Европа
Картер: НАТО може да распореди 4.000 војници во балтичките земји и Полска
НАТО ја разгледува можноста за распоредување на четири илјади војници во балтичките земји и Полска според предлогот на источните сојузнички кои се загрижени поради „агресивното однесување“ на Русија, изјави американскиот министер за одбрана Ештон Картер за новинарите со кои патуваше ноќта во понеделникот во Германија.
Балтичките земји, поранешни советски републики, Естонија, Литванија и Латвија, кои на НАТО му пристапија во 2004 година, побарале поголема воена присутност на алијансата за да се заштитат од наводните закани од Русија, поради нејзиното однесување во врска со украинската криза, особено откако по превратот во Киев, во март 2014 година мнозинското руско и рускојазично население на црноморскиот полуостров Крим на референдум си ја поврати автономијата и изгласа присоединување кон Руската Федерација, што западот го смета за нелегално руско анектирање на украинска територија.
Литванија, Латвија и Естонија, кои по Втората светска војна поради нивната улога се присоединети кон поранешниот СССР до 1991 година, стравуваат дека Русија ќе ги дестабилизира и бараат постојано присуство на силите на НАТО на нивните територии
Трите балтички држави членки на НАТО, Латвија, Литванија и Естонија, се многу зависни од руските енергенси, а Латвија и Естонија имаат и големи руски малцинства додека на рускојазичните граѓани им го одредуваат статусот „недржавјани“ со кои им се ограничуваат некои права поради што се често критикувани од ОН и ЕУ. Во Латвија живеат 26 отсто Руси, во Литванија околу 6 проценти, а во Естонија тие сочинуваат 25 отсто од населението.
Американскиот министер за одбрана Ештон Картер признал дека НАТО размислува за распоредување на четири баталјона во балтичките земји во Полска. Според весникот The Wall Street Journal, тоа би значело вкупно 4.000 бојници кои би ги распоредиле САД и нејзините сојузници.
„Тоа е една од опциите за кои разговаравме“, рекол Картер без да изнесува поединости пред новинарите кои ќе ја следат неговата тридневна посета на Германија, пренесува Reuters. Според други американски функционери кои ги брифирале новинарите, целта е во Европа да се примират сојузниците „загрижени од агресивните постапки на Русија“.
Како што објавија во февруари годинава функционери од Алијансата, НАТО сака да ја го засили своето источно крило на самата руска граница, но сепак не сака со стационирање постојани сили да го предизвикува Кремљ. НАТО тврди дека ќе го почитува својот договор со Русија од 1997 година, според кој Алијансата се обврзала да нема постојани борбени единци во источна Европа.
Засега се споменува дека НАТО би можел да има по една бригада од по илјада војници во секоја од шесте земји на источна Европа – Естонија, Латвија, Литванија, Полска, Бугарија и Романија. Тие бригади би ја имале поддршката од силите за брза реакција договорени на самитот во Велс, кои вклучуваат воздушни, копнени и поморски сили, а кои имаат околу 40.000 војници.
Картер во Германија ќе се сретен со американскиот генерал Кертис Скапароти кој е именуван за нов командант на НАТО за Европа, и го наследува генералот Филип Бридлав на должноста. Скапароти на сослушувањето во април во Сенатот рече дека „Русија сé поагресивно се однесува, против меѓународните стандарди и дека често го крши меѓународното право“./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.
Европа
Во Англија извикал „Алах Акбар“ и убил случаен минувач: „Го направив тоа за луѓето од Газа“
45-годишниот Ахмед Алид вчера беше прогласен за виновен за убиство и обид за убиство. На 15 октомври минатата година, барател на азил од Мароко со нож го уби 70-годишниот Теренс Карни во центарот на англискиот град Хартлпул. Тој претходно го избодел со нож својот заспан цимер Џавед Нури додека викал „Алах Акбар“.
Алид и рекол на полицијата дека сето тоа го направил „за луѓето од Газа“. Само осум дена пред да убие случаен минувач и да го рани својот цимер, милитантите на Хамас го нападнаа Израел. Алид се заколнал дека ќе убиел повеќе луѓе доколку имал митралез и друго оружје, изјави обвинителот Џонатан Сендифорд во Судот во Тесајд.
Алид делел куќа со други баратели на азил во североисточна Англија. Тој бил вознемирен што Нури го прифатил христијанството. Цимерите рекле дека Алид почнал да носи нож откако на телевизија видел прилог за настаните во Газа.
Европа
Крим главна цел: Пентагон откри за што Украина ќе ги користи моќните ракети АТАКМС
Министерството за одбрана на САД ја појасни целта за испорака на ракети со долг дострел во Украина, кои неодамна беа испорачани во тајност. Како што објави „Њујорк тајмс“, целта на испораката на американските ракети АТАКМС е да се зголеми притисокот врз Крим, кој беше анектиран од Русија по референдумот во 2014 година.
Крим го претставува центарот во кој се лоцирани голем број руски воздушни и копнени сили и кој досега, како што пишува американскиот дневен весник, „за нив бил релативно безбедно засолниште“. Ова го тврди анонимен американски функционер. Сепак, Пентагон одби да каже колку точно од овие проектили со дострел од 300 километри се испорачани на украинската страна.
Советникот за национална безбедност на Белата куќа, Џејк Саливан, претходно ја потврди испораката на овие ракети без да прецизира дали тие се модифицирани и имаат зголемен дострел.
Украинските сили веќе употребија АТАКМС, што претседателот Володимир Зеленски го потврди на 17 април, објавувајќи дека бил извршен напад врз воздухопловната база Џанкој, која се наоѓа на 165 километри од линијата на фронтот. Министерството за одбрана на Руската Федерација не ги коментираше овие наводи.
Pentagon reveals Ukraine’s targets for ATACMS missiles – NYT — (the usual baffling lack of retaliation threats from #Putin– instead just the usual bleating that ‘it’s impossible to justify’..Bring Stalin back to life please, Russia) https://t.co/8pi0Lx8tbt #CapeTown #SouthAfrica pic.twitter.com/ZtI5cG3r2m
— Peter Mayson (@theforeverman) April 26, 2024
Американскиот дневен весник потсетува дека Украина првпат добила ракети АТАКМС во септември минатата година, но дека станува збор за верзија со половина дострел. Се шпекулираше дека Украина можеби користела американски ракети за да го урне кримскиот мост, што на почетокот на месецов го потврди и самиот претседател Зеленски, велејќи дека неговата влада „навистина сака да го уништи мостот на Крим“.
Тој е симбол на руската окупација и преку овој мост Русија испорачува воена опрема и ги снабдува војниците во Украина. Во неколку наврати досега мостот беше цел на украински напади.
– Мислам дека е вистинското време, а шефот (Бајден) донесе одлука дека е вистинско време да и го обезбеди на Украина оружјето неопходно за тековната борба. Тоа е добро осмислена и многу конструктивна одлука – изјави адмирал Кристофер Грејди, заменик командант на Здружениот генералштаб на американската армија.
Руската страна го осуди потегот на САД, а рускиот амбасадор во Вашингтон Анатолиј Антонов рече дека тоа „ја зголемува заканата за безбедноста на Крим, вклучително и Севастопол и другите руски градови“.