Европа
Киев тврди дека украинските ловци се урнати со ракети од Русија
Откако проруските бунтовници од самопрогласените „народни република“ Донецк И Луганск во средата попладне објавија дека во изминатите 24 часа собориле четири авиони „Сухој Су-25“ на украинските воздухопловни сили над источна Украина, украинските власти во Киев соопштија дека двата нејзини ловци соборени во средата биле погодени од ракети истрелани од руска територија.
„Нашите два авиона се урнати на височина од 5.200 метри. Според првичните информации, ракетите се истрелани од руска територија“, соопшти на својата интернет страница Советот за национална безбедност на Украина. Претходно секретарот на информативниот центар на Советот за национална безбедност и одбрана на Украина, Андреј Лисенко, за РИА Новости ја потврди информацијата за соборувањето на двата украински јуришни авиона над Донецк.
Според AFP двата ловци се соборени во зоната од десетици километри од местото на падот на малезискиот авион минатиот четврток, за кој западот и Киев тврдат дека се соборен со ракета.
Податокот за висината на која летале двата авиона е многу важна, истакнува агенцијата AFP според којашто бунтовниците тврделе дека не поседуваат ракети земја-воздух со дострел поголем од 2.500 до 3.000 метри. Меѓутоа, претходно руски воени експерти коментирајќи како бунтовниците можат да соборат авион, наведе дека заради прецизност во операциите во густо населена област како што е областа на Донецк и Луганск каде што живеат околу 7,5 милиони жители, борбените воздухоплови мора да летаат на пониски височини.
Овие изјави треба да потврдат дека тие не можеле да имаат улога во падот на малезискиот авион кој летал на височина од 10.600 метри. Меѓутоа, според информациите коишто ги собрале американските разузнавачки служби кои во вторникот навечер ги брифираа медиумите и соопштија дека малезискиот авион „најверојатно е урнат по грешка од проруските бунтовници“ без да презентираат технички податоци тврдат дека во времето на падот на „Boeing 777“ на областа контролирана од бунтовниците имало ракетен систем „бук“ кој има дострел од 25.000 метри (!?).
Украинската армија известија во средата дека урнале беспилотно летало „Орлан-10“ во областа во којашто ја спроведуваат ткн „антитерористичка “ операција, недалеку од местото Амросивка, во областа на Донецк, без да ја соопштат припадноста на леталото.
Претходно во средата спикерот на информативниот центар на Советот за национална безбедност и одбрана на Украина, Андреј Лисенко, потврди за руската агенција, а портпаролот на украинската армија, Олексиј Дмитрачкивски за Reuters. дека бунтовниците во источна Украина собориле два борбени авиони на украинската армија од типот „Сухој Су-25“ во областа Дмитровка. За другите два авиона, наводно урнати над Луганск, Киев не објави никаква информација, ниту со потврда, ниту со демант.
За РИА Ноовсти и службата за односи со јавност на самопрогласената Народна Република Луганск изјавија дека уште два уркаински борбени авиона „Су-25“ биле соборени во вторникот во областите на градови Зоринск и Красниј Лич. /крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Уапсен Полјак: „Планирал убиство на Зеленски“
Маж од Полска е уапсен под обвинение дека бил подготвен да шпионира за руското воено разузнавање и да и помогне да го испланира убиството на украинскиот претседател Володимир Зеленски, соопштија полските обвинители, а пренесе Асошиетед прес.
Полското национално обвинителство соопшти дека мажот, идентификуван само како Павел К., бил обвинет дека сакал да ги пренесе безбедносните информации на аеродромот на руски агенти и бил уапсен вчера во Полска.
Човекот побарал контакт со Руси директно вклучени во војната во Украина и се очекувало да пренесе детални информации за аеродромот Жешов-Јасионка во југоисточна Полска, во близина на границата со Украина, кој е портата за меѓународни воени и хуманитарни снабдувања за Украина. Аеродромот е под контрола на американски војници.
Доколку биде прогласен за виновен, тој може да добие и до осум години затвор, се вели во соопштението за печатот.
Обвинителите рекоа дека апсењето е резултат на блиска соработка со обвинителите и безбедносните служби на Украина, кои обезбедија клучни докази. Членката на ЕУ, Полска е цврст поддржувач на соседна Украина и Зеленски во одбрана од руската агресија повеќе од две години.
