Европа
ЕУ ја јакне контролата на европските џихадисти
Министрите за внатрешни работи на девет држави членки на Европската унија го усвоија акциониот план за идентификација на младите Европејци кои заминале или се подготвени да се борат во Сирија или Ирак, изјави европскиот координатор за борба против тероризмот Жил де Кершов
Министрите за внатрешни работи на девет држави членки на Европската унија го усвоија акциониот план за идентификација на младите Европејци кои заминале или се подготвени да се борат во Сирија или Ирак, изјави европскиот координатор за борба против тероризмот Жил де Кершов
Планот бил усвоен на работната средба на министрите за внатрешни работи на Белгија, Франција, Германија, Велика Британија, Шпанија, Италија, Данска, Шведска и Холандија во понеделникот во Милано, дознава AFP.
„Мерките се тајни“, изјавил европскиот координатор за борба против тероризмот Жил де Кершов, додавајќи дека ќе им бидат претставени на другите држави членки на Европската унија на следната формална средба на министрите за внатрешни работи којашто ќе се одржи во октомври годинава.
„Неодамнешниот развој на настаните во Ирак ја нагласува потребата од итно дејствување“, изјавил за агенцијата де Кершов и истакнал дека новиот прогласен калифат на Исламската држава (IS – поранешната Исламска држава во Ирак и на Левантот – ISIL) кои опфаќа територии од Ирак и Сирија и има намера да се шири кон Јордан и Либан, би можел да привлече млади радикални муслимани од Европа.
Со овие европски мерки се има намера да се подобри идентификацијата на потенцијалните кандидати коишто се подготвени да заминат на боиштата во Сирија и Ирак, да се предупредат другите земји членки на ЕУ, да се препречи заминувањето на боиштата, да се следат кога евентуално ќе се вратат од таму и во зависност од нивните активност да бидат уапсени.
Повеќе од две илјади Европејци заминале или имаат намера да заминат да се борат во Сирија во составот на радикалните исламистички групи кои се борат против силите на претседателот Башар ал-Асад, Некои веќе се вратиле и претставуваат потенцијална закана, предупредува де Кершов.
Уште во април минатата 2013 година де Кершов изјави дека во тоој момент во Сирија се борат петстотини Европејци. Разузнавачките служби стравуваат дека некои од нив би можеле да им се придружат на групите поврзани со глобалната терористичка мрежа Ал -Каеда и подоцна да се вратат во Европа и да се инволвираат во терористички активности. Се претпоставува дека повеќето од европските борци во Сирија доаѓаат од Велика Британија, Ирска и Франција. „Не се сите радикали кои заминуваат во Сирија, меѓутоа веројатно повеќето таму ќе станат радикални, ќе минат обука, и тоа би можело да доведе до сериозни безбедносни закани кога ќе се вратат”, изјави тогаш Декерошов.
На сириското боиште се претпоставува дека до јануари 2014 година имало седум илјади странски борци, а функционираат и кампови за обука на терористи, изјави во средата директорот за разузнавачки прашања Џејмс Клапер на сослушувањето во Сенатот на САД посветено на оцените за глобалните закани. „Сирија стана огромна магнетна сила за привлекување терористи“, изјави директорот на американската разузнавачка заедница. Според Клапер, во оваа земја постојат 1.600 различни групи, во кои се вклучени меѓу 75 и 110 илјади луѓе, а од нив американските служби 26 илјади ги вбројуваат во категоријата екстремисти. Клапер рече дека овие 7.000 странски борци војуваат во Сирија доаѓаат од 50 земји во светот. „Многумина од нив доаѓаат од земјите во Европа и од Блискиот исток. Но ја регистрираме и појавата на кампови за обука во Сирија каде што се подготвуваат луѓе со цел да бидат испратени во обратна насока, во нивните татковини и да извршуваат нови терористички напад. Тоа многу нé вознемирува“, додал Клапер.
И францускиот министер за внатрешни работи, Мануел Валс, претходно годинава изјави дека немирите во Сирија привлекуваат сè повеќе млади Французи кои сакаат да им се придружат на џихадистите, соопштуваат тамошните медиуми. Според него, во моментов во Сирија околу 250 млади лица, државјани на Франција или лица со дозвола за престој во земјата, се борат на фронтовите во Сирија истакнувајќи дека до сега во борбите во Сирија загинале околу 21 лице. Валс истакна дека во Сирија заминале повеќе од десет малолетни лица, а голем број пројавиле желба да одат во војна во оваа земја. Овие барања најизразени биле последниве неколку седмици.
