Европа
Објавена нова британска влада, Борис Џонсон шеф на дипломатијата

– Борис Џонсон, поранешниот градоначалник на Лондон, именуван за шеф на британската дипломатија
Неколку часа откако официјално беше именувана на должноста, новата британска премиерка Тереза Меј, која истакна дека ќе ги прифати предизвиците на излегувањето од Европската унија, во средата вечерта го именуваше за министер за надворешни работи водечкиот евроскептик во Конзервативната партија и поранешен градоначалник на Лондон, Борис Џонсон.
Неколку часа откако официјално беше именувана на должноста, новата британска премиерка Тереза Меј, која истакна дека ќе ги прифати предизвиците на излегувањето од Европската унија, во средата вечерта го именуваше за министер за надворешни работи водечкиот евроскептик во Конзервативната партија и поранешен градоначалник на Лондон, Борис Џонсон.
За огромната задача што ја очекува новата британска влада, премиерката Тереза Меј основаше министерство коешто ќе биде целосно посветено на процесот на излегување на Велика Британија од Европската унија, а ќе го води Дејвид Дејвис, поранешен државен секретар за европски работи.
Меј на поранешниот министер за надворешни работи Филип Хамонд му го довери портфељот на финансии, а Амбер Рад е новата министерка за внатрешни работи, додека Мајкл Фалон останува министер за одбрана.
Претседателот на Европската комисија, Џан-Клод Јункер порача дека „нестрпливо ја очекува блиската соработка“ со Тереза Меј.
Кон крајот на август во Италија ќе се одржи самит за британското излегување од ЕУ меѓу францускиот претседател Франсоа Оланд, германската канцеларка Ангела Меркел и италијанскиот премиер Матео Ренци.
И поборниците на Brexit се нестрпливо и педесетина лица во средата навечер веднаш по вселувањето на Меј во премиерската резиденција пред Даунинг Стир 10 бараат моментално активирање на членот 50 од Лисабонскиот договор за ЕУ, кој ја покренува постапката за напуштање на Унијата.
Педесет и четвртиот британски премиер во историјата, и само втората жена по исто така конзервативката Маргарет Тачер, евроскептичната Тереза Меј во текот на кампањата за референдумот му се приклучи на таборот за останување во ЕУ.
Ќерка на пастор, позната по својата решителност, работна енергија и одредено студенило, таа вети „социјална правда“ и обединување на земјата. Од претходно предупреди дека не предвидува да го покрене членот 50 пред крајот на годинава. А нејзиниот претходник Дејвид Камерон во средата ја повика да не им врти грб потполно на 27-те членки на ЕУ./крај/мф/сн
Извор: Reuters
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
(Видео) Експлодира бензинска пумпа во Рим, неколку повредени, тројца со сериозни изгореници

Неколку лица се повредени, меѓу кои тројца со сериозни изгореници, по експлозија на бензинска пумпа во Рим, јавуваат медиумите.
#Últimahora 🚨 Sentida en #Roma una fuerte explosión originada en un depósito de combustible de #Centocelle. Hay varios heridos.#Rome #Italia #Italypic.twitter.com/DNyPh0Vr7e
— eSPAINews (@eSPAINews_) July 4, 2025
Силна експлозија на дистрибутивна станица за бензин, дизел и течен нафтен гас на Виа деи Гордијани се слушнала во целиот италијански главен град.
Локалниот портал „Рома тудеј“ објави фотографија, на која се гледа огромен облак од чад и пламен над бензинската пумпа.
BREAKING: A powerful explosion struck a fuel depot on Via dei Gordiani in Rome, Italy, injuring multiple people. pic.twitter.com/Aw0EM1dhEW
— Weather Monitor (@WeatherMonitors) July 4, 2025
Агенцијата за јавен превоз во Рим, „Атак“, соопшти дека блиската метро-станица Теано е затворена по наредба на полицијата.
Европа
(Видео) Украинците со дронови нападнаа трафостаница во близина на Москва

Украина изврши напад со беспилотно летало врз областа Сергиев Посад во близина на Москва рано утрово, при што едно лице беше повредено и беше прекинато снабдувањето со електрична енергија во делови од верски значајниот центар, изјави раководителот на областа.
„Ги молам сите да останат смирени, да не се приближуваат до прозорците, да не ја фотографираат работата на воздушната одбрана“, напиша Оксана Јероханова во објава на апликацијата за пораки Телеграм.
Таа рече дека во округот – на околу 75 километри од Кремљ – биле пријавени најмалку четири експлозии и дека е оштетена трафостаница, оставајќи делови од округот без електрична енергија.
Drones strike Russia’s Sergiyev Posad in the Moscow region, with a power station among the damaged targets. pic.twitter.com/H2vVCwddql
— KyivPost (@KyivPost) July 4, 2025
Административниот центар на округот, градот Сергиев Посад, се смета за религиозен центар на Московскиот регион и духовно срце на Руската православна црква.
Руското Министерство за одбрана соопшти на Телеграм дека единиците за воздушна одбрана уништиле 48 украински беспилотни летала над пет руски региони преку ноќ. Министерството, кое известува само за бројот на беспилотни летала што ги уништиле неговите сили, а не за бројот на летала лансирани од Украина, не го наведе Московскиот регион како регион каде што биле соборени беспилотните летала.
Европа
(Видео) „Ова беше една од најлошите ноќи во Киев досега“, вели украинскиот министер за надворешни работи

Украинскиот министер за надворешни работи Андриј Сибиха изјави дека синоќа во Киев било „апсолутно ужасно и бессоно“ и „едно од најлошите досега“, откако Русија започна масовен, повеќечасовен ракетен и напад со дронови, врз украинската престолнина.
„Стотици руски дронови и балистички ракети паѓаа врз Киев“, објави Сибиха на платформата Икс.
Absolutely horrible and sleepless night in Kyiv. One of the worst so far.
Hundreds of Russian drones and ballistic missiles rained down on the Ukrainian capital.
Right after Putin spoke with President Trump. And he does it on purpose.
Enough of waiting! Putin clearly shows… pic.twitter.com/R0mlfUgJRx
— Andrii Sybiha 🇺🇦 (@andrii_sybiha) July 4, 2025
Тој додаде дека нападот бил извршен веднаш откако рускиот претседател Владимир Путин разговарал со американскиот претседател Доналд Трамп, заклучувајќи: „И тој го прави тоа намерно“.
„Доста чекање. На Москва мора веднаш да ѝ се воведат најстрогите можни санкции“, рече тој. Сибиха ја повика меѓународната заедница да престане да чека и решително да реагира.
„Путин јасно покажува целосно непочитување кон САД и сите оние кои повикаа на крај на војната. На Москва мора веднаш да ѝ се воведат најстрогите можни санкции. На Украина мора да ѝ се дадат сите потребни средства за нејзина одбрана“, рече тој.
Тој, исто така, предупреди дека одлуките што одложуваат можат само да го охрабрат агресорот да продолжи со теророт, заклучувајќи: „Секој криминален режим во светот сега внимателно ги следи потезите и реакциите на Путин на нив. Ако се извлече со ова, пораката ќе им биде јасна на сите. Престанете да чекате мир. Дејствувајте за да го постигнете. Мир преку сила“.
Киев синоќа беше под интензивно гранатирање со часови. Руските сили нападнаа најмалку 13 локации во градот, а според градоначалникот Виталиј Кличко, повредени се најмалку 19 лица, од кои 14 се хоспитализирани.