Европа
Наместо Јужен тек, Русија подготвена да преговара за други опции
Русија е подготвена да разговара со некои земји коишто беа дел од сега веќе напуштениот проект за гасоводот Јужен тек, евентуално да ги вклучи во нов проект, изјави во средата навечер рускиот амбасадор во Европската унија, Владимир Чижов.
Русија е подготвена да разговара со некои земји коишто беа дел од сега веќе напуштениот проект за гасоводот Јужен тек, евентуално да ги вклучи во нов проект, изјави во средата навечер рускиот амбасадор во Европската унија, Владимир Чижов.
„Јас сум убеден дека руската страна е подготвена да преговара со тие земји за тоа што треба да сториме и како да излеземе од оваа ситуација“, изјави рускиот амбасадор во ЕУ, Владимир Чижов кого го цитира агенцијата РИА Новости.
Истакна дека е премногу рано да се зборува за тоа кој добил или кој загубил со одлуката на Москва да го затвори проектот за кој имаше многу пречки од Европската комисија. „Мислам дека, во прв ред, конечниот биланс ќе треба да се сумира кога ќе се гради алтернативниот гасовод“, истакна Чижов.
Чижов зборувајќи за преговорите со земјите кои се загрижени од прекинот на изградбата на Јужен тек, ја исклучи Бугарија од какви и да се преговори, оценувајќи дека станува збор за земја на којашто не може да ѝ се верува. Србија, Унгарија и Австрија рускиот дипломат, пак, ги наведува како земјите со коишто Русија би можела да преговара за новите опции, два дена откако рускиот претседател Владимир Путин во турската престолнина Анкара објави дека Москва го укинува проектот Јужен тек, оправдувајќи го тоа со одолговлекувањето и одбивањето на Бугарија да дозволи поминување на гасоводот преку нејзината територија, на пример, преку ексклузивната економска зона.
Чижов појасни дека новиот гасовод ќе биде трасиран по дното на Црното Море и на копното ќе излезе на западната страна од неговиот европски дел. „Кога овој центар ќе биде изграден на турската територија, ќе видиме, имајќи го предвид времето, а тоа нема да биде скоро, каква ќе биде позицијата на ЕУ и на заинтересираните земји. Во крајна линија, гасоводот може од таму да оди во сите насоки и тоа нема да биде полошо отколку што се движеше Јужен тек од Бугарија кон оние земји коишто се’ уште покажуваат интерес за добивање гас преку Јужен тек“, додаде Чижов.
Истиот ден кога објави дека се откажува проектот Јужен тек, Путин во Анкара најави дека Русија е подготвена да изгради гасен центар на турско-грчката граница, за да испорачува гас во Европа, како надомест за губењето на Јужниот тек./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.
Европа
Во Англија извикал „Алах Акбар“ и убил случаен минувач: „Го направив тоа за луѓето од Газа“
45-годишниот Ахмед Алид вчера беше прогласен за виновен за убиство и обид за убиство. На 15 октомври минатата година, барател на азил од Мароко со нож го уби 70-годишниот Теренс Карни во центарот на англискиот град Хартлпул. Тој претходно го избодел со нож својот заспан цимер Џавед Нури додека викал „Алах Акбар“.
Алид и рекол на полицијата дека сето тоа го направил „за луѓето од Газа“. Само осум дена пред да убие случаен минувач и да го рани својот цимер, милитантите на Хамас го нападнаа Израел. Алид се заколнал дека ќе убиел повеќе луѓе доколку имал митралез и друго оружје, изјави обвинителот Џонатан Сендифорд во Судот во Тесајд.
Алид делел куќа со други баратели на азил во североисточна Англија. Тој бил вознемирен што Нури го прифатил христијанството. Цимерите рекле дека Алид почнал да носи нож откако на телевизија видел прилог за настаните во Газа.
Европа
Крим главна цел: Пентагон откри за што Украина ќе ги користи моќните ракети АТАКМС
Министерството за одбрана на САД ја појасни целта за испорака на ракети со долг дострел во Украина, кои неодамна беа испорачани во тајност. Како што објави „Њујорк тајмс“, целта на испораката на американските ракети АТАКМС е да се зголеми притисокот врз Крим, кој беше анектиран од Русија по референдумот во 2014 година.
Крим го претставува центарот во кој се лоцирани голем број руски воздушни и копнени сили и кој досега, како што пишува американскиот дневен весник, „за нив бил релативно безбедно засолниште“. Ова го тврди анонимен американски функционер. Сепак, Пентагон одби да каже колку точно од овие проектили со дострел од 300 километри се испорачани на украинската страна.
Советникот за национална безбедност на Белата куќа, Џејк Саливан, претходно ја потврди испораката на овие ракети без да прецизира дали тие се модифицирани и имаат зголемен дострел.
Украинските сили веќе употребија АТАКМС, што претседателот Володимир Зеленски го потврди на 17 април, објавувајќи дека бил извршен напад врз воздухопловната база Џанкој, која се наоѓа на 165 километри од линијата на фронтот. Министерството за одбрана на Руската Федерација не ги коментираше овие наводи.
Pentagon reveals Ukraine’s targets for ATACMS missiles – NYT — (the usual baffling lack of retaliation threats from #Putin– instead just the usual bleating that ‘it’s impossible to justify’..Bring Stalin back to life please, Russia) https://t.co/8pi0Lx8tbt #CapeTown #SouthAfrica pic.twitter.com/ZtI5cG3r2m
— Peter Mayson (@theforeverman) April 26, 2024
Американскиот дневен весник потсетува дека Украина првпат добила ракети АТАКМС во септември минатата година, но дека станува збор за верзија со половина дострел. Се шпекулираше дека Украина можеби користела американски ракети за да го урне кримскиот мост, што на почетокот на месецов го потврди и самиот претседател Зеленски, велејќи дека неговата влада „навистина сака да го уништи мостот на Крим“.
Тој е симбол на руската окупација и преку овој мост Русија испорачува воена опрема и ги снабдува војниците во Украина. Во неколку наврати досега мостот беше цел на украински напади.
– Мислам дека е вистинското време, а шефот (Бајден) донесе одлука дека е вистинско време да и го обезбеди на Украина оружјето неопходно за тековната борба. Тоа е добро осмислена и многу конструктивна одлука – изјави адмирал Кристофер Грејди, заменик командант на Здружениот генералштаб на американската армија.
Руската страна го осуди потегот на САД, а рускиот амбасадор во Вашингтон Анатолиј Антонов рече дека тоа „ја зголемува заканата за безбедноста на Крим, вклучително и Севастопол и другите руски градови“.