Британскиот дневен весник The Daily Telegraph, повикувајќи се на сведочење на разговор со еден пребег обајви напис во кој се тврди дека глобалната терористичка мрежа Ал Каеда вежба стотици државјани на Велика Британија коишто се борат во Сирија за да станат џихадисти и ги поттикнува на напади по враќањето во татковината. Пребегот, претставен како Мурад од групацијата Исламска држава во Ирак и на Левантот (ISIL) за британскиот дневен весник дека другите регрути од Европа и САД се увежбувани за изработување на автомобили бомби пред да се бидат испратени, а во коишто основаат терористички ќелии. Според британските разузнавачки служби, во Сирија на страната на џихадистичките групи се борат околу 500 државјани на Велика Британија. Станува збор за проблем кој зафаќа повеќе европски земји, вклучително и оние од Балканот.
На почетокот од јануари белгискиот министер за надворешни работи Диде Рендерс за бриселскиот дневен весник La Libre Belgique изјави дека околу 200 џихадисти со белгиско државјанство заминале да се борат во Сирија против владата на претседателот Башар ал-Асад, од кои загинале повеќе од дваесетина. Белгиските власти својата загриженост од оваа појава првпат јавно ја изразија на почетокот од 2013 година, кога во Сирија заминале голем број нејзини државјани, од кои некои малолетни. Тие на проблемот работат заедно со соседна Франција, од каде што се верува дека 400 млади луѓе заминале да се борат во редовите на екстремистичките групи. Официјални претставници на двете земји уште тоагаш соопштија дека биле во контакт со колеги од Велика Британија, Германија, Холандија, Италија, Шпанија и Данска за координација на заеднички одговор на оваа појава.
Медиумите редовно известуваат за загинувања на белгиски доброволци во Сирија, некои од нив се приведени по враќањето во Белгија, но заминувањата на сириското боиште не престануваат.
Во Холандија, пак, нивото од терористичка закана е зголемено на „значително“, делумно според тамошните власти и поради загриженоста од враќањето на нивните државјани за кои се знае дека се борат во Сирија./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Главниот осомничен во случајот со Меди Мекен одбива да разговара со британската полиција
Главниот осомничен за исчезнувањето на Мадлен Мекен, Кристијан Б., одби да разговара со британската полиција пред неговото ослободување од затвор. Германскиот државјанин, познат под својот псевдоним поради законите за приватност, се очекува да биде ослободен во среда по отслужување казна за силување на постара жена во Праја да Луз во 2005 година, објави Скај њуз.
Полицијата се надева на пробив во истрагата
Британските истражители се надеваа дека 49-годишникот конечно ќе може да зборува за исчезнувањето на тригодишното девојче од португалско одморалиште во 2007 година, во клучен развој на долготрајната истрага. Метрополитенската полиција потврди дека му испратила „меѓународен допис со барање“ за разговор, но тој одби.
Мадлен исчезна од својот апартман кратко откако нејзините родители, Кејт и Гери Мекан, ја оставија да спие додека вечерале во блискиот ресторан. И покрај неговото одбивање да соработува, Мет потврди дека Кристијан Б. останува клучен осомничен во нивната истрага, која се спроведува со португалските и германските власти. Самиот Кристијан Б. претходно негираше каква било вмешаност во случајот.
Истрагата продолжува и покрај одбивањето
Главниот детектив, инспекторот Марк Кренвел, виш истражен службеник, рече дека полицијата ќе „продолжи да ги бара сите веродостојни траги“ и покрај неуспехот да разговара со Кристијан Б.
„Тесно соработувавме со нашите колеги од полицијата во Германија и Португалија со години за да го истражиме исчезнувањето на Мадлен Мекан и да го поддржиме семејството на Мадлен во разбирањето што се случило…“, рече Кренвел.
„Побаравме да разговараме со овој осомничен од Германија, но, од правни причини, ова може да се направи само преку меѓународно писмо за барање кое е поднесено. Осомничениот последователно одби. Во отсуство на разговор, сепак ќе продолжиме да ги бараме сите веродостојни траги.“
Со текот на годините, властите спроведоа серија претреси, најновиот во јуни во близина на португалската општина Лагос. Во 2023 година, истражителите ја пребараа областа околу резервоарот Барагем до Араде, на околу 50 километри од Праја да Луз, каде што Кристијан Б престојувал помеѓу 2000 и 2017 година и каде што фотографирал и снимил видеа.
Минатиот октомври, германски суд го ослободи Кристијан Б. од обвиненијата за неповрзани сексуални престапи што наводно се случиле во Португалија помеѓу 2000 и 2017 година. Вкупните трошоци за истрагата на Метрополитенската полиција, позната како Операција Grange, од 2011 година надминаа 13,2 милиони фунти, откако во април беа одобрени дополнителни 108.000 фунти владино финансирање.
