Европа
Украина покренува план за враќање на контролата, бунтовниците подготвени на отпор
Украинската влада и предупреди проруските бунтовници самопрогласената Народна Република Донецк дека има план за „ослободување на заземените“ територии, но бунтовниците немаат намера да се предат и соопштуваат за масовна мобилизација на нови борци.
Откако проруските ткн народни милиции за самоодбрана се повлекоа изминатиот викенд од источните градови Славјанск и Краматорск, тие се прегрупираат во околината Донецк, еден од најголемите градови во регионот со повеќе од милион жители. Тие сѐ уште контролираат и значителен дел од областа крај градот Луганск, во близина на границата со Русија. Тие објавија дека Игор Стрелков, еден од водачите на вооружените проруски милиции кој командуваше со Славјанск, ја преземал командата над одбраната на Донецк, и оти формираат сили со централизирана команда поради поефикасно спротиставување на украинските владини сили кои од почетокот на април започнаа ткн „антитерористичка“ операција за враќање на контролата во источниот рософонски регион познат под заедничкото име Донбас.Од друга страна, украинскиот претседател Петро Порошенко ја исклучи моќноста од воздушни и артилериски гранатирања како во Славјанск и Краматорск, коишто би можеле да го ги загрозат цивилите. „Во Донецк и Луганск нема да има улични борби“, рече Поршенко, но сепак локалните медиуми јавуваат дека врз станбени населби во двата града е отворан артилериски оган во кој има неколку цивилни жртви.Истовремено, украинската влада објави дека „има план за освојување“ на Донецк и Лиуганск кој ќе претставува „гадно изненадување“ за бунтовниците“. „Имаме план за ослободување на украинската територија од сепаратистите кој не зависи од подготвеноста или неподготвеноста на Стрелков и неговите потчинети за одбрана, како што велат, на Донбас, Планот ќе биде совршено спроведен“, изјави портпаролот на украинската армија Андриј Лишенко.Од бунтовничките сили, пак, истакнаа дека во тек е регрутирање на нови борци, откако во вторникот Игор Стрелков упати јавен повик за зајакнување на силите во областа во којашто живеат околу 7,5 милиони жители, од кои огромно мнозинство се етнички Руси и рускојазични Украинци. Според нивни извори, само во вторникот се пријавиле 300 доброволци, што е десет пати повеќе од 25 до 30 дневно во изминатиот период. Речиси три месеца проруските бунтовници коишто не ја признаваат прозападната влада во Киев којашто дојде на власт по неколкумесечните безредија и стотината жртви во Киев откако беше соборен претседателот Виктор Јанукович, ѝ даваат отпор на украинската армија којшто според сопствени процени загубила во борбите околу 250 припадници, наспроти неколкуте стотици жртви на странана бунтовниците и цивилното население.По очајните резултати од почетокот на офанзивата, владините сили се охрабрени од влегувањето во Славјанск што го претставуваат како голема воена победа, како и од фактот дека Русија се оглушува на повиците на бунтовниците за упатување помош. Сепак, е претпазлива во однос на преземање директна воена акција во областа на Донецк каде што се претпоставува дека се вкупуваат проруските бунтовници и е групирана значителната воена техника повлечена од Славјанск./краj/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.
Европа
Во Англија извикал „Алах Акбар“ и убил случаен минувач: „Го направив тоа за луѓето од Газа“
45-годишниот Ахмед Алид вчера беше прогласен за виновен за убиство и обид за убиство. На 15 октомври минатата година, барател на азил од Мароко со нож го уби 70-годишниот Теренс Карни во центарот на англискиот град Хартлпул. Тој претходно го избодел со нож својот заспан цимер Џавед Нури додека викал „Алах Акбар“.
Алид и рекол на полицијата дека сето тоа го направил „за луѓето од Газа“. Само осум дена пред да убие случаен минувач и да го рани својот цимер, милитантите на Хамас го нападнаа Израел. Алид се заколнал дека ќе убиел повеќе луѓе доколку имал митралез и друго оружје, изјави обвинителот Џонатан Сендифорд во Судот во Тесајд.
Алид делел куќа со други баратели на азил во североисточна Англија. Тој бил вознемирен што Нури го прифатил христијанството. Цимерите рекле дека Алид почнал да носи нож откако на телевизија видел прилог за настаните во Газа.
Европа
Крим главна цел: Пентагон откри за што Украина ќе ги користи моќните ракети АТАКМС
Министерството за одбрана на САД ја појасни целта за испорака на ракети со долг дострел во Украина, кои неодамна беа испорачани во тајност. Како што објави „Њујорк тајмс“, целта на испораката на американските ракети АТАКМС е да се зголеми притисокот врз Крим, кој беше анектиран од Русија по референдумот во 2014 година.
Крим го претставува центарот во кој се лоцирани голем број руски воздушни и копнени сили и кој досега, како што пишува американскиот дневен весник, „за нив бил релативно безбедно засолниште“. Ова го тврди анонимен американски функционер. Сепак, Пентагон одби да каже колку точно од овие проектили со дострел од 300 километри се испорачани на украинската страна.
Советникот за национална безбедност на Белата куќа, Џејк Саливан, претходно ја потврди испораката на овие ракети без да прецизира дали тие се модифицирани и имаат зголемен дострел.
Украинските сили веќе употребија АТАКМС, што претседателот Володимир Зеленски го потврди на 17 април, објавувајќи дека бил извршен напад врз воздухопловната база Џанкој, која се наоѓа на 165 километри од линијата на фронтот. Министерството за одбрана на Руската Федерација не ги коментираше овие наводи.
Pentagon reveals Ukraine’s targets for ATACMS missiles – NYT — (the usual baffling lack of retaliation threats from #Putin– instead just the usual bleating that ‘it’s impossible to justify’..Bring Stalin back to life please, Russia) https://t.co/8pi0Lx8tbt #CapeTown #SouthAfrica pic.twitter.com/ZtI5cG3r2m
— Peter Mayson (@theforeverman) April 26, 2024
Американскиот дневен весник потсетува дека Украина првпат добила ракети АТАКМС во септември минатата година, но дека станува збор за верзија со половина дострел. Се шпекулираше дека Украина можеби користела американски ракети за да го урне кримскиот мост, што на почетокот на месецов го потврди и самиот претседател Зеленски, велејќи дека неговата влада „навистина сака да го уништи мостот на Крим“.
Тој е симбол на руската окупација и преку овој мост Русија испорачува воена опрема и ги снабдува војниците во Украина. Во неколку наврати досега мостот беше цел на украински напади.
– Мислам дека е вистинското време, а шефот (Бајден) донесе одлука дека е вистинско време да и го обезбеди на Украина оружјето неопходно за тековната борба. Тоа е добро осмислена и многу конструктивна одлука – изјави адмирал Кристофер Грејди, заменик командант на Здружениот генералштаб на американската армија.
Руската страна го осуди потегот на САД, а рускиот амбасадор во Вашингтон Анатолиј Антонов рече дека тоа „ја зголемува заканата за безбедноста на Крим, вклучително и Севастопол и другите руски градови“.