Европа
Италија: Бројот на жртвите во земјотресот се зголеми на 267
Бројот на загинатите во силниот земјотрес кој во средата на 24-ти август го погоди централниот дел од Италија во петокот се зголеми на 267, а 387 луѓе уште се наоѓаат во болниците, објави италијанската служба за цивилна заштита.
Во петокот романското министерство за надворешни работи објави дека во земјотресот со магнитуда од 6,0 по Рихтер од средата рано утрото загинале шест државјани на Романија, а уште петмина се повредени и се хоспитализирани. Уште 17 државјани на Романија се сметаат за исчезнати во земјотресот во централна Италија.
Почвата продолжи да се тресе и ноќта кон петокот во централна Италија, каде што неколку села се урнати во потресот од средата, а спасувачите ја продолжуваат потрагата по евентуално преживеаните.
Според италијанскиот национален центар за земјотреси, во текот на ноќта од четвртокот кон петокот регистрирани се 57 помали потреси, меѓу кои серија со магнитуда од 3 до 3,8 околу полноќ. Вкупно од средата се регистрирани 900 треперења на почвата со различни магнитуди.
Власите сé уште не можат да го одредат бројот на вкупно исчезнатите лица. Населението на овие живописни туристички гратчиња се зголемува двојно или тројно во текот на летото и тешко е да се знае прецизно колку лица имало во областа во малите хотели или викенд куќи во моментот на трагедијата. Вкупно меѓу загинатите се најмалку осум странци, меѓутоа италијанските власти не ја соопштија нивната националност.
Околу локациите погодени од земјотресот поставени се шатори кои се загреваат преку ноќта зашто во овој планински дел од Италија температурите можат да паднат и под 10 Целзиусови степени. Многу шатори, меѓутоа, останале празни, бидејќи некои жители се засолнале кај роднини или пријател, а некои, пак, повеќе сакале да минат уште една ноќ во своите автомобили.
Италијанската влада вети во четвртокот спроведување на планот за превенција од земјотреси на целиот полуостров и деблокирање на првата транша од помошта за погодените области од 50 милиони евра.
Повеќе до 24 часа по земјотресот, италијанската јавност се прашува за причините за толку големиот број загинати во планинската област, која е релативно слабо населена, и каде што најмалку три села се делумно урнати. Во април 2009 година во земјотресот во Аквила, недалеку од зоната на земјотресот од средата, имаше повеќе од 300 загинати, но станува збор за град со неколку десетина жители.
Италија е особено шокирана со случајот на училиштето во Аматриче, обновено во 2012 година, за да биде прилагодено на нормите против земјотреси, а се урна во сегашниот потрес од средата. Обвинителот од Риети, град во близина на местото на потресот, отвори истрага поради процена на евентуалните малверзации при градењето објекти во Аматриче и другите села.
Свесен за овие прашања, италијанскиот премиер Матео Ренци најави во четвртокот вечерта покренување на планот за превенции наречен „Каза Италија“, кој ќе биде централната точка на дејствување на неговата влада во таа насока. „Италија мора да има визија која не се ограничува на управувањето со вонредните ситуации“, појасни Ренци пред новинарите по завршувањето на седницата на советот на министрите.
Земјотресот од средата оштетил или уништил 293 објекти кои имаат културна вредност, соопшти министерот за култура Дарио Франческини./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Маскирани лица пукаа со „калашникови“ во близина на метрото во Брисел, во тек е голема потрага
Белгиската полиција трага по вооружени лица кога беше пријавено пукање во една од метро-станиците во белгискиот главен град.
На снимката од надзорните камери се гледаат најмалку двајца мажи, кои носат фантомки и пукаат од пушки од типот „калашников“ на влезот од станицата Клемансо во Брисел во раните утрински часови.
Федералната полиција, како и железничката полиција и други единици, повикаа засилување во областа.
La vermine gangrène #Bruxelles. Le Gouvernement Arizona va prendre les mesures pour nettoyer les rues. Ce sont les bandes criminelles et les racailles qui doivent avoir peur. Vous n’aurez pas une seconde repos.
Pendant ce temps, certains estiment ne pas devoir faire un… pic.twitter.com/z3VmRdO30y— Georges-L BOUCHEZ (@GLBouchez) February 5, 2025
Според првичните информации, нема повредени.