фото: принтскрин
Европа
(Видео) Зеленски: Имаме решение за руските дронови, подготвени сме да го споделиме со НАТО
Украинскиот претседател Володимир Зеленски ја нагласи важноста на дроновите во одбраната на неговата земја од руска инвазија, истовремено нудејќи поддршка на НАТО во одвраќањето на руските беспилотни летала.
„Најефикасните санкции, санкциите што се најбрзи, се пожари во руските рафинерии за нафта, на нивните терминали и на складиштата за нафта“, рече тој во своето вечерно обраќање, осврнувајќи се на серијата украински напади со беспилотни летала насочени кон рускиот нафтен сектор. Тој рече дека нападите биле болни за Москва и дека ќе влијаат и на воените напори на Русија. Нападите „значително ја ограничиле руската нафтена индустрија, а тоа значително ја ограничува војната“, рече Зеленски.
Today I want to especially thank all our warriors who are inflicting truly significant losses on Russia. Losses at the front. Losses along the border. Losses on Russia’s own territory thanks to our long-range strikes. The most effective sanctions – the ones that work the fastest… pic.twitter.com/tOdd6xkqqD
— Volodymyr Zelenskyy / Володимир Зеленський (@ZelenskyyUa) September 14, 2025
Украина во ноќта кон неделата нападна една од најголемите руски рафинерии во градот Кириши, 110 километри југоисточно од Санкт Петербург. Пред официјалната потврда за нападот, на социјалните мрежи веќе почнаа да кружат слики и видеа на кои се гледаат големи пламени над рафинеријата.
Зеленски рече дека Украина е подготвена да го сподели своето искуство во одбивањето на нападите од руските беспилотни летала со НАТО, наведувајќи го неодамнешното навлегување на руски беспилотни летала во полскиот воздушен простор пред неколку дена и неодамнешниот инцидент со руски беспилотен авион над Романија.
„Подготвени сме да ги обучиме сите партнери во оваа одбрана“, рече Зеленски. „Сите гледаат дека Русите бараат начини да ја прошират војната на територијата на Полска и балтичките држави, а руската војска ја тестира и Романија.“
Иако НАТО има ефикасно одбранбено оружје, тој рече дека Украина развила „многу поекономични, помасовни и систематски решенија“.
фото: принтскрин
Европа
(Видео) Голем протест во Анкара: „Државен удар против идниот претседател“
Десетици илјади луѓе протестираа вчера во турската престолнина Анкара против судскиот случај што може да доведе до отстранување на лидерот на главната опозициска партија од функцијата денеска, по едногодишна правна битка меѓу владата и стотици нејзини членови. Снимките покажаа толпи како бараат оставка од претседателот Таип Ердоган, мавтајќи со турски знамиња и партиски транспаренти.
Судската одлука за поништување на конгресот на Републиканската народна партија (ЦХП) во 2023 година поради наводни процедурални неправилности може да ја преобликува партијата, да ги потресе финансиските пазари и да влијае на текот на општите избори закажани за 2028 година. Судот може и да ја одложи пресудата.
Лидерот на ЦХП, Озгур Озел, на митингот изјави дека владата сака да ја задржи власта, поткопувајќи ги демократските норми и потиснувајќи ги политичките противници откако опозициските партии победија на локалните избори минатата година. Озел повика на предвремени општи избори.
„Ова е политички случај. Обвинувањата се клевета. Она што се случува е државен удар – државен удар против идниот претседател, против идната влада. Ќе се спротивставиме, ќе се спротивставиме, ќе се спротивставиме“, изјави Озел пред насобраните. Владата инсистира дека судството е независно и негира какви било политички мотиви.
Во изминатата година, Турција приведе повеќе од 500 лица, вклучувајќи 17 градоначалници, во Истанбул и други општини и градови управувани од Републиканската народна партија низ целата земја, како дел од истрагите за наводна корупција.
Стотици членови на ЦХП се во притвор во рамките на широка истрага за наводни врски со корупција и тероризам, вклучувајќи го и главниот противник на Ердоган, градоначалникот на Истанбул, Екрем Имамоглу. Апсењето на Имамоглу во март предизвика најголемите протести во земјата во последната деценија. Стотици илјади Турци излегоа на улиците, а турската лира падна.
фото: принтскрин
Пред убиството Росица го пријавувала Стефановски за насилство и непочитување на забраната за приближување, го запалил и автомобилот на татко и’
Против Илија Стефановски, осомничен за убиството на Росица Коцева (31) и нејзиниот татко Киро Коцев (68) во Велес, претходно биле...
Намалена активната транспарентност на Владата и на министерствата, најмалку информации има за финансиите, објави Центарот за граѓански комуникации
Центарот за граѓански комуникации го објави редовното годишно рангирање на институциите според Индексот на активна транспарентност, односно според активното објавување...
Синоќа повторно предизвикан пожар на „Дрисла“
Синоќа, пред 23 часот, повторно беше предизвикан пожар на депонијата „Дрисла“, на сосема друго место, подалеку од местото што беше...
