Европа
Најмалку двајца напаѓачи убиени во напад врз полициска станица во Русија
Во областа Ставропол во јужниот Северо-Кавкаски регион на Руската Федерација убиени се најмалку двајца милитанти кои се обиделе да ја нападнат тамошната полициска станица, соопшти во понеделникот регионалното министерство за внатрешни работи.
„Денеска беа ликвидирани двајца милитанти, кои се обидоа да извршат напад во полицискиот оддел во Новоселицк. Едниот е убиен при обидот да продре преку контролниот пункт, а вториот изврши самоубиствен бомбашки напад. Според првичните сознанија, нема повредени и загинати меѓу полициските службеници и цивилите“, се наведува во соопштението на министерството што го пренесуваат руските агенции и се додава дека во регионот е воведен режим на зголемена приправност од терористички напад.
Според други извештаи, пак, имало четворица напаѓачи и сите загинале. Тројца од нив извршиле самоубиствени бомбашки напади а еден бил ликвидиран од полицијата, изјавил за агенцијата ТАСС, неименуван безбедносен извор од регионот.
Друг извор рекол дека имало пет експлозии кои одекнале на влезот во полициската станица, но дека ситуацијата брзо била ставена под контрола.
Ова не прв напад врз полицијата во јужна Русија последниов период. На 29-ти март полициски конвој во доминантно муслиманската кавкаска република Дагестан налета на подметнати мини при што загина еден полицаец а двајца беа ранети. Одговорноста за овој напад ја преземаа екстремната сунитска организација Исламска држава.
Веќе следниот ден, исто така во Дагестан, возач за време на контрола на полициски пункт активирал експлозивна направа при што загина еден полицаец а друг беше ранет. И за овој напад одговорноста ја презема споменатата џихадистичка терористичка група. /крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Италија го укина законот стар 40 години: самците ќе можат да посвојуваат деца од странство
Италијанскиот уставен суд денеска пресуди дека самохраните лица можат да посвојуваат деца од странство, поништувајќи го 40-годишниот закон кој го ограничува посвојувањето само на брачни парови, во земја историски обележана со традиционалистички поглед на семејството. „Исклучувањето на самци од меѓународно посвојување малолетници е неуставно“, се вели во соопштението на судот со седиште во Рим.
Како што се намалува бројот на барања за посвојување странски деца, судот рече дека забраната самохрани лица да посвојуваат оневозможува деца да растат во стабилна и хармонична семејна средина.
Пресудата ја нагласува потребата да се ажурираат италијанските закони за посвојување за да ги одразат социјалните и семејните промени, рече Паоло Лимонта, претседател на CIAI, италијанско здружение посветено на посвојување деца од странство.
Судот, кој беше повикан да донесе одлука за меѓународни посвојувања, не се занимаваше со нормите за посвојување италијански деца. Според судот, италијанскиот закон за меѓународно посвојување донесен во 1983 година не признава дека самците се теоретски способни да му обезбедат на детето стабилна и хармонична средина.
„Примарниот интерес што треба да се заштити е интересот на детето“, се вели во соопштението на CIAI. „Благосостојбата на децата не зависи значително од тоа дали родителите во семејството се во брак, разведени, слободни или од ист пол, туку е загарантирана со квалитетот на семејните односи“, велат тие.
Европа
(Видео) Зеленски: Америка и даде голем подарок на Русија, тоа е погрешно
„Сите украински нуклеарни централи му припаѓаат на народот на Украина“, изјави денеска украинскиот претседател Володимир Зеленски за време на прес-конференцијата со норвешкиот премиер Јонас Гар Стоере во Осло.
Тие се во сопственост на државата. Кај нас нема приватна сопственост на нуклеарни централи. Што се однесува до зелената енергија, постојат приватно-јавни партнерства.
„Постои и целосно приватен енергетски сектор, но целата нуклеарна енергија и припаѓа на државата Украина“, рече Зеленски на прес-конференција.
„САД, како главен сојузник во НАТО, не ја поддржуваат Украина во НАТО. Тоа е случај денес. Верувам дека такво нешто не може едноставно да им се даде на Русите. Верувам дека ова е голем подарок, дека оваа тема (пристапот на Украина во НАТО) е отстранета од агендата во преговорите. Едноставно верувам дека тоа е погрешно. Тоа е она што јас го верувам“, додаде Зеленски.
