Европа
ЕУ, НАТО и САД ја предупредуваат Москва поради Украина
Европската унија ја испитува можноста за свикување вонредна седница на своите министри за надворешни работи следната седмица за да ја казни наводната офанзива на рускојазичните бунтовници во источна Украина, изјавиле во саботата навечер за AFP добро известени извори.
И покрај тоа што проруските бунтовници негираа дека имаат одговорноста за саботното бомбардирање на југоисточниот град Мариупол во кој според киевските прозападни власти има 30 загинати, бидејќи во тој дел од фронтот немаат артилериски батерии со кои би можеле да го гаѓаат стратешки важниот град, дека немаат намера да ги „трошат силите“ за да нападнат град во кој живеат „граѓани кои се исти како оние во Донецк“, како и дека станува збор за оган најверојатно отворен по грешка или како провокација од страна на украинските единици распоредени во близина на градот, Западот е единствен во нивната осуда за ова гранатирање.
Латвискиот министер за надворешни работи Едагарс Ринкевицс во саботата од шефицата на европската дипломатија Федерика Могерини официјално побарал свикување итна седница на неговите колеги од ЕУ за преземање мерки против рускојазичните бунтовници во источна Украина. Според изворите на AFP, Могерини веќе ги започнала консултациите за таков состанок.
Могерини во саботата разговарала со украинскиот претседател Петро Порошенко за ситуацијата по гранатирањето на пристанишниот град Мариупол, кој од април 2014 година по безредијата со десетици загинати, е под контрола на украинската армија, соопшти во саботата навечер нејзината портпаролка Маја Коцијанчич.
Могерини, истовремено, ја повика Москва и ја предупреди „да го искористи своето значително влијание и да престане да дава секаква воена, политичка и финансиска помош на сепаратистичките челници за да ги спречат последиците погубни за целиот свет“.
И генералниот секретар на НАТО, Јенс Столтенберг, ја повика Русија да „престане да ја дестабилизира Украина и да испраќа воена, политичка и финансиска помош на сепаратистите кои преземале офанзива на истокот од Украина“.
Американскиот државен секретар Џон Кери побара, исто така, Русија „веднаш да прекине да дава помош на проруските сепаратисти“. Во писмената изјава од Цирих, по учеството на Светскиот економски форум во швајцарски Давос, Кери од Москва бара „да ја затвори меѓународната граница со Украина, да го повлече сето оружје и борци, и да прекине со финансиската помош“. „Во спротивно, меѓународниот и американскиот притисок врз Русија и врз нејзините помагачи само ќе се зголеми“, се закани државниот секретар на САД.
Кери во изјавата додава дека им се придружува на европските колеги во „најострата осуда на гнасниот напад на сепаратистите со помош на Русија врз станбена населба во Мариупол, мирен град 25 километри оддалечен од линијата на примирјето поставена со договорот од Минск“ од септември 2014 година. Повтори дека оваа офанзива претставува „ново кршење на договорот од Минск“, пренесува Reuters.
Кери минатата седмица, по разжестувањето на судирите во Украина ги обвини рускојазичните бунтовници дека сакаат да извршат „очигледна анексија“ на дел од територијата на истокот од земјата и наведе дека територијата којашто ја контролираа ја прошириле на вкупно 1.300 квадратни киломeтри.
Во средата во Москва, рускиот министер за надворешни работи Сергеј Лавров на прес-конференција повторно тврдеше дека Русија на ниеден начин не е воено вклучена во судирот во југоисточна Украина и ги отфрли уште еднаш тврдењата на Киев и на Западот за руско воено присуство во соседната земја повторено барајќи од нив да ги изнесат доказите за тоа.
„Секогаш велам: доколку нешто тврдите со таква увереност, покажете ги доказите. Но никој не може да го покаже доказите или тоа не сака да го направи. Оттаму, пред да побарате од нас нешто да престанеме да го правиме, ве молам да ги покажете доказите дека тоа го правиме“, порача шефот на руската дипломатија.
Но истовремено го обвини Западот дека ја снабдува Украина со оружје преку земји членки на НАТО и ЕУ спротивно на прописите на Европската унија и Организацијата за безбедност и соработка во Европа (ОБСЕ).
