Европа
Лавров: Санкциите нема да и’ наштетат на Русија и може да ја направат независна
Западните санкции против Русија одредени за руски функционери и компании, ќе ја промашат својата цел и единствено можат да ја направат Русија економски независна, така што Москва на нив нема хистерично да одговара со иста мерка, изјави по понеделникот рускиот министер за надворешни работи Сергеј Лавров залагајќи се за независна истрага за уривањето на малезискиот патнички авион во источна Украина и распоредување на набљудувачи на ОБСЕ а не ја исклучи ниту жалбата за пресудата во случајот „Јукос“.
На долгата прес-конференција во Москва на којашто шефот на руската дипломатија одговараше на прашања на бројни домашни странски новинари, Сергеј Лавров рече дека „Санкциите ретко кога ги постигнуваат поставените цели, а во случајот на Русија тие едноставно според нивното дефинирање не можат да ја постигнат намената. Тоа не нé исполнува со радост, како ниту европските земји коишто ги воведуваат тие санкции. Но ве уверувам дека компликациите коишто ќе се појават во низа области на економијата, ќе бидат надминати. Можеби, ќе станеме понезависни и посигурни во своите сили, а тоа е исто така корисно“, изјави Лавров.
Москва нема со „хистерични дејствија“ да возврати на санкциите наметнати од САД и Европската унија со методата „мило за драго“, додаде министерот за надворешни работи ан Руската Федерација. „Нема да се раководиме од принципот ’око за око….’. Сакаме да дејствуваме со студена глава и претседателот (Владимир Путин) веќе рече дека секако т (санкциите) не можеме да ги игнорираме. Но да западнеме во хистерија и да возвратиме со иста мерка, би претставувало удар кој е под секое ниво за голема земја“, порача Лавров.
Лавров натаму на прес-конференцијата изрази надеж дека истрагата за уривањето на малезискиот патнички авион на 17-ти јули во источна Украина ќе биде објективна и притоа од сите страни побара почитување на принципот на пресумпција на невиноста додека не се докаже вината. „Повикуваме на чесно отворено учество на сите оние коишто имаат пристап до информации за падот на авионот. Сето друго ќе го сметаме за срамни обиди да се влијае врз истрагата со искривување на принципот за невиност додека не се докаже вината“, рече Лавров.
Притоа шефот на руската дипломатија рече дека Москва не фаќа зошто САД не ги достават доколку ги поседуваат наводните „непобитни докази“ за нивната верзија за падот на малезискиот авион во источна Украина. „Ние не разбираме зошто Американците, кои зборуваат дека поседуваат непобитни докази, тие докази не ги достават“, рече Лавров и додаде дека САД во случајов „зад затворени врати говорат помалку, отколку во јавноста“.
Меѓутоа, Лавров истовремено предупреди дека меѓународните експерти не можат да ја спроведат истрагата додека на местото на трагедијата се наоѓаат украинските тенкови. Изрази надеж дека набљудувачите од Организацијата за безбедност и соработка во Европа (ОБСЕ) ќе можат да бидат распоредени по должината на руско-украинската граница. Притоа шефот на руската дипломатија изјави дека Москва ќе го искористи своето влијание врз проруските бунтовници да може да се сопрат борбите, но и Западот треба да го стори истото со Киев.
Во однос на падот на малезискиот „Boeing 777“, Лавров им посочи на новинарите дека треба бидат, исто така, дадени на увид на јавноста и снимките од разговорите на украинските контролори на летањето со политите на авионот.
„Записите од разговорите меѓу украинските контролори со екипажот (на малезискиот авион) и со другите летови кои биле направени во тоа време во истата област. Тоа е можно, најверојатно, да бидат доставени? Според некои сведоштва, на тие контролори им е целосно забрането да комуницираат со кого и да е. Нив треба да ги подготват за средба со меѓународните експерти, според правилата да ја претстават својата верзија. Сетот тоа отвора нови прашања“, истакна Лавров.
Дипломатот во врска со судирот во Украина, истакна дека планираното доставување оружје во земјата, од која и да е страна, би претставувало „долевање масло на огнот“ и го критикуваше толерирањето на Западот на употребата од страна на украинската армија на тешко вооружување и артилерија против цивилни цели во источните делови од земјата населени со доминантно рускојазично население.
