Европа
Во затворoт се уби Сириецот осомничен за планирање напади во Германија
Дваесет и двегодишниот Сириец Џабар ал-Бакр, кој е осомничен дека подготвувал терористички напади во Германија, во средата навечер извршил самоубиство во истражниот затвор во Лајпциг, јавуваат германскиот медиуми.
„Дваесет и двегодишниот Сириец е пронајден обесен во својата ќелија во затворот во Лајпциг“, пренесе електронското издание на дневниот весник Bild, повикувајќи се на извори во министерството за внатрешни работи на германската сојузна покраина Саксонија, а веста подоцна ја потврдија и информативно-новинските агенции.
Џабар ал-Бакр беше уапсен во понеделникот рано утрото во еден стан во Лајпциг, откако во саботата успеа да им побегне на полициските специјалци во текот на рацијата за негово апсење во блискиот град Кемниц.
Според новите сознанија, германските власти преку странски разузнавачи служби дошле до сознанија за Сириец кој во 2015 година како бегалец влегол во Германија. Според последните сознанија на Бирото за заштита на јавниот поредок, ал-Бакр веќе оваа седмица имал намера да изврши самоубиствен напад во еден од двата аеродрома во престолнината Берлин.
,Во средата попладнето се појавија информации дека ал-Бакр обвинува тројца сонародници, коишто во неделата вечерта го врзале а потоа и ја известиле полицијата, дека биле упатени во неговите терористички планови.
Како што наведува истрагата, ал-Бакр бил во контакт со ултрарадикалната сунитска организација Исламска држава,а според некои сознанија во неколку наврати пред доаѓањето во Германија,м на подолг период престојувал во Турција. Постојат сомневања дека таму од припадници на исламската држава добил пари и упатства за извршување на бомбашки напад.
Засега нема информации за потеклото на експлозивот кој полицијата го опиша како „исклучително опасен“ откриен при претресот на неговиот стан во Кемниц./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Британска компанија ги тужи „Фајзер“ и „Бионтек“: Ја украдоа нашата технологија за вакцина против Ковид
Британската фармацевтска компанија GlaxoSmithKline (GSK) денеска поднесе тужба пред федералниот суд во Делавер против американскиот Pfizer и германскиот BioNTech, тврдејќи дека тие ги прекршиле нејзините патенти за технологијата на гласник РНК (mRNA) во нивните вакцини против Ковид-19.
Вакцините Comirnaty на Pfizer и BioNTech ги прекршуваат иновациите на GSK заштитени со патент во mRNA вакцините, развиени „повеќе од десет години пред“ пандемијата на ковид-19, се вели во тужбата.
Патентите ја покриваат технологијата за пренос на нестабилна гласничка РНК во човечки клетки, која научниците почнаа да ја развиваат во 2008 година, а GSK стана сопственик кога го купи бизнисот со вакцини на Novartis во 2015 година, се додава.
Британската компанија бара парична отштета од Pfizer и BioNTech, вклучително и такси за патент, без да наведе износ.
Портпаролката на Pfizer во соопштението нагласи дека компанијата е „сигурна во својата позиција во однос на интелектуалната сопственост поврзана со Comirnaty“ и дека има намера „енергично да се брани“ од тврдењата на GSK. Портпаролот на BioNTech одби да ја коментира тужбата.
Портпаролот на GSK рече дека компанијата верува дека нејзините патенти „ја обезбедуваат основната технологија што се користи во mRNA вакцините на Pfizer и BioNTech против ковид-19“. GSK е „подготвен да ги лиценцира овие патенти под комерцијално разумни услови за да обезбеди пристап“ до вакцините.
Европа
(Видео) 19-годишна девојка во Украина се обидела да го продаде синот, барала 23.500 евра
Во украинскиот град Днипро, 19-годишна девојка се обидела да го продаде сопствениот двегодишен син, соопшти локалната полиција, пренесоа украинските медиуми.
Девојката наводно побарала еден милион гривни, што е околу 23.500 евра за своето дете. 19-годишната девојка наводно му го понудила детето на својот познаник и договорила средба со него. Во вторникот полицијата приведе маж додека носел пари на договорена локација.
Девојката наводно рекла дека не сака да се грижи за својот син, па решила да го продаде. Со парите што ги добила планирала да отвори сопствен бизнис.
Детето е земено во полиција и предадено на надлежните органи. Против неговата мајка е подигнато обвинение за трговија со луѓе.
Европа
Уапсени тројца мажи во истрагата за бруталното убиство на Хрват во Даблин
Уапсени се тројца мажи осомничени за убиството на 31-годишен Хрват, Јосип Штрок во Даблин минатиот месец, пишуваат ирските медиуми.
Тие се осомничени дека ги претепале Штрок, кој живеел и работел во Даблин, и неговиот пријател. Штрок почина од повредите на 3 април.
Неговиот пријател за хрватските медиуми изјавил дека биле во продавница и планирале да се дружат, кога група луѓе им кажала да почнат да зборуваат англиски.
„Немате почит кон нашата земја, ова е Ирска…“, изјави тој за Јутарњи. Тие влегле во автобусот и не забележале дека напаѓачите ги следат и биле нападнати одзади.
„Прво ме удрија со нешто, не знам дали беше шипка или палка. Ги прашав полицајците за деталите што ги виделе на видеото, а кои наводно ги имаат“, рече тој, додавајќи дека следното нешто се сеќава е кога се разбудил во болница.