Европа
Францускиот претседател призна дека постои проблемот со исламот
Францускиот претседател Франсоа Оланд во својата книга, чиишто делови беа објавени во средата, признава дека во француското општество постои „проблем со исламот“ и дека имиграцијата мора да биде зауздена, пренесува AFP.
„Исламот не претставува проблем во смисла дека тоа е религија којашто е опасна самата посебе, туку е проблем затоа што се сака да биде афирмирана како религија во Француската Република“, пишува францускиот претседател Франсоа Оланд во книгата под наслов „Претседателот не би требало тоа да го каже“.
Во разговор со новинарите на парискиот дневен весник Le Monde, Оланд, исто така, вели дека „со исламот постои проблем, бидејќи исламот изискува свети места и признание“.
Во други делови од книгата, францускиот претседател вели дека смета оти „има преголем број доаѓања, имиграција којашто не би смеела да се случува“.
Имиграцијата и националниот идентитет се главните теми во кампањите за претстојните француски претседателски избори следната година. Низата исламистички напади во Франција во последните две години, како и мигрантската криза којашто силно ја заплисна Европа го поттикнаа нерасположението кон доселениците, што резултираше со историски пораст на популарноста на француската крајна десница, Марин Лепен.
Социјалистот Холанд, чијашто историска непопуларност го достигна врвот, сé уште не се изјаснува дали ќе се кандидира за уште еден претседателски мандат, меѓутоа неговиот главен ривал, поранешниот претседател Николас Саркози, кој се обидува да ја освои претседателската номинација на конзервативната партија Републиканци, голем акцент става токму на прашањето на имиграцијата.
Во неделата Саркози потврди дека,доколку биде избран, ќе распише референдум и ќе побара до Французите да се изјаснат дали го поддржуваат укинувањето на правата за неевропските државјани да им се придружат на членовите на семејствата во Франција, што е еден од главните начини за влегување на имигрантите во земјата./крај/мф/сн
Извор: AFP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Русија парично ја казни апликацијата Телеграм
Русија вчера ја казни платформата за социјалните медиуми за испраќање пораки Телеграм со седум милиони рубљи (околу 64.000 евра), јавува Анадолија.
Локален суд во Москва ја казни апликацијата откако ја прогласи за виновна за кршење на рускиот закон со дозволување пристап до некои забранети содржини.
Претходно, неколку странски платформи за социјални медиуми, вклучувајќи ги Епл, Гугл, Тикток и Фејсбук, беа казнети поради слични причини. На пример, руски суд го казни Епл откако компанијата одби да отстрани два подкасти.
Во 2021 година, Фејсбук беше казнет и со 220.000 евра затоа што не ја бришеше содржината што Москва ја смета за нелегална.
Да потсетиме, основачот на Телеграм, Павел Дуров, беше уапсен во Франција во август. Тој потоа беше ослободен, но не му беше дозволено да ја напушти Франција. Покрената е официјална истрага за наводите дека неговата платформа не се обидела да спречи измама, трговија со дрога и ширење на детска порнографија.
Европа
Украинците првпат објавија фотографии: Ова е новата ракета на Путин
Објавени се фотографии од остатоците од новата експериментална руска ракета, која беше пробно лансирана во четвртокот погодувајќи фабрика во Украина.
Украинските власти во четвртокот известија дека фабрика во централниот украински град Днепар била погодена од балистичка ракета со среден дострел. Рускиот претседател Владимир Путин изјави дека лансиорањето на експерименталната ракета „Орешник“ е одговор на употребата на американски и британски ракети, кои се способни да погодат подлабоко во руска територија.
Украинската безбедносна служба вчера на новинарите им ги покажа остатоците од новата експериментална балистичка ракета. Ракетата наречена „Орешник“ (на руски значи лешник), наводно е базирана на интерконтиненталната балистичка ракета „РС-26“, „Рубеж“, и може да носи нуклеарни или конвенционални бојни глави.
Остатоците, кои сè уште не се детаљно анализирани, открија јагленосани остатоци и уништени компоненти. Според безбедносните службеници, деловите им биле прикажани на медиумите пред истражителите да ги извлечат на непозната локација во Украина.
Европа
Се состануваат министрите за одбрана на Германија, Франција, Полска, Италија и Велика Британија
Министрите за одбрана на Германија, Франција, Полска, Италија и Обединетото Кралство денеска во Берлин разговараат за мерките за зајакнување на безбедноста и одбраната во Европа.
Руското истрелување на нова ракета со среден дострел кон Украина, за која се смета дека има импликации за цела Европа, најверојатно ќе биде главна тема на разговор.
Германецот Борис Писториус, Французинот Себастиен Лекорну, Британецот Џон Хили, Полјакот Владислав Косињак-Камиш и Италијанецот Гвидо Кросето исто така се состануваат пред враќањето на критичарот на НАТО, Доналд Трамп на функцијата претседател на САД.
Трамп, кој треба да биде инаугуриран на 20 јануари, побара од Европа да инвестира значително повеќе пари во сопствената безбедност и се очекува да ја намали воената помош за Украина.
По неодамнешното одобрение од Вашингтон, Украина почна да ги користи ракетите ATACMS од САД и британските крстосувачки ракети Storm Shadow за гаѓање воени локации во Русија.
Рускиот претседател Владимир Путин потоа нареди ракетен напад врз украинскиот град Днепар, кој има повеќе од еден милион жители, со нова ракета со среден дострел во четвртокот наутро.
Тој рече дека новата ракета Орешник е единствена и ќе оди во масовно производство. Москва вели дека проектилот лета со хиперсонична брзина, што го оневозможува пресретнувањето на противвоздушните системи. Експертите претпоставуваат дека проектилот технички би можел да биде опремен со нуклеарни боеви глави.