“All nuclear power plants belong to the people of Ukraine,” says Ukrainian President Volodymyr Zelenskyy as he meets with Norwegian Prime Minister Jonas Gahr Store in Oslo.#Ukraine #Russia #US #Trump pic.twitter.com/EH9dNszx4z
— Al Arabiya English (@AlArabiya_Eng) March 21, 2025
Неодамна се појавија предлози за иднината на украинската нуклеарна централа Запорожје, најголемата во Европа, која е под руска окупација од март 2022 година.
Имено, американскиот претседател Доналд Трамп по неодамнешниот телефонски разговор со рускиот претседател Путин сугерираше дека САД би можеле да ја преземат контролата врз украинските нуклеарни централи, вклучително и Запорожје, за да ги заштитат од натамошна руска агресија.
Во моментов, електраната Запорожје е надвор од функција и се соочува со предизвици како што е недостатокот на вода за ладење, што ги отежнува сите планови за нејзино рестартирање. ,
Предлозите предизвикаа загриженост и критики во Украина, каде што некои веруваат дека таквите потези би можеле да го загрозат суверенитетот на земјата и да ја искористат нејзината сегашна ранливост поради конфликтот со Русија.
Европа
Голем бунт во Турција, луѓето масовно излегуваат на улиците, се огласи Ердоган
Турскиот претседател Реџеп Таип Ердоган изјави во петокот дека Турција нема да потклекне пред „уличниот терор“ на третиот ден од протестите што избија поради апсењето на опозицискиот градоначалник на Истанбул, Екрем Имамоглу, под обвинение за тероризам и корупција.
„Турција нема да потклекне пред уличниот терор“, рече Ердоган, оценувајќи дека протестите што ги свика опозицијата ќе завршат во „ќорсокак“.
„Нема да толерираме никакво нарушување на јавниот ред“, додаде тој.
Озгур Озел, лидер на Републиканската народна партија, најголемата опозициска партија во земјата на која и припаѓа Имамоглу, ги повика Турците да излезат на улица во петок во 20:30 часот по локално време, и покрај предупредувањата од властите.
„Од сега никој не треба да очекува Републиканската народна партија да води политика во сали или згради. Отсега ние сме на улиците и на плоштадите“, рече Озел во четвртокот вечерта пред градското собрание на Истанбул, каде илјадници луѓе се собраа втор ден по ред во поддршка на Имамоглу, главниот ривал на Ердоган.
Два моста и неколку главни патишта кои водат до Градското собрание беа затворени за сообраќај денеска на 24 часа.
Протести се одржуваат од средата во најмалку 32 од 81 провинција во Турција, според АФП.
Министерот за правда Јилмаз Тунч ги опиша повторените повици на опозицијата за протести како „нелегални и неприфатливи“.
Ваков бран протести во Турција не се памети од големите протести во 2013 година кои започнаа од плоштадот Таксим.
Екрем Имамоглу, кој истражителите почнаа да го испрашуваат во петокот попладне, требаше да биде именуван за кандидат на Републиканската народна партија за претседателските избори во недела.
Но, во вторникот вечерта, неговата универзитетска диплома беше одземена, само неколку часа пред да биде уапсен. Турскиот устав предвидува дека кандидатот за претседател мора да има високо образование.
Имамоглу беше реизбран за градоначалник на Истанбул во 2024 година, откако го одзеде градот од владејачката АКП во 2019 година.
Тошковски: Целосна мобилизација на институциите, МВР работи со сите свои капацитети
Министерот за внатрешни работи Панче Тошковски во денешната изјава за медиумите повика на целосна мобилизација на сите институции и потенцира...
За да добива лиценци, сопственикот на „Пулс“ со години користел незаконски проект, а подмитил и службеник, според истрагата
Верижните пропусти и незаконитите дејства на одговорните и на службените лица довеле до смртоносниот пожар во дискотеката „Пулс“ во Кочани....
Кривични пријави за 34 физички и три правни лица, доколку постојат докази, истрагата ќе се шири, рече Тошковски
МВР во соработка со ОЈО Кочани ја завршила првата фаза од постапувањето во кривично-правниот настан, истакна министерот за внатрешни работи,...
