Европа
Холандскиот референдум за Украина, тест за ЕУ во пресрет на плебисцитот за Брекзит
Холанѓаните во средата излегуваат на гласање за референдумот за Спогодбата за придружување на Украина на Европската унија, чии резултати се сметаа за показател на односите кон Брисел во пресрет на британскиот референдум за членството во ЕУ во јуни.
Избирачките места беа отворени во 8,30 часот, а ќе бидат затворени во 17 часот. Референдумот не е обврзувачки, па холандската влада нема да мора да вложи вето на европско ниво, доколку избирачите гласаат против Спогодбата. Меѓутоа, кревката коалиција која претседава со ЕУ во ова полугодие, тешко ќе може да го пренебрегне една година пред парламентарните избори.
Сеопфатниот политички, трговски и одбранбен договор за придружувањето во членството меѓу ЕУ и Украина привремено се применува од јануари годинава, но мора да го ратификуваат сите држави членки на ЕУ во целост, за да има целосна правна сила. Холандија е единствената држава којашто тоа ќе го стори преку референдум.
Отфрлањето на спогодбата во Холандија, според коментаторите, би претставувало голема победа на рускиот претседател Владимир Путин, бидејќи Москва се противеше и поставуваше услови за таквиот договор меѓу Брисел и Киев, тврдејќи дека ќе се нарушат нејзините економски интереси од договорите со претходното украински раководство.
Коментаторите додаваат и дека многу Холанѓани сметаат дека мора да избираат меѓу две непривлечни опции: експанзионистичките сништа на бирократите во Брисел кои не одговараат никому или помагањето на Москва која повикувајќи се на западните центри моќ недокажано ја обвинуваат за уривањето на авионот во јули 2014-та над источна Украина кога загинаа речиси 200 холандски државјани.
Организаторите на референдумот би можеле многу скоро да започнат да размислуваат и за организирање на референдум за „Некзит“, односно излегувањето на Холандија од ЕУ, смета Тони ва дер Тогт, од Институтот за меѓународни односи Клингдаел од Хаг. Напомнува дека холандскиот референдум би можел да постави и опасен преседат во ЕУ. „Повеќе нема да може да се носат одлуки“, вели.
Според последните анкети, 66 отсто од избирачите кои се изјасниле дека ќе излезат на референдумот ќе гласат против Спогодбата ЕУ – Украина, а само 25 отсто ќе ја поткрепат, а решавачка улога во конечниот резултат ќе има одѕивот на гласачите. Агенцијата TNS Nipo предвидува одѕив од 32 отсто, нешто над прагот од 30 отсто потребни за референдумот да биде валиден.
Владата, која го поддржува договорот со Украина, стравуваа дека референдумот може да се претвори во протест како и 2005 година, кога мнозинството избирачи го отфрли предлогот на првиот Устав на ЕУ.
„Се надевам дека Холанѓаните ќе може да го надминат своето незадоволство. ‘Да, лути сме на Европа, лути сме на оваа наша влада, но сепак ја поддржуваме Украина’“, рече германскиот министерот за финансии Јероен Дијселблом.
Иако некои парламентарни партии истакнуваат дека исходот од референдумот мора да се почитува, „ставот на владата е дека ќе го почитува законот, кој едноставно вели дека повторно ќе размислиме“, рече Дијселблом, давајќи до знаење дека владата ќе настојува да го сочува договорот со Украина, или барем неговата суштина, каков и да е исходот референдумот.
Холандската владата во почетокот избегнуваше во кампањата за референдумот да го стави акцентот на Русија, но ја промени тактиката како што се приближуваше датумот на одлуката. Младината на Лабуристичка партија на Јероен Дијселблум, помалиот коалициски партнер во владата на премиерот Марк Руте, печатеше постери на кои беше прикажан евроскептикот Геерт Вилдерс страсно го бакнува Путин.
Владата во почетокот економските ползи од спогодбата, но во последното време да се фокусираше на беговата важност за реформите во Украина во борбата против корупцијата, човековите права и демократијата.,
Противниците на спогодбата, пак, истакнуваат дека таа е првиот чекор кон полноправното членство на Украина кон ЕУ, и велат дека тоа е „квази членство“./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.