Рубио: Трамп е единствениот лидер што може да разговара со Русија, Украина и со Европа
Американскиот претседател Доналд Трамп би можел да се сретне со украинскиот лидер Володимир Зеленски следната недела во Њујорк, објави американскиот...
„Марш за ангелите” во Кочани и мирен протест во Скопје: шест месеци од трагедијата во дискотеката „Пулс“
Денеска се навршуваат шест месеци од трагедијата во дискотеката „Пулс“ во Кочани, во која животот го загубија 62 млади лица....
Изгаснат тежок пожар пред Пинтија, под контрола се пожарите на „Дрисла“ и во Трубарево, активен пожарот на Кожуф
Рано утрово пред 4 часот избувна тежок пожар во сервис за возила пред Пинтија (над „Стакларата“ на местото наречено Каменик)...
Мицкоски треба да одговара за ширење страв и паника по признанието на Тошковски дека нема центри на моќ зад пожарите, велат од СДСМ
Панче Тошковски во интервју призна дека нема осомничени дека одреден центар на моќ влијаел да се подметне пожарот во Трубарево...
Зеленски до Трамп: Покажете јасен став и сопрете го Путин
Украинскиот претседател Володимир Зеленски го повика Доналд Трамп да заземе јасна позиција за да го запре Владимир Путин и да...
Град Скопје не е надлежно за фабриката во Трубарево, „Вардариште“ е на Гази Баба, кај си да писнеш за УСЈЕ, му порача Арсовска на Ѓорѓиевски
Градоначалничката на Скопје, Данела Арсовска со објава на социјалните мрежи по последните случувања со пожарите во Трубарево, „Дрисла“ и „Вардариште“...
Опожареното место е затрупано со песок за да се спречи понатамошно тлеење на опасни материи, состојбата во Трубарево е под целосна контрола, уверуваат надлежните
Во Министерството за животна средина и просторно планирање денеска се одржа брифинг со медиумите за состојбата по пожарот во складиштето...
Скопјанeц ги убил девојката и татко и во Велес, па се самоубил
Денеска (15.09.2025) во 15:30 часот во СВР Велес е пријавено е дека на ул.,,Кочо Рацин“ во Велес е пронајдено женско...
Нема зголемена радијација во почвата и воздухот по пожарот во Трубарево, соопшти ИЈЗ
Од Институтот за јавно здравје информираат дека се во континуирана координација со Инспекторатот за животна средина, Министерството за здравство и...
Кирков до Арсовска: Знаете ли дека ви изгореа „Дрисла“, „Вардариште“, а Скопје е затрупано со смет кој не го собирате
Советнинкот во Советот на Град Скопје од редовите на ВМРО-ДПМНЕ, Стефан Кирков, со објава на социјалните мрежи ја праша градоначалничката...
Ноќеска Итната помош 13 пати интервенирала во Трубарево, едно лице е пренесено на Токсикологија
Во текот на изминатата ноќ заклучно со попладнево во реонот на Трубарево се извршени 13 интервенции од Итната медицинска помош,...
Повреден 18-годишник, велосипедист во Чаир испукал кон него неколку куршуми и избегал
Ноќеска ургентниот центар на комплексот клиники „Мајка Тереза“ во полиција пријавил дека кај нив е донесен 18-годишник повреден од огнено...
(Видео) Ангелов: Пожарот во Трубарево е целосно изгаснат, состојбата во „Дрисла“ е драстично подобрена
Пожарот во Трубарево е целосно изгаснат, целата опожарена површина е затрупана со песок и земја. Утрово покажуваше на неколку места...
(Видео) Хибридниот напад од странски центри е смешно алиби за неспособност на Мицкоски, вели Филипче
Претседателот на СДСМ, д-р Венко Филипче, денеска силно ги нападна изјавите на премиерот Мицкоски дека државата била цел на хибриден...
За да нема чадење од „Вардариште“, треба да се најде пристоен дом за над 200 луѓе што живеат среде депонијата, а некои од нив потпалуваат, вели Тошковски
Во решавање на проблемот со депонијата „Вардариште“ треба да се вклучат сите институции, да им се најде соодветен дом на...
(Видео) „Дуото Апасиев – Мециновиќ си пикнало во џебот милиони од партијата Левица, а на поддржувачите им велат донирајте ни пари“, вели Манасиевски
„Дуото Апасиев-Мециновиќ си пикнало во џеб милиони од Левица, а на поддржувачите им велат донирајте ни пари. Глумците Апасиев и...
(Фото) Презентирано визуелното решение за новата Универзална сала
Денеска, пред македонската јавност беше презентирано визуелното решение за новата Универзална сала – модерен и функционален објект, кој ќе го...
