Европа
Италија: Бројот на жртвите во земјотресот се зголеми на 267
Бројот на загинатите во силниот земјотрес кој во средата на 24-ти август го погоди централниот дел од Италија во петокот се зголеми на 267, а 387 луѓе уште се наоѓаат во болниците, објави италијанската служба за цивилна заштита.
Во петокот романското министерство за надворешни работи објави дека во земјотресот со магнитуда од 6,0 по Рихтер од средата рано утрото загинале шест државјани на Романија, а уште петмина се повредени и се хоспитализирани. Уште 17 државјани на Романија се сметаат за исчезнати во земјотресот во централна Италија.
Почвата продолжи да се тресе и ноќта кон петокот во централна Италија, каде што неколку села се урнати во потресот од средата, а спасувачите ја продолжуваат потрагата по евентуално преживеаните.
Според италијанскиот национален центар за земјотреси, во текот на ноќта од четвртокот кон петокот регистрирани се 57 помали потреси, меѓу кои серија со магнитуда од 3 до 3,8 околу полноќ. Вкупно од средата се регистрирани 900 треперења на почвата со различни магнитуди.
Власите сé уште не можат да го одредат бројот на вкупно исчезнатите лица. Населението на овие живописни туристички гратчиња се зголемува двојно или тројно во текот на летото и тешко е да се знае прецизно колку лица имало во областа во малите хотели или викенд куќи во моментот на трагедијата. Вкупно меѓу загинатите се најмалку осум странци, меѓутоа италијанските власти не ја соопштија нивната националност.
Околу локациите погодени од земјотресот поставени се шатори кои се загреваат преку ноќта зашто во овој планински дел од Италија температурите можат да паднат и под 10 Целзиусови степени. Многу шатори, меѓутоа, останале празни, бидејќи некои жители се засолнале кај роднини или пријател, а некои, пак, повеќе сакале да минат уште една ноќ во своите автомобили.
Италијанската влада вети во четвртокот спроведување на планот за превенција од земјотреси на целиот полуостров и деблокирање на првата транша од помошта за погодените области од 50 милиони евра.
Повеќе до 24 часа по земјотресот, италијанската јавност се прашува за причините за толку големиот број загинати во планинската област, која е релативно слабо населена, и каде што најмалку три села се делумно урнати. Во април 2009 година во земјотресот во Аквила, недалеку од зоната на земјотресот од средата, имаше повеќе од 300 загинати, но станува збор за град со неколку десетина жители.
Италија е особено шокирана со случајот на училиштето во Аматриче, обновено во 2012 година, за да биде прилагодено на нормите против земјотреси, а се урна во сегашниот потрес од средата. Обвинителот од Риети, град во близина на местото на потресот, отвори истрага поради процена на евентуалните малверзации при градењето објекти во Аматриче и другите села.
Свесен за овие прашања, италијанскиот премиер Матео Ренци најави во четвртокот вечерта покренување на планот за превенции наречен „Каза Италија“, кој ќе биде централната точка на дејствување на неговата влада во таа насока. „Италија мора да има визија која не се ограничува на управувањето со вонредните ситуации“, појасни Ренци пред новинарите по завршувањето на седницата на советот на министрите.
Земјотресот од средата оштетил или уништил 293 објекти кои имаат културна вредност, соопшти министерот за култура Дарио Франческини./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Блиска сојузничка на Орбан ги плаши Унгарците со влезот на Украина во ЕУ: објави снимка од маж врзан во багажник
Унгарската опозиција го осуди видеото објавено од Александра Сенткираљи, блиска сојузничка на премиерот Виктор Орбан.
Сенткираљи објави видео на „Фејсбук“ на кое се гледа маж врзан во багажникот на автомобил, додека Сенткираљи зборува за наводното зголемување на заканите поврзани со трговија со луѓе, шверц со дрога и трговија со органи доколку Украина се приклучи на Европската Унија.
Подоцна се дозна дека човекот на видеото е вработен во канцеларијата на унгарскиот премиер.
Until yesterday, Fidesz Party had only one well-known female politician. But no longer.
Alexandra Szentkirályi was someone you could either like or dislike. You could agree with her or criticize her.
One thing is certain: as of today, Alexandra Szentkirályi has no place in… pic.twitter.com/MeA99i3QyD— Magyar Péter (Ne féljetek) (@magyarpeter102) June 14, 2025
Ференц Геленчер, пратеник од опозицијата од партијата Моментум, изрази негодување поради видеото и најави дека ќе поднесе полициска пријава против Сенткираљи. Тој тврди дека лагите што би можеле да го загрозат јавниот ред, да шират опасни шпекулации или да сугерираат закани за јавната безбедност се кривични дела.
