Европа
Камерон на средби со европските челници во пресрет на клучниот самит за Британија и ЕУ
Британскиот премиер Дејвид Камерон во петок во Брисел ќе оствари средба со претседателот на Европската комисија (ЕК), Жан-Клод Јункер, а во недела во Лондон ќе се сретне со претседателот на Европскиот совет, Доналд Туск, во рамки на подготовките на самитот на ЕУ кон втората половина на февруари на кој ќе се разговара за можностите околу новиот договор со Велика Британија за нејзиното останување во Унијата.
Британскиот премиер Дејвид Камерон во петок во Брисел ќе оствари средба со претседателот на Европската комисија (ЕК), Жан-Клод Јункер, а во недела во Лондон ќе се сретне со претседателот на Европскиот совет, Доналд Туск, во рамки на подготовките на самитот на ЕУ кон втората половина на февруари на кој ќе се разговара за можностите околу новиот договор со Велика Британија за нејзиното останување во Унијата.
Камерон во ноември минатата година објави четири главни области во кои бара реформи во ЕУ, како би можел на своите бирачи да им препорача да гласаат за останувањето во Унијата на референдумот кој би требало да биде одржан до крајот на 2017-та година. Референдумот би можел да биде одржан и порано, а како најверојатен можен датум се споменува јуни.
Се очекува дека претседателот на Европскиот совет Туск, по разговорите со Камерон во понеделник ќе испрати писмо до челниците на земјите членки во кои би требало да се изнесат предлозите за постигнување на компромис со Лондон.
Најтешкото прашање во преговорите со Велика Британија е прашањето за социјалната помош и слободата на движењето, односно британското барање да се ограничи со т.н. социјален туризам, односно правото на државјаните од другите членки на социјалните бенефиции во Британија.
Лондон бара работниците од другите земји членки да работат најмалку четири години во Велика Британија пред да добијат право на социјалните бенефиции кои ги имаат домашните работници, што претставува дискриминација и е во спротивност со начелата и прописите на ЕУ.
Во ЕУ истакнуваат дека сакаат да ја задржат Велика Британија, а премиерот Камерон, кој е под голем притисок од страна на својата партија, која во поголем дел е евроскептична, најавил дека ќе води кампања за останувањето во ЕУ, доколку се прифатат неговите барања, а во спротивно не може да се исклучи можноста тој да се залага за излегување од ЕУ. Самитот на кој британското прашање ќе биде едно од главните теми ќе биде одржан на 18-ти и 19-ти февруари./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Британска компанија ги тужи „Фајзер“ и „Бионтек“: Ја украдоа нашата технологија за вакцина против Ковид
Британската фармацевтска компанија GlaxoSmithKline (GSK) денеска поднесе тужба пред федералниот суд во Делавер против американскиот Pfizer и германскиот BioNTech, тврдејќи дека тие ги прекршиле нејзините патенти за технологијата на гласник РНК (mRNA) во нивните вакцини против Ковид-19.
Вакцините Comirnaty на Pfizer и BioNTech ги прекршуваат иновациите на GSK заштитени со патент во mRNA вакцините, развиени „повеќе од десет години пред“ пандемијата на ковид-19, се вели во тужбата.
Патентите ја покриваат технологијата за пренос на нестабилна гласничка РНК во човечки клетки, која научниците почнаа да ја развиваат во 2008 година, а GSK стана сопственик кога го купи бизнисот со вакцини на Novartis во 2015 година, се додава.
Британската компанија бара парична отштета од Pfizer и BioNTech, вклучително и такси за патент, без да наведе износ.
Портпаролката на Pfizer во соопштението нагласи дека компанијата е „сигурна во својата позиција во однос на интелектуалната сопственост поврзана со Comirnaty“ и дека има намера „енергично да се брани“ од тврдењата на GSK. Портпаролот на BioNTech одби да ја коментира тужбата.
Портпаролот на GSK рече дека компанијата верува дека нејзините патенти „ја обезбедуваат основната технологија што се користи во mRNA вакцините на Pfizer и BioNTech против ковид-19“. GSK е „подготвен да ги лиценцира овие патенти под комерцијално разумни услови за да обезбеди пристап“ до вакцините.
Европа
(Видео) 19-годишна девојка во Украина се обидела да го продаде синот, барала 23.500 евра
Во украинскиот град Днипро, 19-годишна девојка се обидела да го продаде сопствениот двегодишен син, соопшти локалната полиција, пренесоа украинските медиуми.
Девојката наводно побарала еден милион гривни, што е околу 23.500 евра за своето дете. 19-годишната девојка наводно му го понудила детето на својот познаник и договорила средба со него. Во вторникот полицијата приведе маж додека носел пари на договорена локација.
Девојката наводно рекла дека не сака да се грижи за својот син, па решила да го продаде. Со парите што ги добила планирала да отвори сопствен бизнис.
Детето е земено во полиција и предадено на надлежните органи. Против неговата мајка е подигнато обвинение за трговија со луѓе.
Европа
Уапсени тројца мажи во истрагата за бруталното убиство на Хрват во Даблин
Уапсени се тројца мажи осомничени за убиството на 31-годишен Хрват, Јосип Штрок во Даблин минатиот месец, пишуваат ирските медиуми.
Тие се осомничени дека ги претепале Штрок, кој живеел и работел во Даблин, и неговиот пријател. Штрок почина од повредите на 3 април.
Неговиот пријател за хрватските медиуми изјавил дека биле во продавница и планирале да се дружат, кога група луѓе им кажала да почнат да зборуваат англиски.
„Немате почит кон нашата земја, ова е Ирска…“, изјави тој за Јутарњи. Тие влегле во автобусот и не забележале дека напаѓачите ги следат и биле нападнати одзади.
„Прво ме удрија со нешто, не знам дали беше шипка или палка. Ги прашав полицајците за деталите што ги виделе на видеото, а кои наводно ги имаат“, рече тој, додавајќи дека следното нешто се сеќава е кога се разбудил во болница.