На прес-конференцијата Лавров не ја исклучи жалбата на одлуката на Арбитражниот суд во Хаг кој одлучи дека Русија мора да им плати 50 милијарди долари, што е двојно помалку отколку што бараа поранешните акционери на поранешниот нафтен гигант „Јукос“ кој поради огромните долгови за неплатени давачки кон државата беше експроприран. „Ќе почекаме пресудата да стане јавна пред да ја коментираме. Правните постапки во овој случај не се завршени, а тоа вклучува и право на жалба. Руската страна, агенциите кои ја претставуваат Русија во овој процес, несомнено ќе посегнат по сите правни средства во одбрана на своите ставови“, смета Лавров.
Во 2003 година, руските власти го обвинија раководството на приватизираниот во времето на претседателот Борис Елцин од негови блиски луѓе „Јукос“, најголемата нафтена компанија во Русија, за финансиски прекршоци. Неколку од извршните директори на компанијата, како и првиот човек Михаил Ходарковски, беа осудени на повеќе годишни затворски казни. Потоа „Јусос“ беше предаден во стечај а неговите средства беа вклучени во активата на државната компанија „Роснефт“. Акционерите на поранешниот концерн поднесоа тужбено барање пред Арбитражниот суд во Хаг барајќи надоместок од 103 милијарди американски долари. /крај/мф/сн
Извор: РИА Новости
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Тројца тинејџери загинаа во Франција кога паднаа и се удавија во базен длабок 1,5 метар
Тројца тинејџери загинаа во јужна Франција кога нивниот автомобил излетал од патот, се забил во ѕид и се превртел во приватен базен, при што останале заробени.
Возилото било речиси со иста големина како базенот, а тројцата тинејџери, на возраст од 14, 15 и 19 години, не можеле да ја отворат вратата и се удавиле. Несреќата се случила во градот Алес во вторникот вечерта.
„Вистински ужас. Тие не починале од ударот. Се нашле наопаку во ледената вода, неспособни да излезат. Немале никаква шанса“, изјави јавниот обвинител Абделкрим Грини. Според неофицијални информации, најмладиот од нив наводно го возел автомобилот во времето на несреќата.
🚗⚡️ Leur voiture s’encastre dans une piscine : trois jeunes de 14 à 19 ans tués dans un dramatique accident dans le Gard. Des bouteilles de gaz hilarant se trouvaient dans l’habitacle. #JT20h pic.twitter.com/2lWrfYyU6V
— Le20h-France Télévisions (@le20hfrancetele) December 3, 2025
Обвинителот за АФП изјави дека станува збор за неверојатна низа околности истакнувајќи дека несреќата се случила во ноќ со силен дожд.
Тој опиша како автомобилот удрил во низок ѕид од градината, се превртел и слетал во базенот. Пожарникарите биле повикани да го испумпаат базенот и да го извлечат возилото. BFMTV објави дека базенот бил длабок еден и пол метар. Снимките од местото на настанот покажале приватен базен покрај урнатиот ѕид.
Според француските медиуми, во автомобилот биле пронајдени шишиња со азотен оксид, супстанција што рекреативните корисници ја вдишуваат за да се чувствуваат опуштено, вртоглаво или еуфорично. Отворена е истрага за причината за смртта, а телата на младите луѓе се однесени во форензички институт на обдукција, според АФП.
Европа
(Видео) Украинците: Го нападнавме рускиот нафтовод „Дружба“
Во понеделникот, уште една експлозија го потресе рускиот нафтовод „Дружба“, потврдија извори од украинското воено разузнавање (ХУР) за „Киев пост“. Нападот наводно се случил во близина на селото Казински Виселки на делницата Таганрог-Липецк од нафтоводот, а бил предизвикан од далечински активирана експлозивна направа, објави „Киев пост“.
Службеник на ХУР, запознаен со операцијата, објасни дека уредот бил опремен и со запаливи смеси за интензивирање на пожарот. Кратко по силната експлозија, локалните жители пријавиле блесоци на светлина, а за неколку минути, видеа и пораки се појавија на регионалните социјални мрежи.
On December 1, the “Druzhba” oil pipeline was blown up in Russia.https://t.co/eX9LDzjS4s pic.twitter.com/hUj2l39ycb
— Babel.ua: Ukraine at war (@UaBabel) December 3, 2025
Нафтоводот „Дружба“, еден од најголемите во светот, е клучен за транспорт на руска сурова нафта до неколку земји од Европската Унија. И покрај санкциите, делови од нафтоводот остануваат оперативни, дозволувајќи ѝ на Москва да генерира милијарди приходи за да ја поддржи својата воена кампања во Украина.
