Европа
Јункер: Ова е Комисија на „последната шанса“
Новата Европска комисија, којашто во средата ја доби поддршката на Европскиот парламент, е Комисија на „последната шанса“, којашто мора да ја приближи Европската унија на нејзините граѓани и да ги реши нивните најитни проблеми, изјави нејзиниот претседател Жан-Клод Јункер.
Новата Европска комисија, којашто во средата ја доби поддршката на Европскиот парламент, е Комисија на „последната шанса“, којашто мора да ја приближи Европската унија на нејзините граѓани и да ги реши нивните најитни проблеми, изјави нејзиниот претседател Жан-Клод Јункер.
„Оваа Комисија ќе биде Комисија на последната шанса. Или ќе успееме да ја приближиме ЕУ на нејзини граѓани, драконски да го намали нивното на невработеноста и да им даде европска перспективна на младите или ќе пропаднеме“, изјави Јункер.
Новиот состав на Европската комисијата којашто ќе ја предводи Жан-Клод Јункер беше изгласан во средата на пленарната седмица на Европскиот парламент во Стразбур и ќе ја преземе должноста на 1-ви ноември. Во гласањето учествуваа 699 пратеници од Европскиот парламент од кои за комисијата на Јункер гласаа 423 пратеници, 209 беа против а 67 воздржани. За споредба, составот на првата комисија на Жозе Мануел Баросо, во периодот од 2004 до 2009 година, гласаа 449 пратеници, 149 беа против и 82 воздржани. За втората комисија на Баросо, пак, гласа 488 пратеници, 137 беа против и 72 беа воздржани.
На конференцијата за медиумите поп гласањето, Јункер беше замолен да го коментира фактот дека неговата комисија доби помалку гласови од онаа на Баросо, „Вие се шегувате. Овој состав на Парламентот не може да се спореди со претходните состави, бидејќи денес има многу повеќе евроскептици и еврофоби“, изјави. Од 751 пратеник во Европскиот парламент, околу 170 можат да се вбројат во евроскептиците и еврофобите.
„Претседателот на новата Европска комисија ќе има најголем можен политички легитимитет Денес неговиот тим доби поддршка од големо мнозинство во парламентот, а неговото именување е директен резултат на изборите за Европскиот парламент“, истакна веднаш по гласањето претседателот на ЕО, Мартин Шулц.
Поддршка новата Европска комисија доби од три политички групации, Европската народна партија, од Социјалистите и демократите и од либералите. Меѓутоа, јасно е дека не сите пратеници од овие три пратенички групи гласаа за комисијата, бидејќи заедно имаа вкупно 480 мандати.
Јункер претходно во средата во својот говор во Европскиот парламент повика да биде постигнат договор во Европската унија за новата структура којашто ќе почива на три столба.
„Време е да започнеме да преговараме за да постигнеме широк и вистински договор во чии рамки големата коалиција од земји и главните политички партии заедно ќе работи на изработка на новата структура на три столба:: структурни реформи, буџетската веродостојност и инвестициите.“, изјави Јункер во своето обраќање пред пратениците во ЕП пред гласањето.
Во својот говор ги изнесе контурите на програмата на новата ЕК. Според Јункер, одговорите на сегашните економски предизвици не треба да се бараат одозгора надолу. „Не верувам во чуда. Нема во Брисел проектили на наведување ниту копче за раст коешто треба да биде само притиснато. Структурните реформи, фискалната веродостојност и инвестициите на национални ниво и на ниво на ЕИ мораат да одат рака подрака“, рече Јункер.
Истакна дека инвестициите во ЕУ од 2007 година паднале за повеќе од 500 милијарди евра или за 20 отсто. „соочени сме со недостиг од инвестиции кој мораме да ги надвладееме“, додаде Јункер. Истакна дека до божикните празници ќе го претстави инвестицискиот пакет во износ од 300 милијарди евра за да се поттикнат инвестициите во раст, вработувањето и конкурентноста.
„Време е да вдахнеме нов живот во европскиот проект во моментот го граѓаните ја губат довербата, кога екстремистите и од лево и од десно ни душат во тилот, а нашите конкуренти не престигнуваат. Нé очекуваат големи предизвици, а на нас останува да ги обликуваме. Доколку сакаме да играме улога во иднината, мораме да ја играме сега. На нас лежи да осигуриме дека европскиот социјален модел ќе биде видлив од секој наш потег, бидејќи Европа е заеднички штит за сите оние коишто ја имаа среќата да му припаѓаа на овој прекрасен континент“, истакна новиот челник на Европската комисија.
Јункер во својот говор ги запозна пртениците со промените во неговата комисија до кои морало да дојде по сослушувањето на сите кандидати за еврокомесари пред надлежните комисии.
Така, соопшти дека првиот потпретседател на ЕК, Франс Тимерманс, дополнително да го задолжи за одржлив развој, покрај неговите претходни задолженија за подобрување на законодавството, владеењето на правото, меѓуинституционалните односи и основните права.
Од неговиот првично предложен тим испадна поранешната премиерка на Словенија, Аленка Братушек, која беше предложена за потпретседателка на енергетската унија. На нејзино место е именуван Словакот Марош Шефович, кој претходно беше предвиден за еврокомесар за сообраќај и космос.
Ресорот на сообраќај го доби Словенката Виолета Булц, додека прашањата во врска со истражувањата во Вселената, меѓу кои спаѓаат и многу важниот европски сателитски систем „Галилео“, припадна на Полјачката Елжниета Биенковска, еврокомесарка за внатрешен пазар, индустрија, претприемништво и мали и средни претпријатија.
