Европа
Ерменија: Се предадоа вооружените напаѓачи на полициската станица
Ерменските полициски сили ја приведоа во неделата до крај двонеделната заложничка криза во полициската станица во главниот град Ереван во која двајца полицајци беа убиени, соопштија ерменските безбедносни служби додавајќи дека се уапсени дваесет лица.
„Антитерористичката операција на силите за спроведување на редот е завршена, припадниците на вооружената група мораа да го положат оружјето и да им се предадат на властите. Дваесет терористи се уапсени. Територијата на полициската станица е целосно ослободена“, се наведува во соопштението на ерменската државна безбедносна служба.
Една ерменска интернет страница претходно во неделата објави изјава на маж кој се претставил како припадник на вооружената група и рекол дека одлучил да се предаде.
„Продолжуваме да се бориме од затворот, мислиме дека ја исполнивме својата задача: бевме искра која го поттикна народот на побуна, нема смисла да се пролева крв“, рекол мажот кој се претставил како Варујан Аветисјан, припадник на радикалното опозициско движење.
Полицијата во саботата соопшти дека конечно ќе ја изведе планираната акција за заземање со сила на полициската станица, за што протестираа приврзаниците на оваа вооружена група.
Напаѓачите бараа ослободување на затворениот опозициски челник Жирар Сефилјан, кој ја критикува власта заради недоволното според него воена ангажирање во судирот во Нагорно-Карабах, доминантно ерменска покраина во соседен Азербејџан која од распадот на Советскиот сојуз настојува да се отцепи.
Главното барање на напаѓачите е ослободување на од затвор на лидерот на радикалниот опозициски Фронт за општествен спас Нова Ерменија, Жирар Сефилјан, кои е обвинет за незаконско набавување и поседување оружје и за организирање безредија. Тој беше уапсен во јуни во обидот за заземање на владини згради и телекомуникацискиот центар во Ереван.
Напаѓачите на 17-ти јули упаднаа во полициската станица, земајќи заложници вклучително и медицинскиот тим кој им беше испратен за помош кога најавија и штрајк со глад.
Тие бараа оставка од претседателот Серж Саграсјан, воен функционер избран во 2008 година, за кого се смета дека е проруски наклонет па затоа на западот извесна поддршка ужива радикалната опозиција која покажува дека е добро вооружена.
На протестите кои заложничката криза ги поттикна во Ереван во безредијата беа повредени 60 луѓе а приведени 164, поради што Европската унија и САД изразија загриженост./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Русија: Евакуиравме над 30.000 луѓе од пограничните области со Украина
Околу 30.400 луѓе, меѓу кои речиси 8.000 деца, се евакуирани од областите што граничат со Украина поради гранатирање и напади, изјави рускиот комесар за човекови права.
Комесарката Татјана Москалкова во интервју за порталот Аргументи и Факти изјави дека сите евакуирани се сместени во речиси 1.000 центри за привремено сместување низ Русија.
Украина, која беше нападната од Русија во февруари 2022 година, возврати со гранатирање и напади врз руските погранични области, при што војската тврди дека нападите се насочени кон инфраструктурата клучна за воените напори на Москва.
Украинските сили уште во август започнаа напад и упаднаа во регионот Курск, преземајќи контрола над десетици места. Оттогаш, тие ги задржаа повеќето од нивните позиции.
Москалкова рече дека и се пожалиле дека сега не се знае каде се наоѓаат повеќе од 1.000 руски државјани на Курск и дека се верува дека биле однесени од украинските воени сили.
Европа
ЕУ сака да воведе санкции против Иран поради испраќање ракети до Русите, пристигна одговорот на Техеран
Министрите за надворешни работи на ЕУ денеска ќе разговараат за ескалацијата на конфликтот на Блискиот Исток и напорите на ЕУ да ја поддржи Украина против руската инвазија, и покрај отпорот од Унгарија.
ЕУ планира да ги погоди руските актери и организации обвинети за дестабилизација на демократијата и безбедноста на Молдавија со нови санкции пред клучниот референдум за членство во ЕУ кон крајот на овој месец.
Унијата, исто така, сака да го казни Иран за снабдување на Русија со балистички ракети за употреба во Украина.
Санкциите на ЕУ што треба да бидат усвоени во понеделник се насочени кон компании и поединци вклучени во иранската програма за балистички ракети и снабдувањето со ова и друго оружје за Русија.
Една од целите е иранската државна авиокомпанија Иран Ер. Германија и Франција веќе најавија дека работат на санкции против компанијата.
Иран ги осуди предложените мерки на ЕУ. „Јасно кажав и повторно повторувам: НЕ испорачавме балистички ракети на Русија“, изјави министерот за надворешни работи Абас Арагчи. „Ако на Европа и треба случај за да се смири израелската уцена, подобро е да се најде друга приказна“, додаде тој.
Улогата на Иран и неговите регионални застапници Хезболах во Либан и Хамас во Газа ќе биде во фокусот на состанокот на министрите за надворешни работи во Луксембург.
ЕУ се бори да најде одговор кој би можел да помогне да се спречи конфликтот да се претвори во спирална регионална војна на Блискиот Исток.
Тоа најверојатно ќе биде последната средба на првиот дипломат на ЕУ, Жозеп Борел, додека поранешната естонска премиерка Каја Калас се подготвува да ја преземе оваа улога.
Друго големо прашање е блокадата на Унгарија која трае веќе една и пол година, како и клучната политика на ЕУ за воена помош за Украина, Европскиот фонд за мир (ЕПФ), вреден 6,6 милијарди евра.
Будимпешта не сака да испраќа оружје во Украина, сметајќи дека тоа само ја продолжува војната. „Искрено, тоа е многу време, тоа е многу пари и ја поткопува нашата политичка волја да ја поддржиме Украина на кој било фронт“, рече претставник на ЕУ во знак на растечката нетрпеливост на ЕУ кон Унгарија.
Европа
Русија ја нападна Украина со 68 дронови
Русија синоќа истрела 68 беспилотни летала и четири ракети врз Украина, соопшти украинската армија.
„Две балистички ракети Искандер-М ги погодија регионите на Полтава и Одеса, а две ракети Х-59 беа лансирани кон регионите Чернихив и Суми“, соопштија украинските воздухопловни сили на апликацијата за комуникација Телеграм.
Украинските сили за противвоздушна одбрана, наводно, уништиле 31 дрон.