Извештајот за нападот доаѓа во време кога Киев ја засилува својата кампања против руската нафтена инфраструктура. Во последните недели, танкери за нафта кои се обидуваат да ги избегнат санкциите беа цел и во Црното Море. Разузнавачки извор изјави дека нападите врз руската нафтена инфраструктура ќе продолжат сè додека таа ги финансира воените напори на Москва.
💥 Russia: Unecha oil pumping station in Bryansk region struck again by Ukraine. Annual pumping capacity of 60 million tons of crude oil, critical hub on the Druzhba pipeline that goes to Europe.
No more Russian blood oil for Hungary and Slovakia. pic.twitter.com/MgFOmiPOtM— Igor Sushko (@igorsushko) August 21, 2025
„Руската нафтена мрежа, која ја финансира државата агресор и нејзиниот воено-индустриски комплекс, ќе продолжи да гори сè додека непријателот не престане да ја напаѓа Украина“, рече лице запознаено со операцијата.
Ова не е прв напад врз овој стратешки важен нафтовод. На 22 август, Украина ја нападна најголемата руска пумпна станица за нафта во рамките на системот „Дружба“, која се наоѓа во градот Унеча во Брјанската област. Унеча, која се наоѓа на четириесет километри од украинската граница, е најголемиот центар на системот „Дружба“ и игра клучна улога во снабдувањето на рускиот воено-индустриски комплекс.
Европа
(Видео) Експлозии во Чеченија: уништена базата на единицата „Ахмат“, погодена зграда на ФСБ
Во пресрет на мировните преговори во Москва вчера, украински беспилотни летала нападнаа база на руските специјални сили и зграда на разузнавачката служба ФСБ во Чеченија. Базата на единицата „Ахмат“ во Гудермес беше потресена од силна експлозија вчераутро, а снимките кружеа на интернет и покажуваа густ чад и пламен како се извишуваат над комплексот.
Елитната паравоена сила „Ахмат“ е лично лојална на лидерот на Чеченската Република, Рамзан Кадиров, и е вклучена во борбите на фронтовските линии во Украина, вклучително и во Харков и во Донецк.
🔥 A military base of one of the Akhmat units in Gudermes, Chechnya, was attacked.
💥 Also, FSB building in Achkhoy-Martan, Chechnya, was attacked. pic.twitter.com/DviFjx51d4
— MAKS 25 🇺🇦👀 (@Maks_NAFO_FELLA) December 2, 2025
Во одделен инцидент дрон ја оштети и канцеларијата на ФСБ во Ачка-Мартан, а фотографиите на социјалните мрежи покажуваат скршени прозорци и остатоци надвор од зградата. Нападнат е и танкер под руско знаме што превезувал сончогледово масло од Русија до Грузија, што е четвртиот ваков инцидент покрај турскиот брег за една недела. Украина официјално не ја презеде одговорноста за ниеден од нападите, објавува „Телеграф“.
Во меѓувреме, руска балистичка ракета погоди индустриска зона во реката Днепар во источна Украина во понеделникот, при што загинаа четири лица, а 40 беа ранети, според локалните власти.
🚨🇷🇺—Also happening yesterday, there was a strike on the military base of one of the divisions of Akhmat in Gudermes, Republic of Chechnya, Russia. (seen in the video below).
On the same day there was a strike on an FSB office in Achkhoy-Martanovsky district of the Republic of… pic.twitter.com/FTibpo02w8
— 🇷🇺 Vanguard-Veritas🇨🇦 (@RussCan91) December 3, 2025
Нападите се случуваат во време на засилени дипломатски напори предводени од САД за наоѓање мирно решение. Стив Виткоф, специјалниот претставник на Доналд Трамп, пристигна во Москва вчера на неговата шеста средба со Владимир Путин оваа година. Во исто време, украинскиот претседател Володимир Зеленски е во прва посета на Ирска по средбата со францускиот претседател Емануел Макрон во обид да обезбеди дополнителна поддршка од европските сојузници.
„Америка може да нè предаде“: протече разговор меѓу Макрон, Мерц и Зеленски
Европските шефови на држави и влади длабоко не им веруваат на Соединетите Американски Држави кога станува збор за мировни преговори...
(Видео) Татко на една од жртвите: Загрижува што обвинетите се однесуваат како оштетени и како првпат да слушаат за дискотеката „Пулс“
Загрижува фактот што обвинетите продолжуваат да добиваат јавен простор за изјави и медиумски настапи иако се соочуваат со сериозни обвиненија...
Јас единствен барав да не му се издава лиценца на „Пулс“, би требало да седам како јавност, а не како обвинет, рече поранешниот градоначалник Ратко Димитровски
Изненаден од тоа што седи на обвинителна клупа, поранешниот градоначалник на Кочани, Ратко Димитровски, на денешното судење за трагедијата во...