Европа
Во Англија извикал „Алах Акбар“ и убил случаен минувач: „Го направив тоа за луѓето од Газа“
45-годишниот Ахмед Алид вчера беше прогласен за виновен за убиство и обид за убиство. На 15 октомври минатата година, барател на азил од Мароко со нож го уби 70-годишниот Теренс Карни во центарот на англискиот град Хартлпул. Тој претходно го избодел со нож својот заспан цимер Џавед Нури додека викал „Алах Акбар“.
Алид и рекол на полицијата дека сето тоа го направил „за луѓето од Газа“. Само осум дена пред да убие случаен минувач и да го рани својот цимер, милитантите на Хамас го нападнаа Израел. Алид се заколнал дека ќе убиел повеќе луѓе доколку имал митралез и друго оружје, изјави обвинителот Џонатан Сендифорд во Судот во Тесајд.
Алид делел куќа со други баратели на азил во североисточна Англија. Тој бил вознемирен што Нури го прифатил христијанството. Цимерите рекле дека Алид почнал да носи нож откако на телевизија видел прилог за настаните во Газа.
Европа
Крим главна цел: Пентагон откри за што Украина ќе ги користи моќните ракети АТАКМС
Министерството за одбрана на САД ја појасни целта за испорака на ракети со долг дострел во Украина, кои неодамна беа испорачани во тајност. Како што објави „Њујорк тајмс“, целта на испораката на американските ракети АТАКМС е да се зголеми притисокот врз Крим, кој беше анектиран од Русија по референдумот во 2014 година.
Крим го претставува центарот во кој се лоцирани голем број руски воздушни и копнени сили и кој досега, како што пишува американскиот дневен весник, „за нив бил релативно безбедно засолниште“. Ова го тврди анонимен американски функционер. Сепак, Пентагон одби да каже колку точно од овие проектили со дострел од 300 километри се испорачани на украинската страна.
Советникот за национална безбедност на Белата куќа, Џејк Саливан, претходно ја потврди испораката на овие ракети без да прецизира дали тие се модифицирани и имаат зголемен дострел.
Украинските сили веќе употребија АТАКМС, што претседателот Володимир Зеленски го потврди на 17 април, објавувајќи дека бил извршен напад врз воздухопловната база Џанкој, која се наоѓа на 165 километри од линијата на фронтот. Министерството за одбрана на Руската Федерација не ги коментираше овие наводи.
Pentagon reveals Ukraine’s targets for ATACMS missiles – NYT — (the usual baffling lack of retaliation threats from #Putin– instead just the usual bleating that ‘it’s impossible to justify’..Bring Stalin back to life please, Russia) https://t.co/8pi0Lx8tbt #CapeTown #SouthAfrica pic.twitter.com/ZtI5cG3r2m
— Peter Mayson (@theforeverman) April 26, 2024
Американскиот дневен весник потсетува дека Украина првпат добила ракети АТАКМС во септември минатата година, но дека станува збор за верзија со половина дострел. Се шпекулираше дека Украина можеби користела американски ракети за да го урне кримскиот мост, што на почетокот на месецов го потврди и самиот претседател Зеленски, велејќи дека неговата влада „навистина сака да го уништи мостот на Крим“.
Тој е симбол на руската окупација и преку овој мост Русија испорачува воена опрема и ги снабдува војниците во Украина. Во неколку наврати досега мостот беше цел на украински напади.
– Мислам дека е вистинското време, а шефот (Бајден) донесе одлука дека е вистинско време да и го обезбеди на Украина оружјето неопходно за тековната борба. Тоа е добро осмислена и многу конструктивна одлука – изјави адмирал Кристофер Грејди, заменик командант на Здружениот генералштаб на американската армија.
Руската страна го осуди потегот на САД, а рускиот амбасадор во Вашингтон Анатолиј Антонов рече дека тоа „ја зголемува заканата за безбедноста на Крим, вклучително и Севастопол и другите руски градови“.