Европа
Курц: Нема распределба на бегалците без запирање на миграцијата
Некои земји членки на европската унија нема да почнат да примаат бегалци доколку значително не се намали нивниот прилив, изјави австрискиот министер за надворешни работи Себастијан Курц во разговор за агенцијата DPA во саботата, во пресрет на самитот ЕУ-Турција посветен на миграцијата кој ќе се одржи следната седмица.
„Мора на сите да им биде јасно дека бројот на бегалците коишто доаѓаат во Европа многу брзо ќе се намали доколку ги запреме во Грција“, изјави шефот на австриската дипломатија Себастијан Курц бранејќи ја острата политика на Виена во поглед на заострената контрола над бегалците и кон балканските земји поради што околу 13.000 мигранти во саботата се блокирани во Грција на границата со Македонија.
Курц вели дека е охрабрен од повикот на претседателот на Европскиот совет, Доналд Туск, до потенцијалните економски имигранти да се останат во своите земји, како и од неодамнешната изјава на германската канцеларка Ангела Меркел во која се изјасни против продолжувањето на испраќањето на бегалците по миграциската рута од Грција во западна Европа.
„Тоа се политики коишто конечно упатуваат на вистинската насока“, оценува министерот за надворешни работи на Австрија.
„Во среднорочен период, земјите кои во моментов се противат на прераспределбата би можеле да станат подготвени да примат бегалци. Меѓутоа, таквата распределба не е реално сé додека приливот е толку висок и дека земјите се свесни дека политиката на пропуштање на мигрантите резултира со се поголем и поголем број доаѓања“, истакнува Курц во интервјуто за DPA.
Тој ја отфрла загриженоста дека австриските ограничувања на границата и мерките коишто ги преземаат земјите од ткн балканска бегалска рута како реакција на тоа би можеле да предизвикаат криза во Грција, бидејќи имигрантите и бегалците останаа таму блокирани.
„Вистина е дека во Грција сега има само 25.000 мигранти, Тоа е околу четвртина од нивниот број во Австрија“, вели Курц.
Австрија во текот на минатата 2015 година примила повеќе од 90.000 мигранти, но последните месеци ја промени политиката, тврдејќи дека се неопходни национални погранични мерки во недостиг од заедничка политика на ЕУ за распределбата на бегалците.
Курц изјави пред самитот во понеделникот дека не само што се надева дека приливот од Грција мора да запре, туку и дека соработката со Турција и помошта на сириските бегалци на Блискиот исток може да бидат дополнителни елементи во политичкиот пакет за решавањето на мигрантската криза во Европа./крај/мф/сн
Извор: DPA
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.
Европа
Во Англија извикал „Алах Акбар“ и убил случаен минувач: „Го направив тоа за луѓето од Газа“
45-годишниот Ахмед Алид вчера беше прогласен за виновен за убиство и обид за убиство. На 15 октомври минатата година, барател на азил од Мароко со нож го уби 70-годишниот Теренс Карни во центарот на англискиот град Хартлпул. Тој претходно го избодел со нож својот заспан цимер Џавед Нури додека викал „Алах Акбар“.
Алид и рекол на полицијата дека сето тоа го направил „за луѓето од Газа“. Само осум дена пред да убие случаен минувач и да го рани својот цимер, милитантите на Хамас го нападнаа Израел. Алид се заколнал дека ќе убиел повеќе луѓе доколку имал митралез и друго оружје, изјави обвинителот Џонатан Сендифорд во Судот во Тесајд.
Алид делел куќа со други баратели на азил во североисточна Англија. Тој бил вознемирен што Нури го прифатил христијанството. Цимерите рекле дека Алид почнал да носи нож откако на телевизија видел прилог за настаните во Газа.
Европа
Крим главна цел: Пентагон откри за што Украина ќе ги користи моќните ракети АТАКМС
Министерството за одбрана на САД ја појасни целта за испорака на ракети со долг дострел во Украина, кои неодамна беа испорачани во тајност. Како што објави „Њујорк тајмс“, целта на испораката на американските ракети АТАКМС е да се зголеми притисокот врз Крим, кој беше анектиран од Русија по референдумот во 2014 година.
Крим го претставува центарот во кој се лоцирани голем број руски воздушни и копнени сили и кој досега, како што пишува американскиот дневен весник, „за нив бил релативно безбедно засолниште“. Ова го тврди анонимен американски функционер. Сепак, Пентагон одби да каже колку точно од овие проектили со дострел од 300 километри се испорачани на украинската страна.
Советникот за национална безбедност на Белата куќа, Џејк Саливан, претходно ја потврди испораката на овие ракети без да прецизира дали тие се модифицирани и имаат зголемен дострел.
Украинските сили веќе употребија АТАКМС, што претседателот Володимир Зеленски го потврди на 17 април, објавувајќи дека бил извршен напад врз воздухопловната база Џанкој, која се наоѓа на 165 километри од линијата на фронтот. Министерството за одбрана на Руската Федерација не ги коментираше овие наводи.
Pentagon reveals Ukraine’s targets for ATACMS missiles – NYT — (the usual baffling lack of retaliation threats from #Putin– instead just the usual bleating that ‘it’s impossible to justify’..Bring Stalin back to life please, Russia) https://t.co/8pi0Lx8tbt #CapeTown #SouthAfrica pic.twitter.com/ZtI5cG3r2m
— Peter Mayson (@theforeverman) April 26, 2024
Американскиот дневен весник потсетува дека Украина првпат добила ракети АТАКМС во септември минатата година, но дека станува збор за верзија со половина дострел. Се шпекулираше дека Украина можеби користела американски ракети за да го урне кримскиот мост, што на почетокот на месецов го потврди и самиот претседател Зеленски, велејќи дека неговата влада „навистина сака да го уништи мостот на Крим“.
Тој е симбол на руската окупација и преку овој мост Русија испорачува воена опрема и ги снабдува војниците во Украина. Во неколку наврати досега мостот беше цел на украински напади.
– Мислам дека е вистинското време, а шефот (Бајден) донесе одлука дека е вистинско време да и го обезбеди на Украина оружјето неопходно за тековната борба. Тоа е добро осмислена и многу конструктивна одлука – изјави адмирал Кристофер Грејди, заменик командант на Здружениот генералштаб на американската армија.
Руската страна го осуди потегот на САД, а рускиот амбасадор во Вашингтон Анатолиј Антонов рече дека тоа „ја зголемува заканата за безбедноста на Крим, вклучително и Севастопол и другите руски градови“.