Mосква од почетокот на годината предупредува дека украинската армија довела нови сили на боиштето и дека не се придржува до договорот од Минск во кој според една од 12-те точки тешкото вооружување требаше да биде повлечено од двете страни во широчина од 30 километри од линијата на раздвојувањето./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Руската ракета испалена кон Лавов летала со брзина од 13.000 км/ч
Балистичката ракета што Русија ја употреби за напад врз градот Лавов синоќа се движела со брзина од приближно 13.000 километри на час. Информацијата е објавена на Фејсбук од страна на Западната воздушна команда, пишува „Украинска правда“.
Детали за нападот
Во официјалното соопштение се наведува дека нападот бил извршен врз инфраструктурни објекти.
Security camera footage which appears to capture tonight’s strike by a Russian “Oreshnik” Intermediate-Range Ballistic Missile (IRBM), equipped with a Conventional Multiple Independently Targetable Reentry Vehicle (MIRV), earlier against the Lviv Oblast of Western Ukraine. pic.twitter.com/LikuWRRgtS
— OSINTdefender (@sentdefender) January 8, 2026
„Во 23:47 часот на 8 јануари, непријателот извршил ракетен напад врз инфраструктурни објекти во Лавов, користејќи балистичка ракета. Ракетата се движела со брзина од приближно 13.000 км/ч по балистичка траекторија“, се вели во соопштението на Командата.
Тие додадоа дека точниот тип на ракета што се користела ќе се утврди дури по испитување на сите нејзини компоненти.
Европа
(Видео) Голем напад врз Киев и Лавов неколку часа по предупредувањето на Зеленски, употребен Орешник?
Најмалку четири лица се убиени, а 19 повредени во Киев откако Русија изврши масовен ракетен и беспилотен напад низ Украина синоќа, објави „Киев Индепендент“.
Меѓу загинатите е и еден болничар, жртва на таканаречен „двоен удар“, додека 14 од 19 повредени се хоспитализирани, потврди градоначалникот на Киев, Виталиј Кличко. „Еден болничар е убиен, а четворица други се повредени додека им помагале на луѓето, во округот Дарницки“, рече тој. Неколку области во градот беа погодени во нападите.
Властите објавија дека станбените згради во областите Печерск и Десњански претрпеле штета од беспилотни летала и остатоци, додека пожар избувнал во округот Шевченински. Во округот Дарницки, дрон се урна во дворот на станбена зграда, оштетувајќи ги блиските згради, а во округот Днипровски, пожари зафатија две станбени згради.
Three people killed and six more injured by the Russian attack on Kyiv tonight.
The attack continues, Russian drones are all over the city, Kalibr missiles expected to strike soon. https://t.co/XSOLNpb4U9 pic.twitter.com/jrnRNa3Vpx
— Anton Gerashchenko (@Gerashchenko_en) January 9, 2026
Ударните бранови го оштетија покривот на друга зграда, а остатоците паднаа и на детско игралиште. Поради нападите врз критичната инфраструктура, делови од главниот град останаа без снабдување со вода и електрична енергија.
Првите експлозии во Киев беа регистрирани околу 23:45 часот по локално време, кога противвоздушните одбранбени системи почнаа да дејствуваат против воздушни цели.
Russian drones flying low over Kyiv residential areas.
It is much harder for air defense to shoot them down due to their low flight and weather conditions. https://t.co/AiQC4rHx6m pic.twitter.com/SrScxBJU7h
— Anton Gerashchenko (@Gerashchenko_en) January 8, 2026
Воздухопловните сили претходно предупредија за закана од балистички ракети и движење на беспилотни летала кон главниот град. Нова ракетна закана беше издадена за целата земја околу 2:13 часот наутро, откако беа забележани руски борбени авиони. Дополнителни експлозии од крстосувачки ракети го потресоа Киев околу 3:00 часот наутро, додека Русија ја продолжи својата ноќна офанзива.
Балистичка ракета го погоди Лавов, дали е Орешник?
Во текот на ноќта, Русија, исто така, испука ракети во Лавов, најзападниот голем град во Украина, насочувајќи се кон критична инфраструктура, објави градоначалникот Андриј Садови. Украинската војска соопшти дека ракетата – чиј тип сè уште не е официјално потврден – била лансирана од полигонот Капустин Јар во рускиот регион Астрахан.
