Европа
ОБСЕ потврди дека Мариупол е гаѓан од североисток, Киев јавува за 30 мртви, бунтовниците демантираат
Гаѓањето на градот Мриупол во Донецката област е извршено од источна и североисточна насока, се наведува во извештајот на специјалната набљудувачка мисија на Организацијата за безбедност и соработка во Европа (ОБСЕ), без да се прецизира чии единици се наоѓаат во тоа подрачје, додека прозападните власти во Киев ги обвинуваат рускојазичните бунтовници и соопштуваат дека во гранатирањето имало 30 цивилни жртви, а, пак, овие тврдат дека станува збор за погрешно отворање оган од страна на украинските сили.
„Специјалната набљудувачка мисија на ОБСЕ спроведе анализа на кратерите и прелиминарната процена покажува дека станува збор за експлозии на проектили од системите ‘Град’ и ‘Уран’. Според анализата, проектилите ‘Град’ се истрелани од североисточен правец, додека проектилите ‘Уран’ од исток“, се вели во извештајот на ОБСЕ објавен во саботата ноќта.
„Претставниците на мисијата регистрираа бројни оштетувања на згради, продавници, домови и училишта. Мисијата регистрираше 19 ракетни удари. Гаѓањето во областа на улицата Олимписка на 8,5 километри од центарот на Мариупол околу 400 километри од контролен пункт на украинската војска“, се дова во извештајот.
Властите во Киев толкувајќи ги зборовите на претседателот на самопрогласената ткн Донецка народна република, Александар Захарченко, тврдат дека рускојазичните бунтовници покренале офанзива врз овој стратешки град на брегот на Азовското Море, но Захарченко тоа го демантираше тврдејќи дека нивните сили не се подготвуваат за напад врз градот.
Претставниците на рускојзаичните бунтовнички сили од самопрогласената ткн Народна република Донецк во источна Украина, уште во саботата претпладнето ја демантираа информацијата што претходно ја пренесоа западните агенции повикувајќи се на официјални претставници на прозападните власти во Киев, и тврдат дека не поседуваат артилерија со којашто наводно го гаѓале Мариупол.
Со заземањето на Мариупол, половина милионски град со мнозинско рускојазично население кој од април 2014 година е под контрола на Националната гарда на Украина а во контраофанзивата од август минатата година до неговите предградија избија проруските бунтовници, би се воспоставила копнена врска на одметнатите источни проруски региони и црноморскиот полуостров Крим кој ланскиот март преку референдум се присоедини кон Руската Федерација, што Западот го смета за нелегална руска анексија на украинска територија.
Захарченко и другите челници на проруските бунтовници негираа одговорност за гранатирањето на Мариопул, обвинувајќи го Киев за провокација.
„До денеска ние не преземавме активни дејствија во Мариупол. Ние ја чуваме нашата сила. Меѓутоа, откако Киев реши да ја префрли одговорноста за погрешното отворање на оган од нивните системи ‘град’ од Бердјанск врз станбена населба, јас дадов наредба за неутрализирање на позицијата на украинската војска источно од градот“, изјави Захарченко, пренесува РИА Новости.
„Меѓутоа, никој нема да го нападне градот“, истакнува челникот на самопрогласената Народна република Донецк.
Според Захарченко, во текот на последните денови Киев групирал моќни воени единици во Мариупол, а позициите коишто ги држат проруските сили во блискиот град Новоазовск се во опсада и се подложени на оган од ракетни системи „Град“ и тешка артилерија.
„Во саботата таму се појавија уште и оклопните возила на 28-та украинска бригада. Тоа го прават со цел да ги засилиме нашите единици во областа на Мариупол со оние кои се вклучени во одбраната на аеродромот во Донецк за да не’ ослабат и да не’ отфрлат од таму“, додава Захарченко.
Истакнува во изјавата дека жителите на Мариупол не треба да стравуваат, бидејќи „таму се наши луѓе, исто како и во Донецк“.
Во гранатирањето на станбена населба во Мариупол загинаа 30 луѓе, а овој број би можел да расте, се наведува на интернет страницата на градоначалникот на овој пристанишен и индустриски град, кој освен во априлските безредија во градот со десетина жртви, досега беше поштеден од судирите. Се додава дека има 96 ранети цивили.
