Британскиот премиер Дејвид Камерон во разговорот со претседател на Европската комисија, Жан-Клод Јункер дека Велика Британија сака нов договор во Европа, на средбата пред разговорите со челниците на водечките земји членки на Европската унија предвидени за подоцна оваа седмица.

Централната тема на разговорот меѓу британскиот премиер Дејвид Камерон и претседателот на Европската комисија Жан-Клод Јункер, одржан во понеделникот навечер во премиерската резиденција Чекверс, биле реформата на Европската унија и преговорите за новите односи меѓу Лондон и Брисел, соопшти портпаролката на британската влада.

„Премиерот нагласи дека британскиот народ не е задоволен од статус-квото и оти верува дека Европската унија треба да се промени за подобро да реагира на неговите интереси“, појасни портпаролката. Јункер повторил дека сака да се дојде до „праведно решение за Велика Британија и дека сака да помогне“, рече портпаролката и додаде дека двајцата соговорници се согласиле за потребата од натамошни разговори за да се оствари напредок.

Камерон пред неодамнешните парламентарни избори во Велика Британија вети дека повторно ќе преговара за условите на британското членство во ЕУ, како и дека до крајот на 2017 година ќе одржи референдум за останување на земјата во Унијата. Кампањата чијашто цел е дефинирање на новиот британски статус во ЕУ Камерон ја започна уште во 201 година на самитот на Унијата и поранешните советски републики во Латвија, која изјави дека е убеден дела ќе ги оствари своите барања, иако тоа воопшто нема да биде едноставно.

Според британскиот премиер, измените на правилата за социјална помош претставуваат апсолутен предуслов во новите преговори со Брисел. Камерон сака да постигне пропис со кој доселениците од другите земји членки на ЕУ ќе чекаат четири години пред да го стекнат правото на социјална помош во Велика Британија. Покрај тоа, има намера да овозможи протерување невработените граѓани од ЕУ доколку шест месеци не најдат работа.

Камерон оваа седмица ќе започне турнеја во чии рамки ќе посети пет европски престолнини и со клучните челници на членките на ЕУ ќе разговара за своите реформски планови.

Прво во четврток британскиот премиер ќе отпатува во Данска на работен појадок со својата данска колешка Хеле Торнинг-Шмид, по што ќе го посети холандскиот шеф на владата Марк Руте. Во четврток Камерон предвидува и работна вечера со францускиот претседател Франсоа Оланд, во неговата резиденција во Елисејската палата. Во петок Камерон ќе се состане со полската премиерка Ева Копач во Варшава, а потоа во Берлин ќе разговара со германската канцеларка Ангела Меркел. Камерон, исто така, се надева дека ќе успее да разговара со сите 27 челници на земјите од ЕУ, пред состанокот на Европскиот совет кој ќ се одржи кон крајот на јуни, на кој се очекува да го претстави деталниот план за реформите.

Во понеделникот британската влада објави дека повеќето државјаните од земји членки на Европската унија коишто живеат во Велика Британија нема да можат да гласаат на тамошниот референдум. Кабинетот на премиерот Камерон соопшти дека правото на гласа на референдумот ќе го имаат само оние коишто инаку и имаат право на гласаат на националните британски избори, потоа членовите на горниот дом на парламентот и граѓаните на Комонвелтот во Гибралтар, британската енклава во Шпанија.

Тоа значи дека на референдумот ќе можат да гласаат британските, ирските, малтешките, кипарските и другите граѓани на Комонвелтот постари од 18 години и со престој во Обединетото Кралство, како и граѓани на Обединетото Кралство коишто живеат во странство помалку од 15 години. Другите државјани на земјите членки на ЕУ нема да имаат можност да се изјаснуваат на референдумот за останувањето на Велика Британија во Унијата. Инаку граѓаните од ЕУ кои живеат во Велика Британија може да гласат на локалните избори и на изборите за Европскиот парламент.

„Тоа е голема одлука за нашата држава, одлука за иднината на Обединетото Кралство. Оттаму, сметаме дека е важно за тоа да одлучуваат само британските, ирските и државјаните на Комонвелтот“, изјави за Reuters

Владата на Камерон во четврток на парламентот ќе му ги предложи правилата за одржување на референдумот, истиот ден кога премиерот, чиишто конзервативци претходно месецов остварија изненадувачки убедлива победа на парламентарните избори, тргнува на својата европска турнеја./крај/мф/сн

Извор: Макфакс