Портпаролката на бриселската полиција, Сара Фредерикс, рече дека осомничените побегнале во метро-станицата и можеби сѐ уште се во тунелите на метрото.
Таа додаде дека во престрелката нема повредени. Локалната полиција и федералната железничка полиција ја пребаруваат областа.
Станицата Клеменсо е затворена, како и блиската станица Брисел-Миди, која служи и како терминал за возовите на „Евростар“.
Европа
Папата Франциско повторно тешко настинат: „Ве молам, простете ми, тешко ми е да зборувам“
Папата Франциско не ја прочита својата порака до аџиите на денешната општа аудиенција поради силната настинка.
Франциско (88) во последните две години неколкупати страдаше од грип и поврзани респираторни проблеми. „Ве молам, простете ми, но со толку лоша настинка тешко ми е да зборувам“, кусо рекол Франциско.
Подготвената порака на присутните им ја прочитал еден од неговите помошници. Иако зборуваше малку, папата остана присутен во текот на едночасовната аудиенција.
Покрај респираторните проблеми, папата има тешкотии и во движењето поради болните колена, а неодамна двапати падна во својата резиденција во Ватикан, при што во декември си го повреди образот, а овој месец раката.
Европа
Извршена обдукција на телото на хрватскиот фудбалер: утврдена причината за смртта на Јаков Јелкиќ, истрагата продолжува
Во шпанскиот град Аликанте беше извршена обдукција на телото на Јаков Јелкиќ (24), хрватски фудбалер, чие тело беше пронајдено во морето по исчезнувањето ноќта меѓу петокот и саботата.
На телото не се пронајдени траги на насилство, па полицијата претпоставува дека тој починал бидејќи ноќта паднал во студеното море под дејство на алкохол, објави „Јутарњи лист“.
„Претпоставуваме дека се работи за несреќен случај“, изјавил на телефон портпаролот на полицијата од Аликанте за „Хина“. Полицијата претходно одржа прес-конференција во овој крајбрежен град во југоисточна Шпанија.
За време на обдукцијата, во неговите бели дробови била пронајдена морска вода, па истражителите заклучиле дека Јелкиќ починал од давење.
„На телото немаше траги на насилство, а со оглед на неговата шема на одење снимена на камерите заклучивме дека паднал во морето. Морето е студено во овој период од годината, а тој беше сам“, рече портпаролот и продолжи:
„Истрагата ќе ја продолжиме бидејќи обдукцијата на телото е само дел од неа. Сите наоди ќе бидат анализирани, но од сѐ досега познато се чини дека станува збор за несреќен случај.
Encuentran el cadáver del jugador croata Jakov Jelkic en el puerto de Alicante https://t.co/AWX6iACytz
— El Confidencial (@elconfidencial) February 4, 2025
Јелкиќ, хрватски фудбалер на швајцарски второлигаш, минатата недела со соиграчите беше во Аликанте, каде што претходно одиграа натпревар.
Играчите во петокот вечерта биле во ноќен клуб, а потоа се упатиле кон хотелот. Јелкиќ се вратил во клубот да си ја земе јакната, а надзорните камери го снимиле како заминува сам околу 2.30 часот. Неговите соиграчи изутрината не го нашле во хотелската соба, па го пријавиле за исчезнат.
Неговата сестра Јања со емотивна порака се прости од својот брат.
„Брату, единствено мое, мое око, мој ангел. Пробав сѐ, но не можев! Те сакам засекогаш! Добро момче, почивај во мир божји“, напиша таа.
Кривичниот суд за случајот со Фросина: Јавноста да не подлегнува на провокации и шпекулации, како и стигматизирање и линч на еден судија
Судиите и подружницата на Здружението на судиите на РСМ при Основниот кривичен суд Скопје изразува длабоко жалење за загубениот млад...
Кривична за поранешниот директор на СОЗР за поткуп, фалсификување, проневера: Финансиската полиција со детали
Управата за финансиска полиција до Основното јавно обвинителство Скопје поднесе кривична пријава против едно физичко лице, поранешен директор на Службата...
Судскиот совет ќе формира комисија за постапките што се воделе против Јованов, кој ја прегази Фросина: „По увидот во сите списи, ќе кажеме дали има пропуст“
Судскиот совет ќе формира комисија, која ќе утврдува дали имало пропусти во претходните постапки што се воделе против 20-годишникот Васил Јованов,...
