Европа
Јункер сепак назначи комесар за проширување, Хан е наследник на Филе
Новиот претседател на Европската комисија (ЕК), Жан-Клод Јункер во својот тим на еврокомесари сепак назначи еврокомесар за проширување, односно на местото на досегашниот комесар Штефан Филе ќе дојде австрискиот политичар Јоханес Хан.
Претставувајќи го својот нов тим во средата во Брисел, Јункер потенцираше дека „Европската унија се наоѓа во еден од најчувствителните периоди од својата историја, и еден од најголемите предизвици е да се убедат европските граѓани дека ќе има промени“.
„Европските граѓани од нас очекуваат успех. По неколку години на тешки економски времиња и болни реформи, Европејците очекуваат успешна економија, работни места, социјална заштита, безбедни граници, енергетска безбедност и дигитални можности. Денес го претставувам тимот кој ќе ја врати Европа на патот кон растот и создавањето и на работни места. Во новата Европска комисија, формата ќе ја следи функцијата. Мораме да бидеме отворени за промени и да покажеме дека Комисијата може да се промени. Она што го презентирам пред вас е политичка, динамична и ефективна Европска комисија, подготвена да и даде нов почеток на Европа. Портфолијата ги поделив на луѓе, а не на земји. На теренот ставам 27 играчи, а секој од нив има посебна улога, ова е мојот победнички тим“, порача Јункер.
Тимот на Јункер ќе има седум потпретседатели, односно шест плус високата претставничка на Унијата за надворешна политика и безбедност, Федерика Могерини.
„Во новата Комисија нема првокласни или второкласни комесари – има лидери на тимот и играчи на тимот. Тие ќе работат заедно во духот на колегијалноста и ќе зависат меѓусебно. Сакам да претставам нов начин на соработка во областите каде Европа навистина може да направи промена“, додаде новиот претседател на Комисијата.
Шесте потпреседатели во Комисијата на Јункер се Холанѓанецот Франс Тимерманс, Бугарката Кристалина Георгиева, Естонецот Андрус Ансип, Словенката Аленка Братушек, Летонецот Валдис Домбровскис и Финецот Јурки Катаинен.
Портофолиото за внатрешен пазар, индустрија и претприемништво и е доделено на полската еврокомесарка Елжбита Биенковска, потоа портофлиото за економски прашања, оданочување и царина ќе му припадне на Французинот Пјер Московици. Чешката еврокомесарка Вера Журкова пак, ќе биде комесар за правда и родова еднаквост.
Грчкиот еврокомесар Димитрис Аврамопулос ќе биде задолжен за миграција, односно неговит приоритет ќе биде формирањето на нова политика во борбата против илегалната миграција.
Австриецот Јоханес Хан ќе го наследи Чехот Штефан Филе на функцијата еврокомесар за проширување, во обид да се продолжи процесот на преговорите за проширувањето, иако како што претходно порача Јункер, за време на неговиот петгодишен мандат ќе нема нови членки на Унијата.
Составот на Јункер во себе вклучува пет поранешни премиери, четворица вицепремиери, 19 поранешни министри, 7 претходни еврокомесари, и 8 поранешни европратеници. Овој тим ја има неопходната експертиза да се соочи со моменталните економски и геополитички предизвици, се вели во соопштението на Комисијата.
Она што сега преостанува за тимот на Јункер е да ја добие согласноста од Европскиот парламент, кои најпрво ќе ги ислуша кандидатите за комесари во соодветните парламентарни комитети, а откако Парламентот ќе даде согласност, тогаш Европскиот совет и формално ќе ја именува новата Европска комисија./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Експлодира бензинска пумпа во Рим, неколку повредени, тројца со сериозни изгореници
Неколку лица се повредени, меѓу кои тројца со сериозни изгореници, по експлозија на бензинска пумпа во Рим, јавуваат медиумите.
#Últimahora 🚨 Sentida en #Roma una fuerte explosión originada en un depósito de combustible de #Centocelle. Hay varios heridos.#Rome #Italia #Italypic.twitter.com/DNyPh0Vr7e
— eSPAINews (@eSPAINews_) July 4, 2025
Силна експлозија на дистрибутивна станица за бензин, дизел и течен нафтен гас на Виа деи Гордијани се слушнала во целиот италијански главен град.
Локалниот портал „Рома тудеј“ објави фотографија, на која се гледа огромен облак од чад и пламен над бензинската пумпа.
