Европа
Германската полиција бара ограда на границата кон Австрија

Поради неконтролираните преминувања на границата, синдикатот на германската полиција побара подигнување на ограда на германско-австриската граница, пренесува во неделата германскиот дневен весник Welt am Sonntag.
„Доколку навистина имаме сериозна намера во целост да ја контролираме границата, тогаш мораме да изградиме ограда по должината на германско-австриската граница“, рекол претседателот на синдикатот на германската полиција Рајнер Венм во разговорот за Welt am Sonntag, неделно издание на дневниот весник Die Welt.
Ова е прв случај во текот на бегалската криза еден висок германски функционер да бара подигнување ограда на германската граница. Венд смета дека подигнувањето на таквата ограда на германско-австриската граница ќе предизвика некој вид домино ефект и кај другите земји од Европската унија.
„Доколку ние на овој начин ја затвориме границата, тогаш и Австрија ќе изгради ограда на границата кон Словенија. И тоа е токму ефектот кој ни е во моментов потребен“, вели Венд. Тој тврди дека ниту планираните „транзитни зони“, во кои бегалците би се запирале пред влегувањето во Германија, нема да бидат можни без подигнување ограда.
Првиот човек на полицискиот синдикат тврди и дека Германија во светот не смее веќе да го испраќа сигналот „Дојдете сите“. Тој предупредува и на внатрешниот мир, доколку не биде сопрен приливот бегалци и имигранти.
„Внатрешната безбедност во Германија е во опасност. Ние сме пред социјални немири,. Некој едноставно мора да ја повлече кочницата,а тоа може да биде само (канвцеларката (Ангела Меркел), вели Венд.
Според последните податоци во германските медиуми кои се повикуваат на извори во министерството за внатрешни работи, во Германија дневно пристигнуваат по околу 10.000 бегалци, Според истите податоци, од почетокот на последниот голем бран бегалци од почетокот на септември до средината на октомври во Германија пристигнале повеќе од 400.000 бегалци.
Според податоците на Сојузното биро за миграции и бегалци (BAmf) од јануари до почетокот од јануари до почетокот на септември во Германија пристигнале 577.000 бегалци. Со тоа е надмината досегашната процена министерството за внатрешни работи од 800.000 бегалци до крајот на годинава./крај/мф/сн
Извор: Hina
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Авион со руски туристи принудно слета во Естонија поради украински напад со дронови

Патнички авион што превезуваше руски туристи до Санкт Петербург беше принуден да слета во Естонија вчера по украинскиот напад со беспилотно летало врз Русија.
„Авионот беше пренасочен кон Талин бидејќи не можеше да слета на аеродромот ‘Пулково’ поради неговото привремено затворање“, потврди Маргот Холтс, раководител за комуникации и за маркетинг на аеродромот во Талин.
Во ноќта од саботата кон неделата украински беспилотни летала погодија гасен терминал во регионот Ленинград и рафинерија за нафта во регионот Самара. Извор во Службата за безбедност на Украина потврди за „Киев индепендент“ дека разузнавањето стои зад нападот врз терминалот за течен природен гас во регионот Ленинград.
Авионот, управуван од египетскиот превозник „Ал Масрија јуниверсал ерлајнс“, полетал од Шарм ел Шеик и слетал во Талин во 5.33 часот по локално време. Тој го продолжил своето патување кон Санкт Петербург речиси шест часа подоцна.
Според Холтс, на патниците и на екипажот не им било дозволено да го напуштат авионот додека биле на аеродромот во Талин.
Украинските напади со беспилотни летала, кои сè повеќе го нарушуваат цивилниот воздушен сообраќај во Русија, се дел од пошироката украинска стратегија за поткопување на руската логистика далеку над линиите на фронтот. Во првите месеци од 2025 година украинските напади со беспилотни летала наводно ја принудиле Русија да затвори аеродроми повеќе од 200 пати.
фото: принтскрин
Европа
Украинци: Русите извршија 500 напади врз Запорожје за еден ден

Во текот на изминатите 24 часа, руските сили извршија 500 напади насочени кон 13 населени места во регионот Запорожје, објави на Телеграм Иван Федоров, началник на Воената администрација на Запорожје.
„Руските сили извршија четири воздушни напади врз Билохирија, Полтавка и Червони. Три напади со повеќекратен ракетен систем (MLRS) ги погодија Плавни и Мала Токмачка. Вкупно 327 беспилотни летала (главно дронови FPV) ги погодија Запорожје, Биленки, Плавни, Хулајпол, Шчербаки, Новоданиливка, Мала Токмачка и Чаривно. Исто така, 166 артилериски напади се регистрирани во Плавни, Хулајпол, Орихив, Шчербаки, Преображенки, Новоданиливка, Мала Токмачка и Чаривно“, се вели во соопштението.
Властите добија 19 пријави за штети на станбени згради и помошни згради. Немаше пријави за цивилни жртви.
фото: принтскрин
Европа
(Видео) Патниците врескаат во агонија, трепка црвено светло: пекол на летот за Рим

Патниците врескаа од страв откога силни турбуленции го погодиле летот од Шпанија до Рим принудувајќи го пилотот итно да слета.
Преплашените патници гласно врескаа додека авионот се бореше со силни турбуленции на летот од Аликанте до аеродромот во Рим.
Turbulence caught on camera today on a Wizz Air flight from Alicante to Rome, forcing a diversion to Bologna.pic.twitter.com/sbLjXUp1DH
— The Age Of Genz (@TheAgeOfGenZ) August 21, 2025
Кога авионот изврши итно слетување во Болоња, патниците „му се заблагодарија на Бога што се живи“.
Снимките од кабината го покажуваат авионот како силно се тресе, со светла претежно изгаснати, а црвено светло трепка надвор од прозорецот.
Лошите временски услови во регионот предизвикаа проблеми за авионот додека се обидуваше да слета во Рим.
По неколку обиди за слетување на аеродромот во Рим, авионот беше пренасочен кон Болоња. Таму слетал во 3.53 часот наутро, речиси три часа откога требаше да пристигне во италијанската престолнина.
Патот од Аликанте до Рим обично трае нешто помалку од два часа.