Во гранатирањето уништени се целосно три куќи, а на три деветкатници се искршени прозорците од ударниот бран, јавува репортерот на AFP. Јавува дека и по десет часа од гранатирањето пожарникарите се справуваат со огнот, а војниците и полицијата патролираат по опустените улици.
Во саботата доцна вечерта американскиот државен секретар Џон Кери ги обвини проруските бунтовници за напад врз Мариупол.
Давајќи ја изјавата во Цирих, Кери рече дека „треба да се осуди тоа што сепаратистите (како што Западот и Киев ги нарекуваат рускојазичните бунтовници –з.р.) јавни ги величаа овој и другите напади, отворено го нарушуваат од нив потпишаниот договор од Минск“, пренесува Reuters.
Кери истовремено ја повика Русија „веднаш да ја прекина поддршката на сепаратистите“ во југоисточна Украина. Во спротив, како што се закани државниот секретар, „американскиот и меѓународниот притисок врз Русија и нејзините поддржувачи само ќе се зголемува“.
Москва, пак, како и повеќепати досега тврди дека на никаков начин не е вмешана во конфликтот во соседна Украина кој го нарекува „внатрешен“, како и дека не ги снабдува бунтовниците со опрема и војници, и бара докази за таквите обвинувања. Русија, исто така, го обвинува Западот, дека со снабдувањето со оружје на Киев ги подгрева милитантните струи кои гледаат воено решение на судирот во југоисточните региони на земјата./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Орбан: Колапсот на Украина би бил катастрофа за Унгарија
Унгарскиот премиер Виктор Орбан изјави дека колапсот на Украина би бил катастрофа за Унгарија и дека мора да се направи сè за да се спречи тоа.
Тој ја испрати пораката во неделата за време на говорот во Сегед како дел од својата предизборна турнеја, каде што се соочува со силна опозиција пред претстојните избори прв пат по 15 години на власт, пренесува „Евроњуз“.
„Немојте да се залажувате: колапсот на Украина би бил катастрофа за Унгарија. Затоа колапсот на Украина не е во интерес на Унгарија, но ние мора да направиме многу за да го спречиме“, им рече Орбан на своите поддржувачи фокусирајќи се на надворешната политика.
Тој го илустрира својот став со споредба: „Луѓето од село совршено добро разбираат дека вредноста на вашето парче земја е под влијание не само на состојбата на таа земја туку и на состојбата на соседното парче земја, како и на тоа кој живее таму“.
Клучен снабдувач со енергија
Орбан исто така истакна дека Украина зависи од Унгарија за 44 % од својата електрична енергија и 56 % од природниот гас што го троши. Тој додаде дека значителен дел од оваа енергија доаѓа од руски извори. Унгарските власти претходно ги наведоа овие бројки како одговор на критиките за блиските врски на Унгарија со Русија.
💥 “It’s not clear who attacked whom,” Hungarian PM Viktor Orbán said today at a presser on the Russia–Ukraine war, after an EU summit where he opposed any financial help for Ukraine. He’s escalating his rhetoric, for the first time openly questioning that Russia started the war. pic.twitter.com/liuQGa0Dsm
— Szabolcs Panyi (@panyiszabolcs) December 19, 2025
Еден ден претходно, унгарскиот премиер коментира за руската инвазија на Украина наведувајќи дека е „тешко да се каже кој кого нападнал“, што е спротивно на преовладувачкиот меѓународен став за војната.
Во својот говор во саботата тој исто така го повтори својот став дека обезбедувањето воена помош за Украина само го продолжува конфликтот и, според него, не им служи на интересите на Украина.
Европа
„Асошиетед прес“: Русија наводно развива ново оружје за уништување на сателитите „Старлинк“
Разузнавачките агенции на две членки на НАТО се сомневаат дека Русија развива ново антисателитско оружје дизајнирано да ја нападне констелацијата „Старлинк“ на Илон Маск со деструктивни облаци од шрапнели во орбитата, со цел да ја ограничи западната вселенска супериорност, што ѝ помогна на Украина на бојното поле, објавува „Асошиетесд прес њуз“.
Според разузнавачките информации, во кои увид имал „Асошиетед прес“, таканареченото оружје со зонски ефект би се обидело да ги преплави орбитите на „Старлинк“ со стотици илјади топчиња со висока густина, потенцијално онеспособувајќи повеќе сателити одеднаш, но исто така ризикувајќи катастрофална колатерална штета на други орбитални системи.