BREAKING: A powerful explosion struck a fuel depot on Via dei Gordiani in Rome, Italy, injuring multiple people. pic.twitter.com/Aw0EM1dhEW
— Weather Monitor (@WeatherMonitors) July 4, 2025
Агенцијата за јавен превоз во Рим, „Атак“, соопшти дека блиската метро-станица Теано е затворена по наредба на полицијата.
Европа
(Видео) Украинците со дронови нападнаа трафостаница во близина на Москва
Украина изврши напад со беспилотно летало врз областа Сергиев Посад во близина на Москва рано утрово, при што едно лице беше повредено и беше прекинато снабдувањето со електрична енергија во делови од верски значајниот центар, изјави раководителот на областа.
„Ги молам сите да останат смирени, да не се приближуваат до прозорците, да не ја фотографираат работата на воздушната одбрана“, напиша Оксана Јероханова во објава на апликацијата за пораки Телеграм.
Таа рече дека во округот – на околу 75 километри од Кремљ – биле пријавени најмалку четири експлозии и дека е оштетена трафостаница, оставајќи делови од округот без електрична енергија.
Drones strike Russia’s Sergiyev Posad in the Moscow region, with a power station among the damaged targets. pic.twitter.com/H2vVCwddql
— KyivPost (@KyivPost) July 4, 2025
Административниот центар на округот, градот Сергиев Посад, се смета за религиозен центар на Московскиот регион и духовно срце на Руската православна црква.
Руското Министерство за одбрана соопшти на Телеграм дека единиците за воздушна одбрана уништиле 48 украински беспилотни летала над пет руски региони преку ноќ. Министерството, кое известува само за бројот на беспилотни летала што ги уништиле неговите сили, а не за бројот на летала лансирани од Украина, не го наведе Московскиот регион како регион каде што биле соборени беспилотните летала.
Европа
(Видео) „Ова беше една од најлошите ноќи во Киев досега“, вели украинскиот министер за надворешни работи
Украинскиот министер за надворешни работи Андриј Сибиха изјави дека синоќа во Киев било „апсолутно ужасно и бессоно“ и „едно од најлошите досега“, откако Русија започна масовен, повеќечасовен ракетен и напад со дронови, врз украинската престолнина.
„Стотици руски дронови и балистички ракети паѓаа врз Киев“, објави Сибиха на платформата Икс.
Absolutely horrible and sleepless night in Kyiv. One of the worst so far.
Hundreds of Russian drones and ballistic missiles rained down on the Ukrainian capital.
Right after Putin spoke with President Trump. And he does it on purpose.
Enough of waiting! Putin clearly shows… pic.twitter.com/R0mlfUgJRx
— Andrii Sybiha 🇺🇦 (@andrii_sybiha) July 4, 2025
Тој додаде дека нападот бил извршен веднаш откако рускиот претседател Владимир Путин разговарал со американскиот претседател Доналд Трамп, заклучувајќи: „И тој го прави тоа намерно“.
„Доста чекање. На Москва мора веднаш да ѝ се воведат најстрогите можни санкции“, рече тој. Сибиха ја повика меѓународната заедница да престане да чека и решително да реагира.
„Путин јасно покажува целосно непочитување кон САД и сите оние кои повикаа на крај на војната. На Москва мора веднаш да ѝ се воведат најстрогите можни санкции. На Украина мора да ѝ се дадат сите потребни средства за нејзина одбрана“, рече тој.
Тој, исто така, предупреди дека одлуките што одложуваат можат само да го охрабрат агресорот да продолжи со теророт, заклучувајќи: „Секој криминален режим во светот сега внимателно ги следи потезите и реакциите на Путин на нив. Ако се извлече со ова, пораката ќе им биде јасна на сите. Престанете да чекате мир. Дејствувајте за да го постигнете. Мир преку сила“.
Киев синоќа беше под интензивно гранатирање со часови. Руските сили нападнаа најмалку 13 локации во градот, а според градоначалникот Виталиј Кличко, повредени се најмалку 19 лица, од кои 14 се хоспитализирани.
Османи: Владата направи огромна грешка што го постави јазикот како алатка за популистичка егзибиција, време е да се престане со националистичко родео
Владата направи огромна грешка што го постави јазикот како алатка за дневна политика и популистичка егзибиција. Со тоа тие ја...
Претходно осудувано лице: скопјанецот кој го усмрти пешакот со мотоцикл, немал возачка дозвола
Основното јавно обвинителство Скопје донесе Наредба за спроведување истражна постапка против 25-годишен скопјанец, осомничен за -Тешки дела против безбедноста на...
