Европа
Германски BND ги шпионирал Франција и ЕУ во полза на САД
Германската разузнавачка агенција (Bundesnachrichtendienst – BND) во полза на американската Агенција за национална безбедност (NSA) шпионирала високи француски функционери и институции на Европската унија, пишуваат во четвртокот германските медиуми.
Информациите коишто протекле од доверливиот извештај на BND, укажуваат дека неговата база за прислушување во Бад Ајблинг ја шпионирала претседателската палата на Франција и тамошното министерство за надворешни работи, како и Европската комисија.
Германскиот министер за внатрешни работи, Томас де Мезиер, го демантира тврдењата за забошотување на овие активности, меѓутоа магазинот Bild ја објави неговата фотографија со долг нос што асоцира на ликот на Пинокио. „Господине де Мезиер – Неказнето лажете“, пишува на насловната страница од Bild.
Како што се дознава од објавените делови од извештајот, BND собирал информации и за европските компании на барање од Вашингтон, кој сакал да знае дали тие компании кршат трговски ембарга што на разни земји во светот им ги наметнуваат САД.
Германската служба, во текот на операциите за следење не ги обработувал германските и американските функционери, бидејќи тие се заштитени со договорот меѓу BND и NSA до 2002 година. Од извештајот, исто така, се дознава дека владата во Берлин во 2008 година знаеле дека САД ги шпионираат европските компании за производство на оружје.
Германската влада, според извештаите на германските медиуми од четвртокот, во операциите на BND пронашла „пропусти“.
Како поранешен министер, Томас де Мезиер во 2008 година бил директно одговорен за германската разузнавачка агенција и токму во тој период, според написот во Bild, првпат од BND го известиле кабинетот на канцеларката Ангела Меркел дека неговите агенти ѝ помагале на американската NSA во шпионирањето на европските аеронаутички и воени компании, како што е се концерните EADS и Eurocopter, кои сега се дел од групацијата „Airbus“ чиешто седиште е во Франција и произведува цивилни и воени авиони, ракети, сателити, вселенски системи, хеликоптери и разно вооружување.
Минатиот четврток беше објавено дека германската владата побарала од своите разузнавачки служби кон странство да ги отстранат „недостатоците во својата работа“, откако неделникот Der Spiegel објави дека германските разузнавачи индиректно им помогнале на американските колеги во шпионирањето на европските компании, како што е на пример производителот на авиони „Airbus“.
Весникот Der Spiegel во своето интернет издание објави дека функционерите на BND посредно ѝ помогнале на американската NSA во шпионирањето на Европејците, вклучително и цели во самата Германија, и тоа во период подолг од 10 години. Портпаролот на BND тогаш одби да ги коментира овие тврдења.
Функционерите на BND во повеќе од 40.000 случаи ги задоволиле барањата на американските колеги и им ставиле на располагање разузнавачки податоци, пишуваше германскиот неделник. Додава притоа дека едена од целите на NSA била француско-германската компанија EADS, којашто во 2014 година беше преименувана во „Airbus Group“.
Според написот на Der Spiegel, функционерите на BND ѝ проследувале на NSA интернет IP адреси и броеви на мобилни телефони. Тие постапки биле интерно откриени во 2008 година, но целосниот извештај за тоа не бил проследен до кабинетот на канцеларката се до март 2015 година, пишува весникот.
Де Мезиер негира дека воопшто нешто знаел за тоа, и тврди дека никого не мамел. Истакна, исто така, дека податоците се доверливи и оттаму не може ништо јавно да коментира.
Сепак, сите медиуми во Германија го поставуваат прашањето за заедничкото шпионирање на Германците и Американците на штета на Французите и ЕУ. Дури и регионален весник на насловната страница објави постер со голем наслов „Се бара“, врз мноштво фотографии од политичари и јавни личности, обработени по урнекот на полициските досиеја, меѓу кои е и канцеларката Ангела Меркел.
Во Германија, каде што поради откритијата дека биле прислушувани од САД милиони нејзини граѓани па дури десет години и самата канцеларка Меркел, граѓаните се доживуваат и семе и татковината како жртви на американската шпионажа, сега се открива спротивното дека таа за сметка на Американците ги шпионирале своите соседи и партнери во Европската унија што предизвикува општо згрозување во земјата.
