неа безредијата започнале поради „неодамнешната забрана имигрантите да ја напуштаат територијата на центарот за нивно прифаќање“. „Ситуацијата во моментов е под контрола и се водат преговори меѓу имигрантите кои протестираат и државната агенција за бегалци“, додаде попладнето Николова.
Во споменатиот центар се сместени 3.000 имигранти, а во октомври веќе се одржа еден протест кога неколку стотини Авганистанци бараа да им се дозволи да го продолжат своето патешествие кон западна Европа.
Бугарија релативно лесно мина со минатогодишната бегалска криза, и постави ограда од жица на турската граница. И покрај тоа, околу 13.000 имигранти, повеќето Авганистанци, во моментов се сместени во најсиромашната земја членка на Европската унија.
Иако таканаречената Балканска рута е затворена од март годинава, имигрантите во помал број и натаму пристигнуваат во регионот. Тензиите растат, особено во Грција, каде што има десетици илјади бегалци, а неодамна грчки неонацистички групи нападнаа мигрантски камп на источниот брег на островот Хиос./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
(Видео) Тешка сообраќајка во Грција: бебе меѓу загинатите
![](https://makfax.com.mk/wp-content/uploads/2024/07/Screenshot-2024-07-26-204400.jpg)
Тешка трагедија се случи во петокот попладне на автопатот Пиргос – Кипарисија, во близина на Месинија во Грција, кога четири лица, меѓу кои 12-месечно бебе и 13-годишно девојче, кои се наоѓале во два автомобили, загинаа во сообраќајма несреќа, пишува „Protothema“.
До несреќата дошло кога 39-годишниот камионџија, кој возел во правец на Кипарисија, од засега непозната причина изгубил контрола, излетал во спротивен правец и налетал на три возила, предизвикувајќи трагични последици.
Според написите, камионот всушност буквално ги стопил двете возила кои учествувале во несреќата. Противпожарната служба со 12 пожарникари ги извлекла настраданите.
Според информациите, во првиот патнички автомобил кој се судрил со камионот било семејство кое живее во странство и отпатувало за Нафплио за да се види со роднините и на одмор на Пелопонез. Во него се пронајдени мртви 38-годишен татко и 12-месечна ќерка, а повредени се 38-годишна мајка и нивниот шестгодишен син, кои се пренесени во болницата во Патра.
Од второто возило кое било заглавено под камионот извлечени се маж (50), девојка (13) и жена (60), кои се здобиле со тешки телесни повреди.
Повредени се и 25-годишен маж кој бил интубиран во Каламата, 39-годишен камионџија и 61-годишен маж, и двајцата се на лекување во болницата Кипарисија.
Затворен е магистралниот пат Пиргос – Кипарисија, а сообраќајот се пренасочува по заобиколен пат.
Регион
Едно лице загина во експлозија во магацин за огномет во Бугарија, ќерка му е со 85 отсто изгореници
![](https://makfax.com.mk/wp-content/uploads/2024/07/3-13.jpg)
Едно лице загина во експлозија во магацин за огномет во близина на бугарскиот град Елин Пелин, недалеку од Софија, изјави денеска бугарскиот министер за внатрешни работи, Калин Стојанов.
Мажот (49), кој почина во експлозијата, добил тешки изгореници и синоќа бил хоспитализиран, а неговата 20-годишна ќерка, која исто така е во болница со 85 отсто изгореници, сѐ уште е во критична состојба, пренесува порталот „Новините“.
Стојанов рече дека во магацинот во кој се случила експлозијата може да има уште две лица, меѓу кои и 22-годишниот син на сопственикот на магацинот.
Регион
Дете починало 7 дена по операција на крајници во Хрватска
![](https://makfax.com.mk/wp-content/uploads/2024/07/23.jpg)
Седумгодишно дете почина вчера, една недела по операцијата на крајници, која беше извршена во Клиничката болница „Свети дух“ во Хрватска.
Седум дена по извршената операција на Клиниката за оториноларингологија и хирургија на глава и врат и шест дена по отпуштањето од болница, детето во раните утрински часови било донесено утрово без витални знаци.
Веста за смртта на детето во рок од 24 часа ја потврди директорот на болницата, д-р Игор Алфиревиќ.
„За жал, точна е информацијата дека во четвртокот, 25 јули 2024 година, по реанимација во Обединетата итна болница на Клиничката болница „Свети дух“ почина седумгодишно дете“, рече тој.
Во тек е истрага, а телото на детето е испратено на обдукција.