Европа
На бегалците во Германија им се одземаат предметите од вредност
Бегалците во Германија мораат по доаѓањето во земјата да ја предадат готовината и предметите од вредност, слично како што тоа е практика во некои други европски земји како Швајцарија, а најверојатно наскоро и во Данска, пишува во четвртокот германскиот дневен весник Bild.
„Практиката во Баварија, но и германските закони одговараат на постапката којашто се спроведува и во соседна Швајцарија“, изјавил за Bild баварскиот министер за внатрешни работи Јоаким Херман.
Тоа значи дека бегалците по доаѓањето во Германија се претресуваат за да се утврди кои лични документи ги поседуваат, меѓутоа, исто така, се утврдува и сумата пари и другите вредности коишто ги имаа при себе.
„Готовината и вредностите кои ја надминуваат сумата од 750 евра може да бидат одземени доколку се очекува дека лицето во Германија ќе влезе во системот за државна финансиска поткрепа“, вели Херман.
Според сегашните закони, подносител на барање за азил е должен да ги финансира сопствените животни трошоци толку долго колку што има заштедено или вредности, односно може да стане корисник на државна помош дури откако нема да поседува вредности односно сум поголема од наведената. Одземените средства или вредности државата ги користи за финансирање на животните трошоци на барателите на азил.
Во соседната германска покраина Баден-Виртенберг, се одземаат сите вредности над лимитот од 350 евра. Според податоците на тамошните локални власти, на новодојдените бегалци во декември во просел им бил одземан „четирицифрен“ износ.
Оваа практика е во согласност со германскиот закон за политички азил, кој наложува дека на подносителот на барањето за азил животните трошоци мора да ги финансира со сопствени средства толку долго колку што ги поседува.
Оваа практика ја потврди и владината комесарка за интеграција Ајдан Езогуз. „Кој во Германија ќе поднесе барање за ази, мора пред од државата да бара материјална помош, да ги потроши сопствените средства, а во таа спаѓа, на пример, и семејниот накит“, појаснува Езогус за Bild.
Покрај Германија, и Швајцарија, исто така, им се одземаат вредности на бегалците, а таму „дозволена“ сума е 1.000 швајцарски франци./крај/мф/сн
Извор: Hina
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Намалениот број на станови доведе до раст на кириите во Германија
Растат кириите во Германија поради немањето станови во услови на високи градежни трошоци и кредити. Сето тоа го запре градежниот сектор и побарувачката, но и ги намали цените на квадратот, се вели во извештајот на здружението на банките.
Становите во Германија поевтиниле за 4,3 отсто во првиот квартал во однос на истиот период лани, објави здружението на германските банки„Pfandbrief“.
Цените за изнајмување на нови станови се зголемени за 5,6 отсто. Трендот на поскапување на кириите нема да запре, оценуваат од здружението.
„Пазарот за изнајмување станови е под огромен притисок. Побарувачката значително ја надминува понудата“, рече извршниот директор на здружението, Јенс Толкмит.
Трошоците за изградба значително се зголемија во последните години поради повисоките каматни стапки на кредитите и значително повисоките трошоци за работна сила и цените на градежните материјали. Во вакви услови се намали бројот на одобренија за градба, а побарувачката ослабе, што резултираше со пониски цени на становите, смета министерот за финансии.
Според податоците на здружението на банките, цените на недвижностите најмногу паднале во Минхен, за 5,3 отсто.
Во исто време, падот на градежната активност го продлабочува „недостигот“ на станови, зголемувајќи го натамошниот раст на закупнината, кој би можел да продолжи уште некое време.
Здружението оценува дека цените на станбените недвижности треба да се стабилизираат во догледна иднина, за разлика од комерцијалните недвижности, како што се деловните згради и трговските центри.
Цените во тој сегмент паднаа за речиси 10 проценти на годишно ниво и се уште не се гледа „дното“, вели првиот човек на здружението.
Проценките се базираат на податоци за работењето на повеќе од 700 банки кои се активни во финансирањето на недвижен имот, а не на понуди за купување и изнајмување кои служат како основа за Заводот за статистика, забележуваат тие во здружението.
Европа
(Видео) Драма на небото над Трст: забележана несекојдневна појава
Во внатрешноста на заливот Трст, во близина на границата со Словенија, во вторникот попладне се формирал вител.
Италијанските медиуми јавија дека невремето не предизвикало материјална штета, ниту било закана за населението. Интервенцијата на пожарникарите и на пристанишните служби не била потребна.
Waterspout reported in the North Adriatic between the town of Muggia and Koper a few hours ago.
Original video shooting from meteoradar
➡️ https://t.co/SXbq5rbWaj pic.twitter.com/XxRu57Gohs— Alpine-Adriatic Meteorological Society (@aametsoc) May 7, 2024
Италијанската метеоролошка агенција објасни дека ваквите појави не се воопшто ретки и дека се резултат на екстремна нестабилност на атмосферата.
Областа на низок воздушен притисок, која владее со поголемиот дел од Италија, донесе влажни струи во Трстскиот Залив.
„Во овие временски услови, неколку пати годишно може да се појават воздушни вртлози, кои во повеќето случаи се распаѓаат на море“, објаснуваат италијанските метеоролози.
Европа
Венеција заработи огромна сума на пари со наплата на влезници во градот за само 11 дена
Новововедениот билет за туристите на еднодневно патување во Венеција на градот му донесе приход од 975 илјади евра во првите 11 дена од пробниот период.
Билетот, кој првпат беше воведен на 25 април, се наплаќа по стандардна цена од пет евра.
Градот објави дека продал вкупно повеќе од 195.000 билети, што е малку над очекувањата, пренесува Независне новине.
Влезот ќе се наплаќа во повеќето саботи и недели до средината на јули, кога градот ќе ја разгледа цената.
Како општо правило, целодневните посетители помеѓу 8:30 и 16:00 часот се обврзани да платат влезница и да добијат QR код, кој служи како доказ за плаќање. Ако не го сторат, може да платат казна од 300 евра.
Домашните жители, гостите кои преноќуваат, студентите и децата под 14 години се ослободени од плаќање.
Со околу 15 милиони посетители годишно, Венеција е една од најпосетуваните туристички дестинации во светот.
Масовниот туризам му носи многу приходи на градот, но и гужвите создаваат големи проблеми. Не е познато дали Венеција ќе ја задржи таксата по пробниот период.