Security camera footage which appears to capture tonight’s strike by a Russian “Oreshnik” Intermediate-Range Ballistic Missile (IRBM), equipped with a Conventional Multiple Independently Targetable Reentry Vehicle (MIRV), earlier against the Lviv Oblast of Western Ukraine. pic.twitter.com/LikuWRRgtS
— OSINTdefender (@sentdefender) January 8, 2026
Западната команда на украинските воздухопловни сили подоцна потврди дека нападот бил извршен од балистичка ракета што се движела со брзина од 13.000 километри на час. „Видот на ракета со која руските агресори го нападнаа градот ќе биде утврден по проучувањето на сите негови елементи“, изјавија тие.
Капустин Јар е познат како место од каде што е лансирана руската балистичка ракета со среден дострел „Орешник“, за која е потврдено дека досега е употребена само еднаш, во нападот врз Дњепарк во ноември 2024 година.
Зеленски предупреди за нападот
Украинскиот претседател Володимир Зеленски предупреди само неколку часа претходно дека Русија планира голем напад. „Постојат информации дека вечерва може да се случи уште еден масовен руски напад. Многу е важно да се обрне внимание на воздушните предупредувања денес и утре и секогаш да се оди во засолништа. Русите воопшто не се промениле. Тие се обидуваат да го искористат времето“, рече Зеленски.
И покрај мировните преговори, Русија продолжува да ги бомбардира украинските градови, честопати насочувајќи ја енергетската инфраструктура за да остави цели региони без електрична енергија и греење среде зима. Како резултат на неодамнешните напади, повеќе од еден милион луѓе во регионот Дњепарк останаа без вода и греење од вчера наутро.
Европа
(Видео) Француските земјоделци го блокираат Париз со трактори
Француските земјоделци блокираа локации во Париз во знак на протест против сеопфатниот трговски договор што Европската Унија треба да го потпише со јужноамериканските земји и поради други локални прашања.
Земјоделците од синдикатот „Coordination Rurale“ ги нарекоа протестите во Париз лути поради договорот за слободна трговија меѓу Европската Унија и јужноамериканскиот блок Меркосур, за кој стравуваат дека би можел да ја преплави земјата со евтин увоз на храна, како и поради начинот на кој владата се справува со болеста на добитокот.
„Се наоѓаме помеѓу негодување и очај. Се чувствуваме напуштени, како и со Меркосур“, изјави за Ројтерс Стефан Пелетие, заменик-претседател на синдикатот во централна Франција.
🚨 EN DIRECT – De nouveaux agriculteurs arrivent au niveau de l’Arc de Triomphe. pic.twitter.com/SHu89ZzD8n
— Frontières (@Frontieresmedia) January 8, 2026
Протестот доаѓа неколку дена откако Европската комисија предложи да им се стават на располагање на земјоделците 45 милијарди евра од фондовите на ЕУ и се согласи да ги намали увозните давачки за некои ѓубрива во обид да ги придобие земјите кои се двоумат во нивната поддршка за Меркосур.
CRISE AGRICOLE : Des tracteurs de la Coordination rurale sont entrés dans Paris malgré les blocages de la police. Une quinzaine de tracteurs se trouvent devant la tour Eiffel, d'autres ont encerclé l'Arc de Triomphe. La porte d'Auteuil a été bloquée par des agriculteurs et l'A13… pic.twitter.com/LHT3iXt7Mr
— Infos Françaises (@InfosFrancaises) January 8, 2026
Договорот е поддржан од земји како Германија и Шпанија, а Комисијата се чини дека ја добила поддршката од Италија, што значи дека ќе ги има потребните гласови за да го одобри трговскиот договор со или без француска поддршка.
(Фото) Филипини: Еден загинат и 38 исчезнати откако се сруши депонија, лавина од отпад затрупа село
Едно лице загина, а 38 се водат како исчезнати откако се урна депонија за отпад на Филипините, предизвикувајќи лизгање на...
Трамп ќе дозволи нуклеарниот договор со Русија да истече: „Ќе направиме подобар“
Американскиот претседател Доналд Трамп навести дека ќе дозволи да истече последниот важечки договор за контрола на нуклеарно оружје со Русија...
(Видео) Голем напад врз Киев и Лавов неколку часа по предупредувањето на Зеленски, употребен Орешник?