Врз владата на Меркел расте притисокот да признае дека била запознаена со сите наведени активности, како и дека се претставувала како жртва. „Претседателот на опозициската партија Левица, Грегор Гиси вели дека соработката меѓу BND и NSA претставува „скандал“ и го обвинува кабинетот на канцеларката за „огромен пропуст“ во контролата на BND. „Кабинетот на канцеларката е надзорен орган. Или не знаеле, па нивниот надзор е бескорисен, или знаеле и биле вклучени во незаконски активности“, рече Гиси./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.
Европа
Во Англија извикал „Алах Акбар“ и убил случаен минувач: „Го направив тоа за луѓето од Газа“
45-годишниот Ахмед Алид вчера беше прогласен за виновен за убиство и обид за убиство. На 15 октомври минатата година, барател на азил од Мароко со нож го уби 70-годишниот Теренс Карни во центарот на англискиот град Хартлпул. Тој претходно го избодел со нож својот заспан цимер Џавед Нури додека викал „Алах Акбар“.
Алид и рекол на полицијата дека сето тоа го направил „за луѓето од Газа“. Само осум дена пред да убие случаен минувач и да го рани својот цимер, милитантите на Хамас го нападнаа Израел. Алид се заколнал дека ќе убиел повеќе луѓе доколку имал митралез и друго оружје, изјави обвинителот Џонатан Сендифорд во Судот во Тесајд.
Алид делел куќа со други баратели на азил во североисточна Англија. Тој бил вознемирен што Нури го прифатил христијанството. Цимерите рекле дека Алид почнал да носи нож откако на телевизија видел прилог за настаните во Газа.
Европа
Крим главна цел: Пентагон откри за што Украина ќе ги користи моќните ракети АТАКМС
Министерството за одбрана на САД ја појасни целта за испорака на ракети со долг дострел во Украина, кои неодамна беа испорачани во тајност. Како што објави „Њујорк тајмс“, целта на испораката на американските ракети АТАКМС е да се зголеми притисокот врз Крим, кој беше анектиран од Русија по референдумот во 2014 година.
Крим го претставува центарот во кој се лоцирани голем број руски воздушни и копнени сили и кој досега, како што пишува американскиот дневен весник, „за нив бил релативно безбедно засолниште“. Ова го тврди анонимен американски функционер. Сепак, Пентагон одби да каже колку точно од овие проектили со дострел од 300 километри се испорачани на украинската страна.
Советникот за национална безбедност на Белата куќа, Џејк Саливан, претходно ја потврди испораката на овие ракети без да прецизира дали тие се модифицирани и имаат зголемен дострел.
Украинските сили веќе употребија АТАКМС, што претседателот Володимир Зеленски го потврди на 17 април, објавувајќи дека бил извршен напад врз воздухопловната база Џанкој, која се наоѓа на 165 километри од линијата на фронтот. Министерството за одбрана на Руската Федерација не ги коментираше овие наводи.
Pentagon reveals Ukraine’s targets for ATACMS missiles – NYT — (the usual baffling lack of retaliation threats from #Putin– instead just the usual bleating that ‘it’s impossible to justify’..Bring Stalin back to life please, Russia) https://t.co/8pi0Lx8tbt #CapeTown #SouthAfrica pic.twitter.com/ZtI5cG3r2m
— Peter Mayson (@theforeverman) April 26, 2024
Американскиот дневен весник потсетува дека Украина првпат добила ракети АТАКМС во септември минатата година, но дека станува збор за верзија со половина дострел. Се шпекулираше дека Украина можеби користела американски ракети за да го урне кримскиот мост, што на почетокот на месецов го потврди и самиот претседател Зеленски, велејќи дека неговата влада „навистина сака да го уништи мостот на Крим“.
Тој е симбол на руската окупација и преку овој мост Русија испорачува воена опрема и ги снабдува војниците во Украина. Во неколку наврати досега мостот беше цел на украински напади.
– Мислам дека е вистинското време, а шефот (Бајден) донесе одлука дека е вистинско време да и го обезбеди на Украина оружјето неопходно за тековната борба. Тоа е добро осмислена и многу конструктивна одлука – изјави адмирал Кристофер Грејди, заменик командант на Здружениот генералштаб на американската армија.
Руската страна го осуди потегот на САД, а рускиот амбасадор во Вашингтон Анатолиј Антонов рече дека тоа „ја зголемува заканата за безбедноста на Крим, вклучително и Севастопол и другите руски градови“.