Европа
Француските локални избори ја тестираат крајната десница
Избирачите во Франција во недела излегуваат на вториот круг од локалните избори кои ја тестираат силата на радикалната десница Национален фронт (FN), на лидерката Марин Лепен.
Се избираат над четири илјади советници на изборите на коишто на првиот круг минатата седмица опозициската конзервативна UMP на поранешниот француски претседател Николас Саркози однесе победа, пред крајната десница Национален фронт на кој анкетите му предвидуваа победа со над 30 отсто а освои 25,35 отсто од гласовите.
Владејачката Социјалистичка партија на актуелниот шеф на државата Франсоа Оланд, на две години пред претседателските избори, сепак, мина подобро отколку што се очекуваше за малку минувајќи го прагот од 20 отсто. Инаку ова за француските социјалисти е четврти пораз во низа по општинските, европските и сенаторските избори во 2014 година.
Овие избори се сметаат за претпоследно одмерување на силите пред регионалните избори кон крајот на 2015 година и претседателските во 2017 година.
Иако Националниот фронт не ги исполни своите најави дека ќе стане најсилната партија во земјата го освои секо четврти глас и најверојатно ќе има многу повеќе советници од сегашните двајца.
Антиимигрантската партија е противник на сегашната поставеност на Европската унија под водство на Марин Лепен се обидуваше да го привлече просечниот избирач со политичката стратегија за градење на силна база преку освојување на мандатите на локалните избори. Во првиот круг освои осум сигурни мандати а во вториот круг се предвидува дека може да освои уште меѓу 100 и 220 мандати, според анкетите.
Се избираат вкупно 4.108 советници во департманите кои имаат ограничени овластувања над градењето на локалната инфраструктура, образованието и социјалните служби. Во првиот круг беа избрани 220 кандидати на конзервативците, 56 на коалицијата на левицата, 8 на крајната десница и 6 на другите партии.
На Саркози му е потребна во вториот круг силна победа за да ја зацврсти својата позиција во UMP и да ја добие партиската номинација за претседателските избори во 2017 година. Според анкетите, неговата партија и сојузниците би можеле да освојат двојно повеќе мандати од социјалистите на Оланд.
Во постизборното коалицирање за формирање на локалните власти и социјалистите и конзервативците ја исклучија можноста да коалицираат со Националниот фронт. Поради изборната математика, крајната десница на Лепен и покрај добрите изборни резултати не очекува дека ќе освои повеќе од еден или два департмани, но се надева на уште подобри резултати на регионалните избори подоцна годинава./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.
Европа
Во Англија извикал „Алах Акбар“ и убил случаен минувач: „Го направив тоа за луѓето од Газа“
45-годишниот Ахмед Алид вчера беше прогласен за виновен за убиство и обид за убиство. На 15 октомври минатата година, барател на азил од Мароко со нож го уби 70-годишниот Теренс Карни во центарот на англискиот град Хартлпул. Тој претходно го избодел со нож својот заспан цимер Џавед Нури додека викал „Алах Акбар“.
Алид и рекол на полицијата дека сето тоа го направил „за луѓето од Газа“. Само осум дена пред да убие случаен минувач и да го рани својот цимер, милитантите на Хамас го нападнаа Израел. Алид се заколнал дека ќе убиел повеќе луѓе доколку имал митралез и друго оружје, изјави обвинителот Џонатан Сендифорд во Судот во Тесајд.
Алид делел куќа со други баратели на азил во североисточна Англија. Тој бил вознемирен што Нури го прифатил христијанството. Цимерите рекле дека Алид почнал да носи нож откако на телевизија видел прилог за настаните во Газа.
Европа
Крим главна цел: Пентагон откри за што Украина ќе ги користи моќните ракети АТАКМС
Министерството за одбрана на САД ја појасни целта за испорака на ракети со долг дострел во Украина, кои неодамна беа испорачани во тајност. Како што објави „Њујорк тајмс“, целта на испораката на американските ракети АТАКМС е да се зголеми притисокот врз Крим, кој беше анектиран од Русија по референдумот во 2014 година.
Крим го претставува центарот во кој се лоцирани голем број руски воздушни и копнени сили и кој досега, како што пишува американскиот дневен весник, „за нив бил релативно безбедно засолниште“. Ова го тврди анонимен американски функционер. Сепак, Пентагон одби да каже колку точно од овие проектили со дострел од 300 километри се испорачани на украинската страна.
Советникот за национална безбедност на Белата куќа, Џејк Саливан, претходно ја потврди испораката на овие ракети без да прецизира дали тие се модифицирани и имаат зголемен дострел.
Украинските сили веќе употребија АТАКМС, што претседателот Володимир Зеленски го потврди на 17 април, објавувајќи дека бил извршен напад врз воздухопловната база Џанкој, која се наоѓа на 165 километри од линијата на фронтот. Министерството за одбрана на Руската Федерација не ги коментираше овие наводи.
Pentagon reveals Ukraine’s targets for ATACMS missiles – NYT — (the usual baffling lack of retaliation threats from #Putin– instead just the usual bleating that ‘it’s impossible to justify’..Bring Stalin back to life please, Russia) https://t.co/8pi0Lx8tbt #CapeTown #SouthAfrica pic.twitter.com/ZtI5cG3r2m
— Peter Mayson (@theforeverman) April 26, 2024
Американскиот дневен весник потсетува дека Украина првпат добила ракети АТАКМС во септември минатата година, но дека станува збор за верзија со половина дострел. Се шпекулираше дека Украина можеби користела американски ракети за да го урне кримскиот мост, што на почетокот на месецов го потврди и самиот претседател Зеленски, велејќи дека неговата влада „навистина сака да го уништи мостот на Крим“.
Тој е симбол на руската окупација и преку овој мост Русија испорачува воена опрема и ги снабдува војниците во Украина. Во неколку наврати досега мостот беше цел на украински напади.
– Мислам дека е вистинското време, а шефот (Бајден) донесе одлука дека е вистинско време да и го обезбеди на Украина оружјето неопходно за тековната борба. Тоа е добро осмислена и многу конструктивна одлука – изјави адмирал Кристофер Грејди, заменик командант на Здружениот генералштаб на американската армија.
Руската страна го осуди потегот на САД, а рускиот амбасадор во Вашингтон Анатолиј Антонов рече дека тоа „ја зголемува заканата за безбедноста на Крим, вклучително и Севастопол и другите руски градови“.