Унгарскиот комесар Тибор Наврачиш, кој беше задолжен за образование, култура, млади и државјанство, одземено му е прашањето на државјанствата и му е предадено на грчкиот еврокомесар Димитрис Адвамопулос, кои е задолжен за миграции и внатрешни работи.
Јункер ги уважи и барањата на европарламентарците медицинските и фармацевтските производи да останат под надлежноста на Општата управа за здравство. Првично беше предвидено оваа област да и’ припадне на Општата управа за индустрија и претприемништво, но сега ќе биде под заедничка надлежноста на двете управи. „Како и вие, мислам дека лековите не се стока како и секоја друга“, рече.
Европската комисија што ќе ја предводи Јункер ќе има сосема поинаква структура во однос на претходните. Голема улога во неа ќе имаат седум потпретседатели. Тие Ќе бидат на челото на проектните тимови и ниеден предлог на еврокомесар нема да може да биде ставен на дневен ред без согласност на надлежниот потпретседател. „Со новата структура на Комисијата, нахголем губитник сум јас, бидејќи пренесов премногу овластувања на потпретседателите“, се шегуваше Јункер.
Во новата ЕК, како и во претходната, ќе има девет жени, што сепак многу пратеници во европскиот парламент го оценуваат како премалку. Јункер изјави дека неговата земја, Луксембург, во последните 15 години трипати предлагаше жени. „Овојпат испрати маж, а следниот пат сигурен сум дека ќе биде жена“, рече Јункер, додавајќи дека сега останало премалку време за да се промени полот./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.
Европа
Во Англија извикал „Алах Акбар“ и убил случаен минувач: „Го направив тоа за луѓето од Газа“
45-годишниот Ахмед Алид вчера беше прогласен за виновен за убиство и обид за убиство. На 15 октомври минатата година, барател на азил од Мароко со нож го уби 70-годишниот Теренс Карни во центарот на англискиот град Хартлпул. Тој претходно го избодел со нож својот заспан цимер Џавед Нури додека викал „Алах Акбар“.
Алид и рекол на полицијата дека сето тоа го направил „за луѓето од Газа“. Само осум дена пред да убие случаен минувач и да го рани својот цимер, милитантите на Хамас го нападнаа Израел. Алид се заколнал дека ќе убиел повеќе луѓе доколку имал митралез и друго оружје, изјави обвинителот Џонатан Сендифорд во Судот во Тесајд.
Алид делел куќа со други баратели на азил во североисточна Англија. Тој бил вознемирен што Нури го прифатил христијанството. Цимерите рекле дека Алид почнал да носи нож откако на телевизија видел прилог за настаните во Газа.
Европа
Крим главна цел: Пентагон откри за што Украина ќе ги користи моќните ракети АТАКМС
Министерството за одбрана на САД ја појасни целта за испорака на ракети со долг дострел во Украина, кои неодамна беа испорачани во тајност. Како што објави „Њујорк тајмс“, целта на испораката на американските ракети АТАКМС е да се зголеми притисокот врз Крим, кој беше анектиран од Русија по референдумот во 2014 година.
Крим го претставува центарот во кој се лоцирани голем број руски воздушни и копнени сили и кој досега, како што пишува американскиот дневен весник, „за нив бил релативно безбедно засолниште“. Ова го тврди анонимен американски функционер. Сепак, Пентагон одби да каже колку точно од овие проектили со дострел од 300 километри се испорачани на украинската страна.
Советникот за национална безбедност на Белата куќа, Џејк Саливан, претходно ја потврди испораката на овие ракети без да прецизира дали тие се модифицирани и имаат зголемен дострел.
Украинските сили веќе употребија АТАКМС, што претседателот Володимир Зеленски го потврди на 17 април, објавувајќи дека бил извршен напад врз воздухопловната база Џанкој, која се наоѓа на 165 километри од линијата на фронтот. Министерството за одбрана на Руската Федерација не ги коментираше овие наводи.
Pentagon reveals Ukraine’s targets for ATACMS missiles – NYT — (the usual baffling lack of retaliation threats from #Putin– instead just the usual bleating that ‘it’s impossible to justify’..Bring Stalin back to life please, Russia) https://t.co/8pi0Lx8tbt #CapeTown #SouthAfrica pic.twitter.com/ZtI5cG3r2m
— Peter Mayson (@theforeverman) April 26, 2024
Американскиот дневен весник потсетува дека Украина првпат добила ракети АТАКМС во септември минатата година, но дека станува збор за верзија со половина дострел. Се шпекулираше дека Украина можеби користела американски ракети за да го урне кримскиот мост, што на почетокот на месецов го потврди и самиот претседател Зеленски, велејќи дека неговата влада „навистина сака да го уништи мостот на Крим“.
Тој е симбол на руската окупација и преку овој мост Русија испорачува воена опрема и ги снабдува војниците во Украина. Во неколку наврати досега мостот беше цел на украински напади.
– Мислам дека е вистинското време, а шефот (Бајден) донесе одлука дека е вистинско време да и го обезбеди на Украина оружјето неопходно за тековната борба. Тоа е добро осмислена и многу конструктивна одлука – изјави адмирал Кристофер Грејди, заменик командант на Здружениот генералштаб на американската армија.
Руската страна го осуди потегот на САД, а рускиот амбасадор во Вашингтон Анатолиј Антонов рече дека тоа „ја зголемува заканата за безбедноста на Крим, вклучително и Севастопол и другите руски градови“.