Европа
Грчки анархисти дивеат низ Берлин
Во Берлин бил запален и трет автомобил на грчката дипломатска мисија, а зад нападот стои грчката анархистичка организација „Заговор на огнените ќелии“, која објави дека овој чин бил одговор на апсењето на нивните истомисленици во Грција.
Грчките анархисти на почетокот на неделата го запалија службениот автомобил на грчкиот конзул во Берлин, а истото го направија и во претходните два напада, прво во октомври 2012 кога бил запален автомобилот на грчкото воено аташе во Германија, а истата судбина во април годинава ја доживеал и автомобилот на претставниците на економскиот оддел на грчката дипломатска мисија, пренесува Deutsche Welle.
„Грчките партии и парламентот им се одмаздуваат на демонстрантите кои во 2008 година учествуваа во уличните немири и сега неосновано ги држат во затворите“, наведуваат анархистите во отвореното писмо и порачуваат дека „Огнените ќелии“ веќе нема да го следат ова „со скрстени раце“.
Тие порачале дека нивна цел се „сите претставници на омразениот демократски систем, без разлика каде се наоѓаат“.
Анонимен претставник на берлинската полиција изјавил дека германските органи „доста сериозно“ го сфаќаат писмото на организацијата, како и дека случајот бил веднаш префрлен до одделот кој се занимава со политички мотивирани престапи.
Оваа анархистичка организација се солидаризира со затворениците кои во грчките затвори започнаа штрајк со глас, но потсетува и на смртта на албанскиот криминалец Илијас Карели, кој пред три месеца усмртил еден затворски чувар, а потоа бил убиен, под претпоставка, од колегите на убиениот чувар.
Зад организацијата „Заговор на огнените ќелии“, основана во 2008 година, стојат истите луѓе од познатата терористичка организација „17-ти Ноември“, која престана да постои во 2002 година.
„Огнените ќелии“ и во Грција извршија многубројни бомбашки напади, а се сомничат и за подметнување пожари, при што нивна главна цел се политичарите. Организацијата стана светски позната во 2010 година кога им испрати писма со експлозив на германската канцеларка Ангела Меркел и тогашниот француски претседател Николас Саркози, потсетува Deutsche Welle./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Британска компанија ги тужи „Фајзер“ и „Бионтек“: Ја украдоа нашата технологија за вакцина против Ковид
Британската фармацевтска компанија GlaxoSmithKline (GSK) денеска поднесе тужба пред федералниот суд во Делавер против американскиот Pfizer и германскиот BioNTech, тврдејќи дека тие ги прекршиле нејзините патенти за технологијата на гласник РНК (mRNA) во нивните вакцини против Ковид-19.
Вакцините Comirnaty на Pfizer и BioNTech ги прекршуваат иновациите на GSK заштитени со патент во mRNA вакцините, развиени „повеќе од десет години пред“ пандемијата на ковид-19, се вели во тужбата.
Патентите ја покриваат технологијата за пренос на нестабилна гласничка РНК во човечки клетки, која научниците почнаа да ја развиваат во 2008 година, а GSK стана сопственик кога го купи бизнисот со вакцини на Novartis во 2015 година, се додава.
Британската компанија бара парична отштета од Pfizer и BioNTech, вклучително и такси за патент, без да наведе износ.
Портпаролката на Pfizer во соопштението нагласи дека компанијата е „сигурна во својата позиција во однос на интелектуалната сопственост поврзана со Comirnaty“ и дека има намера „енергично да се брани“ од тврдењата на GSK. Портпаролот на BioNTech одби да ја коментира тужбата.
Портпаролот на GSK рече дека компанијата верува дека нејзините патенти „ја обезбедуваат основната технологија што се користи во mRNA вакцините на Pfizer и BioNTech против ковид-19“. GSK е „подготвен да ги лиценцира овие патенти под комерцијално разумни услови за да обезбеди пристап“ до вакцините.
Европа
(Видео) 19-годишна девојка во Украина се обидела да го продаде синот, барала 23.500 евра
Во украинскиот град Днипро, 19-годишна девојка се обидела да го продаде сопствениот двегодишен син, соопшти локалната полиција, пренесоа украинските медиуми.
Девојката наводно побарала еден милион гривни, што е околу 23.500 евра за своето дете. 19-годишната девојка наводно му го понудила детето на својот познаник и договорила средба со него. Во вторникот полицијата приведе маж додека носел пари на договорена локација.
Девојката наводно рекла дека не сака да се грижи за својот син, па решила да го продаде. Со парите што ги добила планирала да отвори сопствен бизнис.
Детето е земено во полиција и предадено на надлежните органи. Против неговата мајка е подигнато обвинение за трговија со луѓе.
Европа
Уапсени тројца мажи во истрагата за бруталното убиство на Хрват во Даблин
Уапсени се тројца мажи осомничени за убиството на 31-годишен Хрват, Јосип Штрок во Даблин минатиот месец, пишуваат ирските медиуми.
Тие се осомничени дека ги претепале Штрок, кој живеел и работел во Даблин, и неговиот пријател. Штрок почина од повредите на 3 април.
Неговиот пријател за хрватските медиуми изјавил дека биле во продавница и планирале да се дружат, кога група луѓе им кажала да почнат да зборуваат англиски.
„Немате почит кон нашата земја, ова е Ирска…“, изјави тој за Јутарњи. Тие влегле во автобусот и не забележале дека напаѓачите ги следат и биле нападнати одзади.
„Прво ме удрија со нешто, не знам дали беше шипка или палка. Ги прашав полицајците за деталите што ги виделе на видеото, а кои наводно ги имаат“, рече тој, додавајќи дека следното нешто се сеќава е кога се разбудил во болница.