Европа
Столтенберг: НАТО работи на испорака на повеќе „Патриоти“ во Украина
НАТО работи на испраќање повеќе системи за противвоздушна одбрана во Украина, изјави генералниот секретар Јенс Столтенберг, додавајќи дека доцнењето во обезбедувањето таква помош им наштетува на напорите на Киев да се спротивстави на руските напади.
„Собравме податоци за различните системи за противвоздушна одбрана што ги имаме во НАТО и се фокусиравме на системите „Патриот“. И ние работиме со сојузниците за да се осигураме дека тие прераспоредуваат некои од нивните системи во Украина“, изјави тој за новинарите на маргините на состанокот на министрите за надворешни работи на Г7 во Италија.
„Работиме на можноста за испорака на повеќе батерии „Патриот“ за Украина. Водиме дијалог со некои земји“, рече Столтенберг, нарекувајќи го снабдувањето на „Патриотите“ „критично“, бидејќи тоа е најнапредниот одбранбен систем на кој алијансата може да смета.
Столтенберг рече дека други одбранбени системи, вклучително и ракетниот систем земја-воздух НАСАМС, може да и бидат доставени на Украина. Тој додаде дека состанокот на Советот НАТО-Украина ќе се одржи утре и дека се очекува виртуелно да учествува украинскиот претседател Володимир Зеленски.
„Охрабрен сум од посветеноста и одлучноста на сојузниците во НАТО да застанат во одбрана на Украина“, им рече тој на новинарите, додавајќи дека има охрабрувачки знаци дека американскиот Конгрес наскоро би можел да го отклучи пакетот помош од 60,84 милијарди долари за Украина.
Европа
(Видео) Катастрофални поплави во Русија, куќи под вода, илјадници евакуирани
Поради последиците од големите поплави, во Русија се поплавени околу 18.000 домови, додека реката Тобол во областа во близина на границата со Казахстан се заканува да се искачи на рекордно ниво. Државната новинска агенција Тасс објави дека од вчера се поплавени уште 1.700 куќи. Илјадници луѓе се евакуирани во последните неколку дена.
Massive flood after the water level in the Ural River risen in Orenburg, Russia 🇷🇺 (13.04.2024)
TELEGRAM JOIN 👉 https://t.co/9cTkji5aZq pic.twitter.com/SXxuuoAmI1
— Disaster News (@Top_Disaster) April 13, 2024
Регионот Оренбург јужно од планината Урал и регионот Курган во Сибир беа најтешко погодени од катастрофални поплави во близина на јужната граница со Казахстан. Во главниот град на регионот, Курган, реката Тобол порасна за метар и половина за само 24 часа. Курган се подготвува за рекорден водостој и за големи поплави, изјави министерот за вонредни состојби Александар Куренков, кој рече дека нивото на водата се зголемува и во блиската област Тјумен во Сибир.
1/10🌊🇷🇺 #RussiaIsCollapsing
While the Russians fight in #Ukraine 🇺🇦, #Russia is sinking
📍#Kurgan the risk of another dam failure is high
As in #Orenburg & #Orsk, residents leave their homes, leaving dogs chained to deter looters. They won’t survive it. #floods #Rosja #Russie pic.twitter.com/JMURpr5Rbv
— 𝐀𝐧𝐧𝐚 𝐊𝐎𝐌𝐒𝐀 | 🇪🇺🇫🇷🇵🇱🇺🇦 (@tweetforAnna) April 18, 2024
Во моментов има приближно 94 села каде живеат 34.000 луѓе во опасност од поплави. Во четвртокот властите евакуираа 1.500 луѓе од Тјумен и ги транспортираа на безбедно. По обилните дождови и невообичаено снежната зима, Русија оваа година се бори со исклучително тешки сезонски поплави.
Жителите на погодените подрачја ги обвинуваат властите дека доцна преземаат мерки за нивна заштита и дека не реагираат доволно брзо. Слични поплави ги погодија областите преку границата во соседен Казахстан, каде властите претходно почнаа да ги евакуираат луѓето. Досега од таа област се евакуирани повеќе од 100.000 жители.