Европа
Најмалку 19 цивили убиени во источна Украина

Најмалку 19 цивили од кои пет деца се убиени во жестоките судири во источна Украина во офанзивата на силите на прозападната влада во Киев кои четврти месец се обидуваат да воспостават целосна контрола над источните региони кои се во рацете на проруските бунтовници.
Украинските сили се обидуваат да ги потиснат прорусктие сили во големите градови кои се под нивна контрола, Донецк и Луганск, кои потоа би ги ставиле во опсада, па затоа и водат жестока офанзива, вклучително и во областа на падот на малезискиот патнички авион.
Потврдени се информациите од понеделникот вечерта дека во гранатирањето на украинската армија врз градот Горловка, загинале 14 цивили од кои 5 се деца, меѓу кои е и тричлено семејство со едногодишно бебе, додека во Луганск се убиен најмалку 5 цивили во гранатирање на дом за стари лица.
Горловка, град во источна Украина со 258 илјади жители кој се наоѓа меѓу бунтовничките упоришта Донецк и Луганск, и се смета за стратешка точка која на украинската армија ќе и овозможи целосно опкружување на двата града.
Според документот кој го презентираше Високата комесарка на Обединетите нации за човекови права Наванетхем (Нави) Пилај, претставувајќи го во Женева во понеделникот извештајот на набљудувачката мисија, точниот број цивилни жртви во овој момент тешко може да се утврди, но според информациите добиени од мисијата на комесаријатот на ОН за човекови права и Светската здравствена организација, од средината на април до 26-ти јули загинале 1.129 луѓе, а 3.442 се ранети./крај/мф/сн
Извор: AFP/РИА Новости
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Русија: Полјаците не ни доставија никакви докази дека дроновите се од наше потекло

Москва тврди дека Полска не доставила никакви докази што покажуваат дека беспилотните летала што биле соборени во Полска се од руско производство.
Вршителот на должноста амбасадор на Русија во Полска, Андреј Ордаш, потврди за новинската агенција „РИА новости“ дека бил повикан од полското Министерство за надворешни работи по инцидентот.
Ова е првиот коментар на Русија по инцидентот, кој се случи преку ноќ.
Европа
Објавена фотографија од руски дрон во Полска

Порталот Defence24 објавува дека руски дрон е пронајден во градот Чешники, во близина на Замошќ и на 40-ина километри од границата со Украина.
Читател ја испратил фотографијата од леталото до редакцијата, а според неофицијални информации, станува збор за дрон од типот „Гербер“, кој Русија го користи за преоптоварување на украинската воздушна одбрана.
Во текот на ноќта Русија изврши масовен напад врз Украина, а повеќе од десет дрона влегоа во полскиот воздушен простор. Полската војска потврди дека оние што претставуваа директна закана биле соборени. Бројот и начинот на движење на леталото, според Defence24, укажуваат на намерна руска провокација.
фото: принтскрин
Европа
Објавена мапа од синоќешниот руски напад врз Украина: прикажани и дроновите што влегле во Полска

Украинските медиуми објавија мапа на која се прикажани беспилотните летала што учествуваа во синоќешните руски напади врз Украина. Главни цели беа Донбас и регионите Ивано-Франкивск, Лавов, Луцк, Одеса, Виница и Житомир. Некои од беспилотните летала го напуштија украинскиот воздушен простор и влегоа во Полска. Според украински извори, дури 14 руски беспилотни летала влегоа во Полска.
Полска потврди дека повеќе од десетина беспилотни летала влегле во нејзиниот воздушен простор за време на нападот врз Украина. Оние што претставуваа непосредна закана беа соборени, а во акцијата учествуваа и неколку холандски борбени авиони „Ф-35“.
Во Полска, во регионот Лублин, беспилотно летало удри во куќа, но немаше повредени. Во источна Полска, во градот Вирики, беспилотно летало или објект сличен на беспилотно летало удри во станбена куќа – покривот беше оштетен, но исто така немаше повредени.
Полскиот премиер Доналд Туск го опиша инцидентот како чин на агресија и нагласи дека НАТО реагирал активно вклучувајќи распоредување холандски борбени авиони и привремено затворање на аеродромите, вклучувајќи го и тој во Варшава.
фото: принтскрин