МНР со детали за несреќата во Србија: загинатиот Македонец има 39 години, тешко повреден е уште еден македонски државјанин
МНР соопшти дека до Амбасадата на Република Северна Македонија во Белград е доставена информација за сообраќајна незгода. Според соопштението несреќата...
МВР со апел до граѓаните: да не отвораат линкови од СМС пораки, можат да бидат цел на криминални групи
Секторот за компјутерски криминал при Министерството за внатрешни работи, ги информира граѓаните дека во изминатиот период се забележани зголемен број...
Јаневска: Во изминатите седум години имаме 17.000 ученици и 7.000 студенти помалку, се празнат училниците
Во седум изминати години имаме 17.000 ученици и 7.000 студенти помалку. Училниците и амфитеатрите се празнат. Ако тоа не се...
Предлогот на Мицкоски за даночење на самците кореспондира со идеите од авторитарни режими, реагира Мрежата за заштита од дискриминација
За време на настанот „Демографски трендови, предизвици и можни решенија – Развој на стратешки документи за демографска отпорност“, претседателот на...
Драма во Шуто Оризари – насилници со палки, боксови и со клоци претепале вработен во „Водовод“
Тројца насилници со железни и дрвени палки, клоци и боксови претепале вработен во „Водовод“ пред пунктот на претпријатието во Шуто...
Поднесено обвинение против директорот на болницата за геријатрија за примање поткуп од 20.000 евра
Обвинителството поднесе обвинение против директорот на ЈЗУ Специјализирана болница за геријатриска и палијативна медицина во Скопје, Мухсин Арифи, и уште за...
Владата размислува да ги даночи немажените и неженетите, рече Мицкоски
Владата размислува за дополнителни даноци за немажени и за неженети, соопшти премиерот Христијан Мицкоски говорејќи дека е време за држава во...
Од денеска до вторник топлотен бран во Македонија, се активираат препораките за заштита на населението
Министерството за здравство ја информира јавноста дека во согласност со прогнозите од УХМР и врз основа на акцискиот план за...
Уапсен 42-годишник од Радовишко, силувал 77-годишна жена
На втори јули, во 17 часот полициски службеници од СВР Струмица- ОВР Радовиш го лишиле од слобода 42-годишниот А.С. од...
39-годишен Македонец е загинатиот во несреќата во Србија
Во сообраќајна несреќа што се случи рано утрово на автопатот Нови Сад – Суботица загина македонски државјанин, додека друг се...
Најголем интересот за студии по медицина и социјална заштита, порасна бројот на запишани студенти за една година
Во академската 2024/2025 година се запишале 53.535 студенти, што претставува зголемување од 2,3 процента во однос на претходната година. Според...
(Видео) Студенти уапсени на ливада пред Факултетот за драмски уметности во Белград
Белград, Нови Сад и Ниш денес ќе бидат целосно блокирани, најавија студентите на големите собири синоќа. Žandarmerija u Cvijićevoj. pic.twitter.com/IEpLk4p9d8...
(Видео) Трамп: Не постигнав никаков напредок во разговорот со Путин
Американскиот претседател Доналд Трамп вчера им изјави на новинарите дека не постигнал никаков напредок во врска со завршувањето на војната...
(Видео) Брутален руски напад врз Киев по разговорите Путин – Трамп
Руските сили започнаа повеќечасовен ракетен и беспилотен напад врз украинскиот главен град Киев во текот на ноќта, насочен кон станбени...
(Видео) Студентите: Тотална блокада на Србија наутро; Вучиќ: Ве молам, вразумете се
Белград, Нови Сад и Ниш денес ќе бидат целосно блокирани. Студентите го најавија ова на големите собири синоќа. Тие најавија...
Приближно половина час се чека на Богородица и на Табановце
Сообраќајот на државните патишта се одвива непречено, по суви коловози, извести АМСМ. Интензитетот на сообраќај на патните правци надвор од...
Сончево и многу топло, температурата денеска до 40 степени
Времето денеска ќе биде претежно сончево и многу топло со слаб до умерен ветер од јужен правец. Минималната температура ќе...
Уапсен мотоциклистот кој усмрти пешак на кејот во Скопје
Полицијата го уапси мотоциклистот кој завчера усмрти пешак на кејот во Скопје, на пешачка патека во близина на Паркот на...