„Како некој може да биде толку глупав за вака да напаѓа земја во која живеат и Унгарци?“, рече Геленчер повикувајќи ја Сенткираљи да го избрише видеото.
Сенткираљи му беше портпаролка на Орбан од 2020 до 2024 година. Минатата година таа објави дека ќе се кандидира за градоначалник на Будимпешта како претставник на владејачката партија, но подоцна ја повлече својата кандидатура во корист на друг технички кандидат поддржан од Орбан.
Орбан неодамна повтори дека Украина не треба да биде примена во Европската Унија тврдејќи дека земјата е домаќин на измамници што ги лажат Унгарците и заработуваат пари наводно дејствувајќи од украинска територија. „Украина е опасна земја“, нагласи Орбан.
Европа
Руските медиуми за војната меѓу Иран и Израел: Ова е нашата стратешка можност
Конфликтот меѓу Иран и Израел денес доминира во насловите на руските весници, а многу коментатори во Москва ја гледаат ескалацијата на Блискиот Исток низ призмата на сопствените геополитички интереси, пишува дописникот на Би-би-си за Русија, Стив Розенберг.
„Колку и да звучи цинично, овој конфликт носи одредени придобивки за Русија и на тактичко ниво“, објави таблоидот „Московски комсомолец“ наведувајќи ги растечките цени на нафтата и намаленото внимание на Западот кон војната во Украина. „Киев е заборавен“, се вели во него.
Бизнис-дневниот весник „Комерсант“ оди чекор понатаму: „Секоја ескалација на Блискиот Исток ги одвлекува противниците на Москва од Украина и ги менува приоритетите на западната воена помош“.
Во овој контекст, руските аналитичари сугерираат дека Москва би можела да се обиде да игра улога на непристрасен посредник – не мора да ја реши кризата, туку барем да помогне во нејзиното деескалирање. Ова, според „Комерсант“, би го зајакнало политичкото влијание на Русија во регионот.
Сепак, истиот весник предупредува дека Москва не успеала да спречи израелски напад врз Иран, земја со која потпиша сеопфатен стратешки договор пред само пет месеци. Ова фрла сенка врз нејзината вистинска моќ во регионот и го поставува прашањето колку влијание навистина може да има врз настаните надвор од постсоветскиот простор.
Европа
(Видео) Двегодишно девојче почина од струен удар во Шпанија, три деца хоспитализирани
Двегодишно девојче почина, а уште три деца беа повредени откако беа удрени од струја на трамболина на панаѓур во Алкеријас, во шпанскиот регион Мурсија, вчера рано наутро.
Според шпанските медиуми, трагедијата се случила кратко по полноќ, за време на прославите на денот на патронот на градот. Девојчето било на трамболината кога удрило струјниот удар. Таа останала во несвест, а службите за итни случаи се обидувале да ја реанимираат повеќе од еден час. Таа била прогласена за мртва во 1:16 часот наутро.
🔴 Fallece una niña de 2 años por una descarga eléctrica en una atracción de feria en Alquerías
➡️ @Nereeagm está allí en estos momentos y dará más información a las 15:00 en #La7Noticias, con @enrique_campi
🔗 https://t.co/xM2p97oBNO pic.twitter.com/j115SA8CeB
— La 7 (@la7tele) June 15, 2025
Три деца, осумгодишно девојче и две момчиња на возраст од 11 и 12 години, беа повредени во истиот инцидент. Тие беа однесени во болница од страна на членови на семејството. 29-годишна жена доживеала напад на паника и ѝ била укажана помош на местото на настанот, објави „Ел Еспањол“.
Истражителите на Цивилната гарда ја опколиле трамболината и истражуваат за да ја утврдат причината за несреќата. Полицајците земале изјави од персоналот и сведоците. Тие истражуваат дали трамболината била правилно поврзана со електричната мрежа и дали техничка грешка довела до трагедијата.
Смртта на девојчето предизвика загриженост за безбедноста на привремените саемски атракции низ цела Шпанија. Како што продолжува истрагата, се зголемуваат повиците за построги контроли и појасни прописи за електричните инсталации на вакви настани.
Злоупотреба на правото на вето, идентитетски условувања и историски ревизионизам – Сиљановска-Давкова во Тирана за проширувањето на ЕУ
Претседателката Гордана Сиљановска-Давкова се обрати на Самитот на шефови на држави и влади на учесниците на Процесот за соработка во...