Денес во 16.30 часот тргнува првиот воз од Скопје за Куманово, ќе се патува 41 минута
Скопје и Куманово, по две и пол години прекин, повторно ќе бидат железнички поврзани. Министерот за транспорт и врски Александар...
Акција во МВР: се истражува Одделот за општи и заеднички работи
МВР со потврда дека се спроведува полициска акција поврзана со работењето на Одделот за општи и заеднички работи во ова...
Претрес во домот на поранешниот директор на СОЗР, се обезбедуваат докази за поткуп и проневера
Основното јавно обвинителство Скопје заедно со Управата за финансиска полиција презема дејства за обезбедување докази во предмет за кривични дела...
Фросина била прегазена заедно со нејзиното куче Аја, кое било пронајдено под автомобилот на Васил
Здружението од Кавадарци, „Лина – спаси живот, добиј живот, помогни им на животните“, на социјалните мрежи објави статус во кој...
В сабота протест во Неготино за правда на Фросина: „Стоп за сообраќајното насилство“
Протестен марш под мотото „Стоп за сообраќајното насилство“ ќе се одржи в сабота во Неготино, објавија организаторите на настанот на...
„Тој сѐ уште не е правосилно осуден, и да добил затвор, ништо немало да се промени“, вели професорот Калајџиев
Професорот по кривично право, Гордан Калајџиев, на социјалните мрежи ја коментираш тезата дека сообраќајната несреќа во која смртно беше прегазена...
Австралискиот премиер: Остануваме посветени на решение со две држави
Австралискиот премиер Ентони Албанез ја повтори „долгогодишната“ поддршка на неговата земја за решение за две држави на Блискиот Исток, по...
Пристигна првата реакција на Хамас откога Трамп рече дека САД сакаат да го преземат Појасот Газа
Официјалниот претставник на Хамас, Сами Абу Зухри, изјавите на Доналд Трамп за преземање на Појасот Газа ги опиша како „смешни“...
Американската војска почна да транспортира мигранти во Гвантанамо, објавени фотографии
Првиот американски воен авион со приведени мигранти полета синоќа за заливот Гвантанамо, соопштија американски официјални лица, додека администрацијата на претседателот...
Трамп: САД сакаат да го преземат Појасот Газа
Американскиот претседател Доналд Трамп изјави дека САД ќе го преземат разурнатиот од војна Појасот Газа и ќе го развијат економски...
(Видео) Зеленски го изнесе главниот услов за преговори за крајот на војната
Украинскиот претседател Володимир Зеленски изјави дека Украина ќе биде подготвена да се вклучи во преговори за ставање крај на нејзината...
(Видео) Мицкоски: Нови 15 милијарди денари капитални инвестиции за општините, историски најголема инвестиција
Денеска, на редовна седница на Владата практично почнавме со постапката за објавување на вториот повик преку Министерството за локална самоуправа,...
Ја затворил поранешната девојка: ја удирал со тупаници и клоци, ја влечел за коса: распишана потерница по 40-годишник
Основното јавно обвинителство Битола поднесе обвинение против 40-годишник кој се товари за – Противправно лишување од слобода од член 140...
Јакимовски: Трн во око им се маркетите, Владата воопшто не зборува за нивните миленичиња
Владата воопшто не зборува за нивните миленичиња, реагира на социјалните мрежи лидерот на ГРОМ и актуелен градоначалник на општина Карпош,...
Момчето на Фросина: Биди ми спокојна горе помеѓу ангелите, не ни дозволија заедно да остариме
Момчето на Фросина Кулакова, која смртно беше прегазена на пешачки премин на „Партизанска“, со потресна објава се огласи на социјалните...
Загина 57-годишен маж од Кочанско: со возилото излетал од патот
Вчера во ОВР Кочани било пријавено дека во периодот од 23.00 часот на 02.02.2025 до 16.30 часот на 03.02.2025 на...
Втор земјотрес во Македонија денеска
Телеметриската сеизмолошка мрежа на Република Северна Македонија на сеизмолошките станици инсталирани во нашата територија, одржувани од Сеизмолошката опсерваторија при Природно-математичкиот...
