Европа
Имигрантите го забавуваат демографскиот пад на Германија
Во следните 45 години бројот на населението во Германија ќе се намалува побавно отколку што се предвидуваше, благодарејќи на високиот прилив на имигрантите во оваа земја, покажуваат официјалните статистички податоци објавено во вторникот.
Бројот на имигрантите и на барателите на азил во Германија во последните дваесет години ги достигна највисоките нивоа и ја поттикна сé поострата дебата во земјата во врска со ова прашање. Меѓутоа, германските власти велат дека имигрантите им се многу потребни за да го спречат демографскиот пад кој ѝ се заканува на земјата поради сé постарата германска популација.
Бројот на жителите на Германија, во којашто во 2014 година живееле 81,1 милиони луѓе, ќе се намали меѓу 67,6 и 73,1 милиони до 2060 година, покажуваат статистичките податоци, а бројот на имигрантите коишто ќе пристигнат во земјата ќе влијае на тоа дали ќе се оствари првата или втората варијанта. Силниот пад ќе се почувствува во сразмерот на работоспособното население, се наведува во соопштението на сојузното Биро за статистика. До 2060 година, според овие проекции, бројот на работоспособното населени на возраст меѓу 20 и 64 години ќе биде преполовено.
Во февруари годинава податоците на бирото покажаа дека доселувањето на Германија во текот на минатата 2014 година било за 20 отсто повеќе во однос на претходната 2013 година, и во првите шест месеци од ланската година се доселиле 667.000 луѓе.
На почетокот од 2014 година беше укината со седумгодишните преодни ограничување на Европската унија за романските и бугарските државјани. Од 667.000 луѓе пристигнати во Германија во минатогодишното прво полугодие, најмногу доселеници има од Романија, 98.000, па следат Полјаците 96.000, Бугарите со 38.000 а од најмладата членка на ЕУ – Хрватска ги имало 21.000 доселеници што е 202 отсто повеќе отколку во првите шест месеци од 2013 година.
Доселувањето стана важно политичко прашање во Германија, особено по појавувањето на граѓанското движење и масовното собирање што тоа ги организира Родољубиви Европејци против исламизирањето на Западот (Pegida).
Водечките политичари во земјата започнаа со дискусиите за можната ревизија на законот за доселување. Имено, според германскиот државен завод за статистика, оваа е четврта година со ред да се зголемува бројот на доселениците во Германија.
Во првите шест месеци од ланската година од Германија, пак, се иселиле 427.000. Статистичарите велат дека податоците за доселувањето и иселувањето се блиску поврзани, бидејќи многумина доаѓаат во Германија во потрага за работа или азил, па за неколку месеци заминуваат доколку не им се остварат плановите.
Малку помалку од 200.000 доселеници од Германија пристигнале надвор од Европа. Голем пораст е забележан во доаѓањето на бегалците од Сирија, кои во првото полугодие од минатата година ги имало 22.000, што е за 242 отсто повеќе од истиот период претходната година.
Исто така, и бројот на баратели на азил го достигнал нивото коешто не е забележано од почетокот на 1990-те. Минатата година азил во Германија побарале вкупно 202.834 луѓе, или 60 отсто повеќе отколку во претходната 2013 година./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.
Европа
Во Англија извикал „Алах Акбар“ и убил случаен минувач: „Го направив тоа за луѓето од Газа“
45-годишниот Ахмед Алид вчера беше прогласен за виновен за убиство и обид за убиство. На 15 октомври минатата година, барател на азил од Мароко со нож го уби 70-годишниот Теренс Карни во центарот на англискиот град Хартлпул. Тој претходно го избодел со нож својот заспан цимер Џавед Нури додека викал „Алах Акбар“.
Алид и рекол на полицијата дека сето тоа го направил „за луѓето од Газа“. Само осум дена пред да убие случаен минувач и да го рани својот цимер, милитантите на Хамас го нападнаа Израел. Алид се заколнал дека ќе убиел повеќе луѓе доколку имал митралез и друго оружје, изјави обвинителот Џонатан Сендифорд во Судот во Тесајд.
Алид делел куќа со други баратели на азил во североисточна Англија. Тој бил вознемирен што Нури го прифатил христијанството. Цимерите рекле дека Алид почнал да носи нож откако на телевизија видел прилог за настаните во Газа.
Европа
Крим главна цел: Пентагон откри за што Украина ќе ги користи моќните ракети АТАКМС
Министерството за одбрана на САД ја појасни целта за испорака на ракети со долг дострел во Украина, кои неодамна беа испорачани во тајност. Како што објави „Њујорк тајмс“, целта на испораката на американските ракети АТАКМС е да се зголеми притисокот врз Крим, кој беше анектиран од Русија по референдумот во 2014 година.
Крим го претставува центарот во кој се лоцирани голем број руски воздушни и копнени сили и кој досега, како што пишува американскиот дневен весник, „за нив бил релативно безбедно засолниште“. Ова го тврди анонимен американски функционер. Сепак, Пентагон одби да каже колку точно од овие проектили со дострел од 300 километри се испорачани на украинската страна.
Советникот за национална безбедност на Белата куќа, Џејк Саливан, претходно ја потврди испораката на овие ракети без да прецизира дали тие се модифицирани и имаат зголемен дострел.
Украинските сили веќе употребија АТАКМС, што претседателот Володимир Зеленски го потврди на 17 април, објавувајќи дека бил извршен напад врз воздухопловната база Џанкој, која се наоѓа на 165 километри од линијата на фронтот. Министерството за одбрана на Руската Федерација не ги коментираше овие наводи.
Pentagon reveals Ukraine’s targets for ATACMS missiles – NYT — (the usual baffling lack of retaliation threats from #Putin– instead just the usual bleating that ‘it’s impossible to justify’..Bring Stalin back to life please, Russia) https://t.co/8pi0Lx8tbt #CapeTown #SouthAfrica pic.twitter.com/ZtI5cG3r2m
— Peter Mayson (@theforeverman) April 26, 2024
Американскиот дневен весник потсетува дека Украина првпат добила ракети АТАКМС во септември минатата година, но дека станува збор за верзија со половина дострел. Се шпекулираше дека Украина можеби користела американски ракети за да го урне кримскиот мост, што на почетокот на месецов го потврди и самиот претседател Зеленски, велејќи дека неговата влада „навистина сака да го уништи мостот на Крим“.
Тој е симбол на руската окупација и преку овој мост Русија испорачува воена опрема и ги снабдува војниците во Украина. Во неколку наврати досега мостот беше цел на украински напади.
– Мислам дека е вистинското време, а шефот (Бајден) донесе одлука дека е вистинско време да и го обезбеди на Украина оружјето неопходно за тековната борба. Тоа е добро осмислена и многу конструктивна одлука – изјави адмирал Кристофер Грејди, заменик командант на Здружениот генералштаб на американската армија.
Руската страна го осуди потегот на САД, а рускиот амбасадор во Вашингтон Анатолиј Антонов рече дека тоа „ја зголемува заканата за безбедноста на Крим, вклучително и Севастопол и другите руски градови“.