Европа
Германската полиција трага по Сириец осомничен за подготовка на напад
Полицијата на германската сојузна држава Саксонија објави во саботата попладнето дека во градот Хемниц на истокот од земјата, трага по 22-годишен Сириец осомничен дека подготвува бомбашки напад.
Во соопштението на полицијата на сојузната држава Саксонија се наведува дека е распишана потерница по Џабер ал-Бакр, Сириец роден во јануари 1994 година, за кого се сомнева дека подготвува бомбашки напад. Тој во Германија влегол минатата 2015 година како бегалец, пишува електронското издание на весникот Focus
Претходно во саботата полицијата на Twitter објави дека во Хемниц спроведува голема операција поради сомневање дека се подготвува терористички бомбаши напад.
Во текот на претресот во стан во населбата Фриц-Хекерт полицијата не го пронашла осомничениот ниту експлозивна направа, туку само траги од експлозив, изјави портпаролот на полицијата. Внатрешната разузнавачка служба ги дала информациите поради што е покрената оваа полициска операција.
Полицијата, исто така, откако изврши евакуација на зградата и блиските објекти каде го вршеше претресот, ги замоли очевидците да не објавуваат на социјалните мрежи фотографии и видеа од спроведувањето на операцијата, за да не ја попречат потрагата по осомничениот.
Во јули годинава во Германија беа изведен два напада за коишто одговорноста ја презема ултрарадикалната сунитска групација Исламска држава. Еден самоубиствен напад изведе 27-годишен Сириец кој како бегалец кому му било одбиено барањето за азил требало да биде депортиран назад во Бугарија и во кој 15 лица беа ранети. Во вториот напад 17-годишен Авганистанец, исто така, барател на азил рани пет лица./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Британска компанија ги тужи „Фајзер“ и „Бионтек“: Ја украдоа нашата технологија за вакцина против Ковид
Британската фармацевтска компанија GlaxoSmithKline (GSK) денеска поднесе тужба пред федералниот суд во Делавер против американскиот Pfizer и германскиот BioNTech, тврдејќи дека тие ги прекршиле нејзините патенти за технологијата на гласник РНК (mRNA) во нивните вакцини против Ковид-19.
Вакцините Comirnaty на Pfizer и BioNTech ги прекршуваат иновациите на GSK заштитени со патент во mRNA вакцините, развиени „повеќе од десет години пред“ пандемијата на ковид-19, се вели во тужбата.
Патентите ја покриваат технологијата за пренос на нестабилна гласничка РНК во човечки клетки, која научниците почнаа да ја развиваат во 2008 година, а GSK стана сопственик кога го купи бизнисот со вакцини на Novartis во 2015 година, се додава.
Британската компанија бара парична отштета од Pfizer и BioNTech, вклучително и такси за патент, без да наведе износ.
Портпаролката на Pfizer во соопштението нагласи дека компанијата е „сигурна во својата позиција во однос на интелектуалната сопственост поврзана со Comirnaty“ и дека има намера „енергично да се брани“ од тврдењата на GSK. Портпаролот на BioNTech одби да ја коментира тужбата.
Портпаролот на GSK рече дека компанијата верува дека нејзините патенти „ја обезбедуваат основната технологија што се користи во mRNA вакцините на Pfizer и BioNTech против ковид-19“. GSK е „подготвен да ги лиценцира овие патенти под комерцијално разумни услови за да обезбеди пристап“ до вакцините.
Европа
(Видео) 19-годишна девојка во Украина се обидела да го продаде синот, барала 23.500 евра
Во украинскиот град Днипро, 19-годишна девојка се обидела да го продаде сопствениот двегодишен син, соопшти локалната полиција, пренесоа украинските медиуми.
Девојката наводно побарала еден милион гривни, што е околу 23.500 евра за своето дете. 19-годишната девојка наводно му го понудила детето на својот познаник и договорила средба со него. Во вторникот полицијата приведе маж додека носел пари на договорена локација.
Девојката наводно рекла дека не сака да се грижи за својот син, па решила да го продаде. Со парите што ги добила планирала да отвори сопствен бизнис.
Детето е земено во полиција и предадено на надлежните органи. Против неговата мајка е подигнато обвинение за трговија со луѓе.
Европа
Уапсени тројца мажи во истрагата за бруталното убиство на Хрват во Даблин
Уапсени се тројца мажи осомничени за убиството на 31-годишен Хрват, Јосип Штрок во Даблин минатиот месец, пишуваат ирските медиуми.
Тие се осомничени дека ги претепале Штрок, кој живеел и работел во Даблин, и неговиот пријател. Штрок почина од повредите на 3 април.
Неговиот пријател за хрватските медиуми изјавил дека биле во продавница и планирале да се дружат, кога група луѓе им кажала да почнат да зборуваат англиски.
„Немате почит кон нашата земја, ова е Ирска…“, изјави тој за Јутарњи. Тие влегле во автобусот и не забележале дека напаѓачите ги следат и биле нападнати одзади.
„Прво ме удрија со нешто, не знам дали беше шипка или палка. Ги прашав полицајците за деталите што ги виделе на видеото, а кои наводно ги имаат“, рече тој, додавајќи дека следното нешто се сеќава е кога се разбудил во болница.