„Името го сменивме двапати, Уставот седумпати“ – Николоски во Брисел побара чесен пристап и одговор дали со уставните измени завршуваат барањата
Заменик-претседателот на Владата, Александар Николоски, се обрати на форумот „Прашања на проширување: Новата геополитичка, безбедносна и економска граница на Европа“,...
Фирмата за подготовка на храната во „Димо Хаџи Димов” казнета со 900 евра, во уште едно училиште откриена ешерихија коли во намаз
Операторот за подготовка на храната во основото училиште во Влае, „Димо Хаџи Димов“, е казнета со 900 евра откога беа...
Ресторан на нива, одморалиште издавано без согласност, градинка без деца оти нема пат – ревизијата утврди серија нерегуларности во Свети Николе
Државниот завод за ревизија утврди серија нерегуларности во работењето на Општина Свети Николе за 2024 година поради што изрази неповолно...
Обвинетите за „Пулс“ утрово во „Идризoво“ ги пречекаа фотографии од сите загинати
Металните барикади пред влезот во судницата во „Идризово“, кои ги одвојуваат влезовите преку кои влегуваат обвинетите и родителите на загинатите,...
Затвореник признал дека се негови 13-те мобилни и лаптопот најдени во ќелијата на Џеваир Камбери, обвинет за „Пулс“
Тринаесетте мобилни телефони и еден лаптоп пронајдени во ќелијата на обвинетиот за трагедијата во кочанската дискотека „Пулс“, Џеваир Камбери, не...
Посетата на Путин на Индија: Нафта, оружје и геополитичка порака до светот
Рускиот претседател Владимир Путин оди во Индија во дводневна посета, каде што се очекува да се сретне со премиерот Нарендра...
(Видео) Украинците: Го нападнавме рускиот нафтовод „Дружба“
Во понеделникот, уште една експлозија го потресе рускиот нафтовод „Дружба“, потврдија извори од украинското воено разузнавање (ХУР) за „Киев пост“....
Британците и Норвежаните потпишуваат договор: заедно ќе ги следат руските подморници
Велика Британија и Норвешка денес ќе потпишат нов договор за одбранбена соработка, планирајќи заедничко управување со флота од фрегати за...
(Видео) Се урна американски „Ф-16“
Американски борбен авион F-16C Fighting Falcon на воздухопловни сили „Thunderbirds“ се урна во оддалечена пустинска област јужно од аеродромот Трона,...
Нови израелски напади врз Газа: погодени шатори за бегалци, повеќе мртви
Петмина Палестинци вчера беа убиени, а неколку други беа повредени кога израелските авиони гаѓаа шатори и импровизирани засолништа за раселени...
Мадуро потврди дека разговарал со Трамп
Венецуелскиот претседател Николас Мадуро во средата потврди дека пред околу 10 дена имал „срдечен и полн со почитување“ телефонски разговор...
ОН усвои резолуција за враќање на киднапираните украински деца: Русија и 11 други земји гласаа против
Генералното собрание на Обединетите нации усвои резолуција со која се бара од Русија да обезбеди итно, безбедно и безусловно враќање...
Куновска по оставките во СДСМ:„Сите дома, тој останува“
Поранешната пратеничка и функционерка во СДСМ, Софија Куновска, на „Фејсбук“ објави критички статус откако вчера, на барање на партискиот лидер...
ВМРО-ДПМНЕ: Ние како мнозинство немаме од што да бегаме, ќе се расчистат сите прашања поврзани со трагедијата во Кочани
Пратеникот од ВМРО-ДПМНЕ, Бојан Стојаноски, изјави дека во периодот кога државата ја воделе СДСМ и ДУИ се закажувале анкетни комисии,...
(Видео) Филипче: Посебна анкетна комисија за трагедијата во Кочани, тоа е барање на родителите
Нашиот став е дека ние ќе ги поддржиме двете анкетни комисии. Едната којашто ја предлага владеачкото мнозинство каде сакаат да...
(Фото) Поставени дигитални уреди за мерење бучава кај кафеаните во Дебар Маало
Општина Центар започна со имплементација на паметен систем за следење на бучавата, преку поставување на дигитални индикативни уреди на местата...
Осигурителни компании склучиле картел и се договориле да ја зголемат цената за автомобилското осигурување
Десет осигурителни компании се казнети со 17.266.930 денари затоа што се договориле да ја зголемат цената за автомобилската одговорност што секој...
