Европа
Камерон: Можно заострување на санкциите за Русија
Руските акции во источна Украина се неприфатливи и треба да доведат до поголеми санкции од страна САД и Европската унија, изјави во петокот британскиот премиер Дејвид Камерон во Австралија.
Руските акции во источна Украина се неприфатливи и треба да доведат до поголеми санкции од страна САД и Европската унија, изјави во петокот британскиот премиер Дејвид Камерон во Австралија.
„И натаму се надевам дека Русија ќе сфати дека треба да и’ дозволи на Украина да се развива како самостојна и слободна земја, слободна во донесувањето на своите одлуки“, изјави британскиот премиер Дејвди Камерон за новинарите во Камбера.
Украина во четвртокот ја обвини Русија дека испраќа војници и оружје за да им помогне на рускојазичните бунтовници во судирот во кој од април годинава загинаа повеќе од четири илјади луѓе. САД ја предупредија Русија дека Западот би можел „да ја казни за нејзината воена ескалација на кризата“. Москва, од своја страна, решително ги отфрла ваквите тврдења и порачува дека станува збор за пропагандна војна во која обвинувањата не се поткрепени со никакви докази.
„Доколку Русија заземе позитивен став во однос на украинската слобода и одговорност, би можел да дојде до отстранување на санкциите, но доколку Русија влијае врз натамошното влошување на ситуацијата, санкциите би можел да бидат заострени. Тоа е многу едноставно“, заклучи Камерон, пренесува Reuters.
Претходно во четвртокот, германската канцеларка Ангела Меркел изјави дека малку е веројатно заострувањето на санкциите против Русија, но дека можно проширување на листата на украински проруски политичари кои веќе се под санкции./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Украина: Русите го нападнаа Харков, уништени се згради, меѓу повредените има и дете
Украина ги уништи сите 10 беспилотни летала во руски напад во текот на ноќта, но две лица се повредени, а станбени згради во регионот Харков беа зафатени од пожар, соопштија денеска украинските власти.
Воздухопловните сили на „Телеграм“ соопштија дека Русија лансирала и две противвоздушни наведувани ракети. Портпаролот на украинските воздухопловни сили во телевизиски пренос изјави дека руските ракети, најверојатно, биле насочени кон североисточниот град Харков.
Гувернерот на регионот Харков, Олех Синехубов, рече дека три станбени куќи биле запалени, а десетици биле оштетени како резултат на рускиот напад, чија цел, според него, биле и инфраструктурата и станбените области. На фотографиите што ги објави Синехубов на „Телеграм“ се гледаат големи пламени јазици од станбените згради.
„Две лица, меѓу кои и едно 11-годишно дете, се ранети во нападот и се на медицинска помош“, рече Синехубов на апликацијата „Телеграм“.
„Ројтерс“ сè уште не ја потврди независно оваа вест. Москва негира дека цели на цивили во овие „легитимни напади врз воената, енергетската и транспортната инфраструктура на Украина“.
Европа
Повредени двајца полицајци во Париз кога маж им го украл пиштолот и пукал во нив
Двајца полицајци се повредени во престрелка во полициската станица во Париз, кога на еден од нив му бил одземен пиштолот од маж кој претходно бил приведен поради напад со нож врз жена.
„Полицијата интервенираше и го донесе овде, во полициската станица, и тој потоа му го грабна пиштолот на полицаецот“, изјави началникот на полицијата Лорен Нунес.
Обвинителството соопшти дека еден од полицајците е во тешка состојба, пренесува „Монд“.
Полицијата возвратила, а напаѓачот се здобил со повреди во пределот на градниот кош, по што бил пренесен во болница.
Како што информираат од болницата, животот на напаѓачот не е во опасност.
Европа
Путин го избра премиерот
Рускиот претседател Владимир Путин предложи повторно именување на Михаил Мишустин за премиер во неговиот нов претседателски мандат, изјави утрово претседателот на Државната дума, долниот дом на рускиот парламент.
Откако Путин во вторникот положи заклетва за нов шестгодишен претседателски мандат, тамошната влада, според одредбите на рускиот Устав, поднесе оставка.
И додека во последните денови се шпекулираше дека може да има промени на некои важни и суштински позиции, а руските независни медиуми споменуваа евентуално заминување на Михаил Мишустин од премиерската позиција, Путин повторно го предложи за таа функција.
„Претседателот Владимир Владимирович Путин достави до Државната дума предлог за кандидатурата на Михаил Владимирович Мишустин за функцијата премиер. Денеска претставниците ќе донесат одговорна одлука за ова прашање во име на нивните гласачи“, изјави претседателот на Думата, Вјачеслав Володин на апликацијата Телеграм.
Ова е петти мандат на Путин на власт, а тој го номинираше Мишустин за премиер за прв пат во јануари 2020 година, кога Владата предводена од Дмитриј Медведев поднесе оставка по најавените важни уставни промени во политичкиот систем на земјата од страна на претседателот.
Мишустин, кој ќе зборува во Думата пред гласањето, мора да одговори како ќе реши низа задачи што Путин и ги постави на владата, вклучително и „зголемување на одбранбената способност на нашата земја“, рече Володин.