Панчо од ДНК е надвор од животна опасност, шести ден е на интензивна нега во „Систина“, велат од болницата
Фронтменот на бендот ДНК, Владимир Блажев-Панчо, повреден во пожарот во дискотеката „Пулс“ во Кочани, е во стабилна состојба и во...
Насилно задушување е причината за смртта кај сите 59 пациенти во пожарот во Кочани, соопшти првиот човек на Судска медицина
Кај сите 59 настрадани во пожарот во Кочани причината за смртта е насилна и е настаната поради насилно задушување и...
Дискотеката имала устен договор за концертот на ДНК, објектот бил пренатрупан и никој не ги сопрел децата да влегуваат
Едниот од осомничените за пожарот во дискотеката „Пулс“, одговорно лице во клубот, усно го договорил концертот, без притоа да биде...
На 97 фирми им биле издадени градежни лиценци, па престанале да ги исполнуваат условите, ќе им бидат одземени, рече Николоски
Вицепремиерот и министер за транспорт, Александар Николоски, на прес-конференција зборуваше за контролата на сите издадени лиценци во согласност со Законот...
Таравари: Нема потреба никој да собира пари, лекувањето на повредените во странство е бесплатно
Лекувањето на 115 повредни во пожарот во Кочани е бесплатно. Министерот за здравство, Арбен Таравари, денес рече дека нема потреба...
Четворица пациенти во Италија се веќе на нозе, Таравари вели може да се вратат дома следната недела, критичен е пациент во Турција
Денес, од болница излегуваат десетмина пациенти што се лекуваат кај нас, соопшти утрово министерот за здравство, Арбен Таравари. Си заминува...
Одреден 30-дневен притвор за 13 лица за пожарот во Кочани, меѓу кои Бектеши и Трајковски
Судот го прифати предлогот на Обвинителството и определи притвор за 13 од вкупно 19 лица опфатени со истрагата за пожарот...
ОЈО: Истражна постапка против 27 лица и три фирми за пожарот во Кочани
Основното јавно обвинителство Кочани во текот на ноќта донесе наредба за спроведување истражна постапка против 27 физички и три правни...
Белград би можел да обезбеди и дополнително сместување на повредените од Кочани, ако има потреба
Воено-медицинската академија (ВМА) во Белград утринава изјави дека е достапна за евентуално дополнително сместување на повредените во пожарот во Кочани,...
(Видео) Би-би-си со реконструкција за пожарот во Кочани
Би-би-си направи реконструкција на пожарот во дискотката „Пулс“ во Кочани, каде што објаснува зошто толку многу луѓе загинале. Во реконструкцијата...
Мораме да размислуваме како да си ги вратиме децата назад, од понеделник ќе ги имаме првите враќања, најави Клековски
Од понеделник се очекуваат првите повлекувања од странство на повредените пациенти, кои по пожарот во Кочани, беа препраќани на лекување....
Maкедонските медиуми известуваат професионално во овие траурни моменти, оцени Министерство за дигитална трансформација
Министерство за дигитална трансформација како надлежно за уредување на прашањата поврзани со медиумите и медиумското работење апелира на одговорност, професионалност...
Телефонски броеви и информации за семејствата на пациентите кои се лекуваат во странство, објави Муцунски
Преку социјалните мрежи министерот за надворешни работи Тимчо Муцунски објави како што пишува, важни информации за семејствата на пациентите кои...
Во Кочани полициска акција за приведување на лица за пожарот во дискотеката
Во тек е акција на полициски екипи по наредба на Основното јавно обвинителство Кочани, а во врска со постапката за...
Медицински центри во странство каде се лекуваат пациенти од пожарот во Кочани, објави Таравари
Министерот за здравство Арбен Тараври на социјалните мрежи објави список со медицински центри во странство каде се лекуваат пациентите од...
Пробиштип ги испрати Никола, Матеј и полицаецот Тоше кои загинаа во дискотеката
Пробиштип денес се прости од Никола Насевски, Матеј Марковски и Тоше Тодоровски, испраќајќи ги во нивните вечни почивалишта. „Тие ќе...
Штип се прости од петтемина свои сограѓани кои загинаа во пожарот во Кочани
Граѓаните на Штип денеска се простија од петтемина загинати во пожарот во дискотеката во Кочани. Последна почит им оддадоа на...