Аналитичарите што не ги виделе извештаите изразуваат сомнеж дека таквото оружје би можело да функционира без да предизвика неконтролиран хаос во вселената за компаниите и земјите, вклучувајќи ги Русија и нејзиниот сојузник Кина, кои се потпираат на илјадници сателити во орбитата за комуникации, одбрана и други витални потреби.
Ваквите последици, вклучувајќи ги и ризиците за сопствените вселенски системи, би можеле да ја одвратат Москва од распоредување или користење такво оружје.
Сомнежи на експертите
„Не верувам во тоа. Навистина не верувам во тоа“, рече Викторија Самсон, експерт за вселенска безбедност во фондацијата Secure World. „Искрено, би била многу изненадена ако направат нешто такво“.
Сепак, командантот на вселенската дивизија на канадската војска, бригаден генерал Кристофер Хорнер, рече дека таквата руска работа не може да се исклучи во светлината на претходните американски обвинувања дека Русија исто така развива неселективно нуклеарно оружје базирано во вселената.
„Не можам да кажам дека сум свесен за таков систем. Но, тоа не е неверојатно“, рече тој. „Ако извештаите за систем на нуклеарно оружје се точни и ако се подготвени да го развијат и да одат до тој степен, тогаш не би бил шокиран ако нешто малку помало од тоа, но еднакво штетно, е во нивниот дофат на развој“.
Портпаролот на Кремљ, Дмитриј Песков, не одговори на барањата за коментар. Русија претходно повика на напори на Обединетите нации за спречување поставување оружје во орбитата, а претседателот Владимир Путин рече дека Москва нема намера да постави нуклеарно оружје во вселената.
„Старлинк“ како клучна закана
Според разузнавачките информации, Русија го смета „Старлинк“ за особено сериозна закана. Илјадниците сателити во ниска орбита беа клучни за опстанокот на Украина против руската инвазија, која сега е во четвртата година.
Украинските сили ја користат брзата интернет-услуга на „Старлинк“ за комуникации на бојното поле, таргетирање оружје и други цели како што прават и цивилите и владините претставници, каде што руските напади ги прекинаа комуникациите. Руските претставници постојано предупредуваат дека комерцијалните сателити што ѝ служат на украинската војска би можеле да бидат легитимни цели.
Европа
Данската пошта ја прекинува доставата на писма по 400 години
По повеќе од 400 години традиција, данската поштенска служба „ПостНорд“ ќе го достави своето последно писмо на 30 декември, затворајќи важно поглавје во историјата на земјата.
Дигитализацијата ги затвора поштенските услуги
Претходно оваа година, „ПостНорд“ објави крај на доставата на писма во Данска, наведувајќи ја брзата дигитализација и драстичниот пад на обемот на поштата како главни причини. Во текот на изминатите 25 години, доставата на писма во земјата опадна за повеќе од 90 проценти. Како резултат на промените, компанијата ќе отпушти 1.500 работни места и ќе отстрани ист број од своите иконски црвени поштенски сандачиња.
Носталгичните Данци ги зграпчуваат поштенските сандачиња
Фактот дека на Данците сè уште им недостига стариот начин на испраќање пошта е потврден од неверојатниот интерес за купување расклопени поштенски сандачиња. Кога 1.000 од нив беа понудени на продажба претходно овој месец, тие се распродадоа за само три часа. Цената за поштенски сандачиња во добра состојба беше 2.000 дански круни (268 евра), додека оние со повидливи знаци на употреба беа продадени за 1.500 круни (201 евро).
Приватна компанија ја презема услугата
Иако „ПостНорд“ ја прекинува доставата на писма во Данска, ќе ја продолжи услугата во соседна Шведска и ќе понуди ограничени повратни средства за неискористени дански марки. Услугата за достава на писма во Данска ќе ја преземе приватната компанија „Дао“ од јануари.
Компанијата планира да ги прошири своите операции за да ја исполни законската обврска дека поштенската опција мора да остане достапна за сите граѓани.
Минималната плата ќе се зголеми во март за 1.500-2.000 денари, зголемување пред март ќе значи отпуштање работници, вели Дурмиши
Економско – социјалниот совет на денешната седница не се договори за зголемување на минималната плата барем на 500 евра, според...
