Европа
Франција почна да ги црпи резервите горива, полицијата ги разбива барикадите
Франција започна да ги троши своите стратешки резерви од нафтени деривати, соочувајќи се со проблемот за снабдување со горива поради социјалните немири, објави во средата Францускиот сојуз на нафтената индустрија, а полицијата сои водени топови започна да ги растерува демонстрантите коишто ги блокираат магацините во близина на границата со Белгија, надоврзувајќи се на веќе тековните штрајков против новиот закон за труд и нуклеарните централи.
Франција започна да ги троши своите стратешки резерви од нафтени деривати, соочувајќи се со проблемот за снабдување со горива поради социјалните немири, објави во средата Францускиот сојуз на нафтената индустрија, а полицијата сои водени топови започна да ги растерува демонстрантите коишто ги блокираат магацините во близина на границата со Белгија, надоврзувајќи се на веќе тековните штрајков против новиот закон за труд и нуклеарните централи.
„Веќе два дена, имајќи предвид дека имаше проблеми во функционирањето на рафинериите, блокадите на магацините, започнавме во соработка со власите да ги користиме стратешките резерви“, изјави претседателот на Францускиот сојуз на нафтената индустрија, Франсоа Дусез.
Шест од осум француски рафинерии работат забавено или воопшто не функционираат, магацините со горива се блокирани од штрајкувачите и демонстрантите против реформата на законот за труд, кој е оценет како премногу либерален, им дава големи права на работодавачите и ги намалува на работниците. Се проценува дека околу четири илјади бензински црпки низ земјата до средата ги потрошиле своите резерви.
„Ситуацијата е напната. Ги полниме нашите резервоари од предострожност, бидејќи стравуваме, а потрошувачката е зголемена за три па и за пет пати во некои зони. Не сме опремени за такво нешто на логистичко ниво“, признава Дисез.
Портпаролот на владата, Стефан Ле Фол, потврди во средата дека „државата и владата ќе сторат сé што е потребно да ослободат извесен број од тие рафинерии или складишта за да го гарантира снабдувањето на Французите“.
Полицијата подоцна се обиде да ги растури блокадите во Души-ле-Мине во северна Франција.
„„Полицијата реагираше на препад. Користеа водени топови. Ја растурија нашата блокада, складиштето беше деблокирано без конфронтација“, изјави Вили Данс, портпарол на локалната филијала на синдикатот SUD.
Националниот синдикат CGT повика на 24-часовен штрајк кај нуклеарната централа Ножен-сур-Сен, југоисточно од главниот град Париз, кој треба да започне во средата навечер./крај/мф/сн
Извор: AFP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.
Европа
Во Англија извикал „Алах Акбар“ и убил случаен минувач: „Го направив тоа за луѓето од Газа“
45-годишниот Ахмед Алид вчера беше прогласен за виновен за убиство и обид за убиство. На 15 октомври минатата година, барател на азил од Мароко со нож го уби 70-годишниот Теренс Карни во центарот на англискиот град Хартлпул. Тој претходно го избодел со нож својот заспан цимер Џавед Нури додека викал „Алах Акбар“.
Алид и рекол на полицијата дека сето тоа го направил „за луѓето од Газа“. Само осум дена пред да убие случаен минувач и да го рани својот цимер, милитантите на Хамас го нападнаа Израел. Алид се заколнал дека ќе убиел повеќе луѓе доколку имал митралез и друго оружје, изјави обвинителот Џонатан Сендифорд во Судот во Тесајд.
Алид делел куќа со други баратели на азил во североисточна Англија. Тој бил вознемирен што Нури го прифатил христијанството. Цимерите рекле дека Алид почнал да носи нож откако на телевизија видел прилог за настаните во Газа.
Европа
Крим главна цел: Пентагон откри за што Украина ќе ги користи моќните ракети АТАКМС
Министерството за одбрана на САД ја појасни целта за испорака на ракети со долг дострел во Украина, кои неодамна беа испорачани во тајност. Како што објави „Њујорк тајмс“, целта на испораката на американските ракети АТАКМС е да се зголеми притисокот врз Крим, кој беше анектиран од Русија по референдумот во 2014 година.
Крим го претставува центарот во кој се лоцирани голем број руски воздушни и копнени сили и кој досега, како што пишува американскиот дневен весник, „за нив бил релативно безбедно засолниште“. Ова го тврди анонимен американски функционер. Сепак, Пентагон одби да каже колку точно од овие проектили со дострел од 300 километри се испорачани на украинската страна.
Советникот за национална безбедност на Белата куќа, Џејк Саливан, претходно ја потврди испораката на овие ракети без да прецизира дали тие се модифицирани и имаат зголемен дострел.
Украинските сили веќе употребија АТАКМС, што претседателот Володимир Зеленски го потврди на 17 април, објавувајќи дека бил извршен напад врз воздухопловната база Џанкој, која се наоѓа на 165 километри од линијата на фронтот. Министерството за одбрана на Руската Федерација не ги коментираше овие наводи.
Pentagon reveals Ukraine’s targets for ATACMS missiles – NYT — (the usual baffling lack of retaliation threats from #Putin– instead just the usual bleating that ‘it’s impossible to justify’..Bring Stalin back to life please, Russia) https://t.co/8pi0Lx8tbt #CapeTown #SouthAfrica pic.twitter.com/ZtI5cG3r2m
— Peter Mayson (@theforeverman) April 26, 2024
Американскиот дневен весник потсетува дека Украина првпат добила ракети АТАКМС во септември минатата година, но дека станува збор за верзија со половина дострел. Се шпекулираше дека Украина можеби користела американски ракети за да го урне кримскиот мост, што на почетокот на месецов го потврди и самиот претседател Зеленски, велејќи дека неговата влада „навистина сака да го уништи мостот на Крим“.
Тој е симбол на руската окупација и преку овој мост Русија испорачува воена опрема и ги снабдува војниците во Украина. Во неколку наврати досега мостот беше цел на украински напади.
– Мислам дека е вистинското време, а шефот (Бајден) донесе одлука дека е вистинско време да и го обезбеди на Украина оружјето неопходно за тековната борба. Тоа е добро осмислена и многу конструктивна одлука – изјави адмирал Кристофер Грејди, заменик командант на Здружениот генералштаб на американската армија.
Руската страна го осуди потегот на САД, а рускиот амбасадор во Вашингтон Анатолиј Антонов рече дека тоа „ја зголемува заканата за безбедноста на Крим, вклучително и Севастопол и другите руски градови“.