Трамп: Иран требаше порано да преговара
Актуелниот американски претседател Доналд Трамп на прес-конференција за време на самитот на Г7 во Канада рече дека Иран сака да...
Осум македонски државјани најдоцна до утре ќе бидат евакуирани од Израел, 28 побарале помош
Заклучно со денешниот ден, вкупно 28 македонски државјани побарале поддршка за евакуација, соопшти министерот за надворешни работи и надворешна трговија,...
Димитриеска – Кочоска ќе го следи поскапувањето на бензините, не кажа дали тоа ќе повлече други поскапувања
Министерката Гордана Димитриеска – Кочоска по денешните најави за поскапување на бензините кажа дека Министерството за финансии ќе ја следи...
Се зголемува цената на бензините и на дизелот
Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе Одлука...
Иранскиот парламент демантира дека земјата се повлекува од договорот за неширење нуклеарно оружје
Иранскиот парламент денес негира дека разгледува закон за повлекување на Техеран од договорот за неширење нуклеарно оружје (ННП) како форма...
Иран се повлекува од договорот за неширење нуклеарно оружје
Портпаролот на иранското Министерство за надворешни работи, Есмаил Багеј, денес изјави дека иранскиот парламент подготвува закон за повлекување од договорот...
„За „аудито“ на Филипче од 130.000 евра – повластен третман, за автомобилите на Мирчевски – кривичен прогон“, ВМРО-ДПМНЕ бара Обвинителството да отвори постапка
„ЈО е селективно во однос на постапките за аудито од 130 000 евра поклон на Венко Филипче од фирмата Зобек...
„Вината за Кочани е во врвот на МВР“, СДСМ бара оставки од Тошковски и од Јанев и кривична одговорност
„Речиси четири месеци, Мицкоски и Тошковски се обидуваа да ја сокријат вистината за Кочани и да ги заштитат полициските функционери...
Серија земјотреси почувствувани во Охрид
Телеметриската сеизмолошка мрежа на Република Северна Македонија, на сеизмолошките станици инсталирани ширум нашата територија, одржувани од Сеизмолошката опсерваторија при Природно-математичкиот...
Поранешен израелски дипломат: Трамп може да му се јави на Нетанјаху и да му каже – доста е
Алон Пинкас, поранешен израелски дипломат и советник на двајца премиери, изјави дека американскиот претседател Доналд Трамп има моќ да го...
Клучното прашање е каде Иран скрил 400 килограми збогатен ураниум, вели експерт
По израелските воздушни напади врз иранските нуклеарни постројки, поранешниот заменик-генерален директор на Меѓународната агенција за атомска енергија (МААЕ), Оли Хејнонен,...
Аналитичар: Иранските ракети ги пробиваат сите слоеви на израелската воздушна одбрана
Континуираните ирански ракетни напади врз Израел покажуваат дека силите на Техеран можат да се прегрупираат дури и откако Израел уби...
Израелскиот министер за одбрана се закани: „Граѓаните на Техеран ќе ја платат цената, и тоа набргу“
Израелскиот министер за одбрана Израел Кац денес повторно му се закани на Иран, велејќи дека „народот на Техеран ќе ја...
(Фото) Шок и страв во Тел Авив по жестокиот ирански напад
Улиците на Тел Авив утрово беа покриени со урнатини, со сцени на страв, вознемиреност и хаос по најновиот бран ирански...
Иранските медиуми: Ајатолахот Хамнеи се крие во бункер северно од Техеран
Неколку часа откако Израел ги започна нападите врз Техеран во раните утрински часови во петокот, врховниот лидер на Иран Али...
Израел: Го нападнавме седиштето на елитната единица на Иранската гарда во Техеран
Израелската војска објави дека нејзините борбени авиони извршиле напад врз седиштето на Кудс силите во Техеран, тврдејќи дека таму се...
Иран: Не сакаме да преговараме за прекин на огнот додека сме под израелски напади
Иран им соопшти на посредниците Катар и Оман дека не е отворен за преговори за прекин на огнот додека е...
(Видео) Четворица мртви, десетици повредени во ракетните напади врз Израел во текот на ноќта
Четири лица – две жени и двајца мажи – беа убиени во најновите ракетни напади врз централен Израел, потврдија службите...
Макрон ја отфрла идејата на Трамп за Путин да биде посредник во мирот меѓу Иран и Израел
Францускиот претседател Емануел Макрон синоќа изјави дека Русија нема кредибилитет да посредува во конфликтот меѓу Израел и Иран како што...
