Организацијата за безбедност и соработка во Европа (ОБСЕ) објави во четвртокот, две седмици по уривањето на малезискиот патнички авион во источна Украина при што загинаа 298 луѓе, дека нејзините набљудувачи, заедно со австралиските и холандските експерти за авионски несреќи пристигнале од остатоците од авионот, но на патот до локацијата можеле да попаднат под оган, јавија бунтовниците од Донецк.
 

Организацијата за безбедност и соработка во Европа (ОБСЕ) објави во четвртокот, две седмици по уривањето на малезискиот патнички авион во источна Украина при што загинаа 298 луѓе, дека нејзините набљудувачи, заедно со австралиските и холандските експерти за авионски несреќи пристигнале од остатоците од авионот, но на патот до локацијата можеле да попаднат под оган, јавија бунтовниците од Донецк.

Офанзивата на украинската армија против проруските бунтовници кои ја контролираат областа на падот на авионот, досега ги оневозможуваше меѓународните експерти да ја започнат истрагата за падот на малезискиот „Boeing 777“ на летот од Амстердам до Куала Лумпур на 17-ти јули, пишува Reuters.

„Набљудувачите на ОБСЕ првпат по речиси една седмица првпат стигнаа до остатоците од МН17. Со нив се холандските и австралиските стручњаци. Дојдоа по нов пат“, објави ОБСЕ на Twitter.

Украинските власти, по инсистирање на владите на земјите коишто се најмногу заинтересирани за истрагата за падот на авионот, објавија во четвртокот дека ги прекинуваат нападите прекинуваат нападите во источниот дел од земјата за да може да им се овозможи на меѓународните експерти пристапот, но објави дека бунтовниците не престануваат со нападите.

Проруските сили, пак, демантира дека водат борбени дејствија во областа во близина на Донецк и како и претходните денови го обвинија Киев дека се обидува да ја заземе областа на несреќата, иако украинскиот претседател Петро Порошенко издаде наредба украинските сили да се сопрат во радиус од 40 километри од местото на несреќата.

На Facebook владата на Украина најави еднодневен прекин на огнот со образложение дека ќе го послушаат апелот на генералниот секретар на Обединетите нации, Бан Ки-мун и да престанат со борбите на местото на падот на авионот, пренесува агенцијата DPA.

Малата извидничка мисија ќе го објави прелиминарниот преглед на областа, се вели во соопштението на холандската мисија. „Сега само прелиминарно ќе извршиме преглед на теренот за при следното доаѓање да можеме што побрзо да ја започнеме истрагата“ се вели во соопштението.

Повеќето меѓународни набљудувачи и експерти и натаму се наоѓаат во Донецк, главното седиште на бунтовниците во источна Украина. Тие на пат за местото на падот на авионот попаднале под оган, изјави членот на Советот за безбедност на самопрогласената Народна Република Донецк, Сергеј Кавтарадзе. „Имајќи предвид дека тие минуваа низ зона на воени дејствија, не може да се исклучи тоа (дека било стрелано врз мисијата)“, изјави за телевизијата Россия-24 одговарајќи на прашањето дали е запознаен за наводното гранатирање на членовите на експертскиот тим на ОБСЕ.

Кавтарадзе притоа истакна дека според информациите со кои располага „директно од набљудувачите на ОБСЕ“, „во моментот на истражувањето на местото на несреќата, се слушнале истрели од автоматско оружје“.

Според него, припадници на ткн милицијата на самопрогласената ДНР успеале да ги придружуваат експертите до местото на несреќата и „тие можеа да работат“. Тоа се случува „откако неколку дена експертите не може да дојдат до месото на падот на авионот, бидејќи украинските сили ја продолжија операцијата во зоната на падот на авионот, користејќи притоа тешка воена опрема“, истакна Кавтарадзе.

Истакна, исто така, дека украинските сили продолжуваат „да употребуваат оружје, односно фактички продолжуваат да го нарушуваат прекинот на огнот, наметнат од Советот за безбедност при ОН“. Според Кавтарадзе од страна на борците на ДНР „такви (борбени) дејствија не се преземаат, и тие имаат исклучиво одбранбен карактер“/ „Ние и претходно објавивме дека еднострано го прекинуваме огнот“, рече./крај/мф/сн