Најмалку четири лица се убиени, а 19 повредени во Киев откако Русија изврши масовен ракетен и беспилотен напад низ Украина...
Променливо облачно со сончеви периоди, кон крајот на денот дожд и снег
Времето денеска ќе биде променливо облачно со сончеви периоди. Кон крајот на денот и во текот на ноќта во северозападните...
Забрана за движење на камиони на ГП Ники (ГП Меџитлија) до утре до 10:00 часот
На ГП Ники (ГП Меџитлија) ќе има забрана за движење на товарни возила до 10 јануари до 10:00 часот. Сообраќајот...
Во Охрид најкритично во Далјан, се излеа и Кочанска река – извештај за состојбата по обилните дождови
Обилните врнежи на дожд предизвикаа зголемен водостој на реките и локални излевања во повеќе делови од државата, информира Центарот за...
Евакуирани околу 110 лица по поплавите во Кичево, обезбедено привремено сместување и итна помош, отворена и сметка за донации
Поради обилните врнежи и зголемениот водостој на реките, во Кичево дојде до поплавување на населени места и земјоделски површини, при...
Мицкоски му одговори на Филипче: Имаме незрела, безидејна и неодговорна опозиција
Имаме неодговорна, неконструктивна, незрела и безидејна опозиција која се служи со вакви квалификации како што денеска ги слушнавме од господинот...
(Видео) Филипче: Средба со криминалци нема да има
Средба со криминалци нема да има. Нема средба за техничката влада, Мицкоски е во тесно, му се брза и бара...
(Фото) ДЗС: 30 полски кревети за евакуираните лица во Кичевско, во Ресенско со пумпи се вадеше навлезената вода од подруми и куќи
Подрачно одделение на Дирекцијата за заштита и спасување (ДЗС) Кичево, во овие два дена и сношти, учествуваше во теренските активности...
Нова состојба по обилните врнежи: Поплавени подруми и куќи во Охрид, Кичево, Битола, Тетово и Гостивар
Центарот за управување со кризи ја објави новата состојба до 13 часот по обилните врнежи од дожд во земјава. Во...
Лажен лекар измамил 77-годишна штипјанка за сума од 700.000 денари
Вчера во 16:30 часот во СВР Штип, 77-годишна жена од Штип пријавила дека била измамена од едно лице за сума...
Синдикат на култура: Преседан во културата, министерот Љутков повторно против колективните договори
Министерот за туризам, „културно“, но доста ехидно и веќе видено (за Велигден), сега им ја честиташе Новата година и божиќните...
Валбон Лимани претстави 3 проекти: 345 нови паркинг-места и трансформација на центарот и градскиот парк во Гостивар
Кандидатот за градоначалник на Гостивар од Националната алијанса за интеграција, Валбон Лимани, претстави три проекти: 345 нови паркинг-места и трансформација...
Трамп одобри нова казна за Путин? „Даде зелено светло“
Американскиот претседател Доналд Трамп даде зелено светло за законски предлог за нови санкции против Русија, изјави синоќа републиканскиот сенатор Линдзи...
Зеленски предложи САД да го киднапираат Кадиров, стигна одговор од Чеченија
Украинскиот претседател Володимир Зеленски ги повика САД да го зголемат притисокот врз Русија со киднапирање на чеченскиот лидер Рамзан Кадиров,...
(Видео) Топлотен бран ја погоди Австралија, властите предупредуваат на „катастрофален“ ризик од пожари
Делови од Австралија в петок го очекуваат катастрофални услови на избувнување пожари, бидејќи топлотен бран го погоди поголемиот дел од...
Сикорски: Варшава е отворена за распоредување германски трупи во Полска
Варшава е отворена за евентуално распоредување на германски трупи во Полска во обид да се обезбеди прекин на огнот во...
(Видео) Руски независни медиуми: Путин го прослави Божиќ во тајна воена база
Рускиот претседател Владимир Путин очигледно не го прославил овогодинешниот православен Божиќ во една од познатите московски катедрали, туку во црква...
Поради снег забранет сообраќај за камиони на патниот правец Струга – Граничен премин Ќафасан
Од 05.15 часот поради врнежи од снег се воведува забрана за сообраќај за тешки товарни возила на патниот правец Струга...