На аеродромот во Скопје откажани се осум лета, а еден е пренасочен
Авиосообраќајот на Меѓународниот Аеродром Скопје се стабилизира, реализирани се 27 лета, откажани се осум лета, а еден е пренасочен, соопшти...
(Фото) Николоски: На автопатот Охрид – Кичево се вршат сложени инженерски зафати, кои првпат се користат во регионот
Првпат на автопатот Охрид-Кичево изведуваме сложени инженерски и градежни зафати и ова првпат се изведува во регионот, а се со...
Мисајловски: Буџетот за одбрана за 2026 е 358 милиони евра, што е 8,4 проценти повеќе од годинава
Стабилно буџетирање, дополнителен стимул во процесот на модернизација и целосното почитување и унапредување на правата и обврските кон вработените, се...
Мицкоски: Зголемувањето на минималната плата мора да биде резултат на заедничка согласност меѓу работниците и работодавците
Целта на Владата е да создаде посилна економија која отвора нови работни места и обезбедува достоинствен животен стандард за секој...
Трамп менува 30 амбасадори, меѓу кои и Агелер
Администрацијата на американскиот претседател Доналд Трамп заменува 30 дипломати од кариера од амбасадорски и од други позиции во амбасадите, меѓу...
Македонија трета во Европа по убиства на жени од партнер или член на семејство
Македонија се најде на третото место во Европа според стапката на убиства на жени извршени од партнер или член на...
(Видео) Руски генерал убиен во Москва
Руски генерал е убиен во експлозија во Москва, потврдија руските власти. Рускиот истражен комитет соопшти дека генерал-потполковник Фанил Сарваров е...
Американски државјанин истепал полицаец пред ноќен клуб во Градскиот парк: кај Американецот пронајдени поголемо количество оружје и муниција
Основното јавно обвинителство Скопје донесе Наредба за спроведување истражна постапка против американски државјанин со потекло од Нигерија, бидејќи по преземени...
(Видео) Сојузник на Трамп: Ако Путин го отфрли мировниот договор, мора да одиме до крај
Републиканскиот американски сенатор и сојузник на претседателот Доналд Трамп, Линдзи Греам, изјави дека Вашингтон треба драстично да го зголеми притисокот...
Батлер во Елисејската палата крадел садови и порцелан: сакал да ги продаде на интернет
Главниот послужувач задолжен за среброто во Елисејската палата е уапсен под сомнение за кражба на вредни садови и порцелан, а...
Трамп назначи специјален пратеник за Гренланд
Американскиот претседател Доналд Трамп вчера објави дека го назначува гувернерот на Луизијана, Џеф Ландри, за специјален пратеник за Гренланд. „Џеф...
Намалена видливост поради магла на неколку патни правци
Сообраќајот на државните патишта се одвива непречено, по претежно влажни коловози. Намалена видливост поради појава на магла до 200 метри...
Објавени имињата на сопружниците кои загинаа враќајќи се од Германија, братот на починатиот е во кома
Во тешка сообраќајна несреќа што се случи рано утрово на автопатот Белград- Ниш, во близина на клучката Умчари, две лица...
Доктор Беќаровски советува: Како да се заштитиме во денови на екстремно загадување
Во денови кога концентрациите на ПМ 2.5 и ПМ 10 честичките се енормно високи, а загадениот воздух станува сериозна закана...
МВР апелира до возачите да внимаваат поради маглата
Министерството за внатрешни работи (МВР) денеска упати апел до сите учесници во сообраќајот крајно внимателно да ги управуваат своите возила...
Маж и жена, државјани на Македонија загинаа на автопатот Белград – Ниш
Двајца државјани на Македонија, маж и жена од албанско потекло, загинаа рано утринава во тешка сообраќајна несреќа што се случи...
Скопје утрово го сруши рекордот, најзагаден град е во Европа
Скопје утрово се најде на 21. место на најзагадени градови светот и прв во Европа, покажуваат податоците на светскиот сервис на мерење...
АХВ откри над 2 тони киви со ларви и инсекти кои требало да се продаваат во државава
Поради променети органолептички својства и утврдено присуство на ларви и инсекти, инспектор за храна на Агенцијата за храна и ветеринарство,...
Поради зимата во Газа умираат бебиња и деца, повик до Израел да дозволи помош
Организацијата „Лекари без граници“ (Médecins Sans Frontières – MSF) вчера предупреди дека бебиња и деца во Појасот Газа умираат од...
