Европа
Качински го советува Клинтон да се јави кај психијатар поради изјавите за Полска
Челникот на владејачките полски конзервативци Јарослав Качински изјави дека поранешниот американски претседател Бил Клинтон треба да посети психијатар реагирајќи на неговата изјава дека Варшава тргнала по авторитарен пат како и Русија на Владимир Путин, а полската премиерка Беата Шидло побара од сопругот на најверојатната кандидатка на Демократската партија на ноемвриските претседателски избори во САД, поранешната државна секретарка Хилари Клинтон, да им се извини на Полјаците.
Челникот на владејачките полски конзервативци Јарослав Качински изјави дека поранешниот американски претседател Бил Клинтон треба да посети психијатар реагирајќи на неговата изјава дека Варшава тргнала по авторитарен пат како и Русија на Владимир Путин, а полската премиерка Беата Шидло побара од сопругот на најверојатната кандидатка на Демократската партија на ноемвриските претседателски избори во САД, поранешната државна секретарка Хилари Клинтон, да им се извини на Полјаците.
Бил Клинтон изјави на предизборен собир на неговата сопруга Хилари минатиот петок во Њу Џерси, дека Полјаците и Унгарците сега сметаат дека „демократијата создава премногу проблеми“ и дека „сакаат влада каква што има Путин“, односно дека бараат авторитарни челници слични на рускиот претседател Владимир Путин.
„Полска и Унгарија, тие две земји коишто нема да беа слободни доколку не беа САД и нивната победа во Студената војна, сега одлучиле дека таа демократија им носи премногу проблеми и бараат челници како Путин. Дајте ни авторитарен диктатор, а странците држете ги подалеку. Ви звучи познато?“, рече Клинтон.
Оваа негова изјава предизвика бура во Полска и во нејзината дијаспора во САД. Притоа Качински му порача многу директно на Клинтон дека му е потребна психијатриска помош.
„Доколку некој вели дека денес во Полска нема демократија, тоа значи дека се наоѓа во таква состојба поради којашто му е потребно лекарска опсервација“, изјави Качински во вторникот вечерта.
Меѓутоа, дозволи дека за појавата на таквите коментари можеби се виновни „медиумите и други фактори“, коишто „создаваат огромни недоразбирања во светот. „Тоа можеби влијае на состојбата на умот на поранешниот американски претседател“, рече Качински додавајќи дека тоа поинаку не може да си го објасни.
Полската дијаспора се закани дека ќе ја повлече поддршката за Хилари Клинтон пред изборите во САД, затоа што нејзиниот сопруг ги навредил Полјаци. Се проценува дека во САД во живеат околу десет 10 милиони Полјаци или лица со полско потекло.
Полската премиерка Беата Шидло му порача на Клинтон дека претерал и побара од него да ѝ се извини на Полска. „Со сето почитување кон Бил Клинтон, сметам дека претера и дека мора да се извини. Таквите изјави не само што се неоправдани, туку и неправедни“, рече премиерката во средата за полското државно радио,
Полското министерство за надворешни работи ја осуди изјавата на Клинтон како „неправедна“, но предупреди дека тие зборови се искажани во контекстот на предизборната трка во САД, на предизборен собир и дека не претставуваат официјален став на американската администрација.
Изјавата на Бил Клинтон во вторникот ја осуди и Унгарија./крај/мф/сн
Извор: AFP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.
Европа
Во Англија извикал „Алах Акбар“ и убил случаен минувач: „Го направив тоа за луѓето од Газа“
45-годишниот Ахмед Алид вчера беше прогласен за виновен за убиство и обид за убиство. На 15 октомври минатата година, барател на азил од Мароко со нож го уби 70-годишниот Теренс Карни во центарот на англискиот град Хартлпул. Тој претходно го избодел со нож својот заспан цимер Џавед Нури додека викал „Алах Акбар“.
Алид и рекол на полицијата дека сето тоа го направил „за луѓето од Газа“. Само осум дена пред да убие случаен минувач и да го рани својот цимер, милитантите на Хамас го нападнаа Израел. Алид се заколнал дека ќе убиел повеќе луѓе доколку имал митралез и друго оружје, изјави обвинителот Џонатан Сендифорд во Судот во Тесајд.
Алид делел куќа со други баратели на азил во североисточна Англија. Тој бил вознемирен што Нури го прифатил христијанството. Цимерите рекле дека Алид почнал да носи нож откако на телевизија видел прилог за настаните во Газа.
Европа
Крим главна цел: Пентагон откри за што Украина ќе ги користи моќните ракети АТАКМС
Министерството за одбрана на САД ја појасни целта за испорака на ракети со долг дострел во Украина, кои неодамна беа испорачани во тајност. Како што објави „Њујорк тајмс“, целта на испораката на американските ракети АТАКМС е да се зголеми притисокот врз Крим, кој беше анектиран од Русија по референдумот во 2014 година.
Крим го претставува центарот во кој се лоцирани голем број руски воздушни и копнени сили и кој досега, како што пишува американскиот дневен весник, „за нив бил релативно безбедно засолниште“. Ова го тврди анонимен американски функционер. Сепак, Пентагон одби да каже колку точно од овие проектили со дострел од 300 километри се испорачани на украинската страна.
Советникот за национална безбедност на Белата куќа, Џејк Саливан, претходно ја потврди испораката на овие ракети без да прецизира дали тие се модифицирани и имаат зголемен дострел.
Украинските сили веќе употребија АТАКМС, што претседателот Володимир Зеленски го потврди на 17 април, објавувајќи дека бил извршен напад врз воздухопловната база Џанкој, која се наоѓа на 165 километри од линијата на фронтот. Министерството за одбрана на Руската Федерација не ги коментираше овие наводи.
Pentagon reveals Ukraine’s targets for ATACMS missiles – NYT — (the usual baffling lack of retaliation threats from #Putin– instead just the usual bleating that ‘it’s impossible to justify’..Bring Stalin back to life please, Russia) https://t.co/8pi0Lx8tbt #CapeTown #SouthAfrica pic.twitter.com/ZtI5cG3r2m
— Peter Mayson (@theforeverman) April 26, 2024
Американскиот дневен весник потсетува дека Украина првпат добила ракети АТАКМС во септември минатата година, но дека станува збор за верзија со половина дострел. Се шпекулираше дека Украина можеби користела американски ракети за да го урне кримскиот мост, што на почетокот на месецов го потврди и самиот претседател Зеленски, велејќи дека неговата влада „навистина сака да го уништи мостот на Крим“.
Тој е симбол на руската окупација и преку овој мост Русија испорачува воена опрема и ги снабдува војниците во Украина. Во неколку наврати досега мостот беше цел на украински напади.
– Мислам дека е вистинското време, а шефот (Бајден) донесе одлука дека е вистинско време да и го обезбеди на Украина оружјето неопходно за тековната борба. Тоа е добро осмислена и многу конструктивна одлука – изјави адмирал Кристофер Грејди, заменик командант на Здружениот генералштаб на американската армија.
Руската страна го осуди потегот на САД, а рускиот амбасадор во Вашингтон Анатолиј Антонов рече дека тоа „ја зголемува заканата за безбедноста на Крим, вклучително и Севастопол и другите руски градови“.