Европа
Очекувана победа на Единствена Русија на локалните избори
Владејачката руска партија Единствена Русија во неделата очекувано надмоќно победи на локалните е избори во престолнината Москва и во покраините, покажуваат официјалните податоци објавени во понеделникот.
Владејачката руска партија Единствена Русија во неделата очекувано надмоќно победи на локалните е избори во престолнината Москва и во покраините, покажуваат официјалните податоци објавени во понеделникот.
Партијата Единствена Русија на премиерот Дмитриј Медведев, освои 28 од 45 места во Думата во Москва, каде што инаку е концентриран отпорот против власта, соопшти изборната комисија. Комунистичката партија освои 5 мандати, а патриотската партија Родина (Татковина) и Руската демократска либерална партија (ЛДПР, која се смета за ултранационалистичка и популистичка), по еден. Десет места им припадна ана независните кандидати.
„Сите независни кандидати ја имаа поддршката на Единствена Русија“, изјави аналитичарот Григориј Мелконијанц, заменик претседател на невладината организација за правата на избирачите Голос, истакнувајќи дека „на вистинските кандидати на опозицијата им било оневозможено да учествуваат на изборите“. Го спомена примерот на опозициската новинарка и активистка за човекови права Олга Романова којашто не можеше да се пријави како независен кандидат, откако московската изборна комисија за неважечки прогласи 19 отсто од потписите за нејзината кандидатура.
Во неделата руските гласачи излегоа и на изборите за гувернери на покраините, па така првпат се гласаше и на Крим, црноморскиот полуостров со околу 60 отсто етничко руско население присоединет кон советска Украина во 1950-те кој откако во февруари по безредијата во Киев на власт дојдоа прозападните сили, организираше во март референдум за враќање на автономијата укината по осамостојувањето на Украина во 1990-те и изгласа просоединување кон Руската Федерација. Овој чин Киев и Западот го сметаат за нелегитимен и за руска анексија на украинска територија.
Според првичните резултати, кандидатите на Единствена Русија победиле на изборите за гувернери во 28 од 30 покраина, соопшти државната изборна комисија.
Руската опозиција, која ја има поддршката од западните земји и покрај огромната доверба на рускиот претседател Владимир Путин во испитувањата на јавното мнение, особено по избувнувањето на украинската криза, се жалеше и на овие резултати.
„Кандидатите кои партијата на власт ги оценила опасни не може ада учествуваат на изборите“, оценува весникот Ведомости. Според него, „вистинската конкуренција“ ја оневозможило „преголемиот број потписи кои независните кандидати морале да ги соберат“ кои се движеа од 3 до 10 отсто, во зависност од бројот на избирачите во покраините.
„Како и што се очекуваше, првите избори за гувернери на покраините не изненадуваат. Сегашните гувернери однесоа убедлива победа“, заклучува, пак, дневниот весник Новаја газета./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.
Европа
Во Англија извикал „Алах Акбар“ и убил случаен минувач: „Го направив тоа за луѓето од Газа“
45-годишниот Ахмед Алид вчера беше прогласен за виновен за убиство и обид за убиство. На 15 октомври минатата година, барател на азил од Мароко со нож го уби 70-годишниот Теренс Карни во центарот на англискиот град Хартлпул. Тој претходно го избодел со нож својот заспан цимер Џавед Нури додека викал „Алах Акбар“.
Алид и рекол на полицијата дека сето тоа го направил „за луѓето од Газа“. Само осум дена пред да убие случаен минувач и да го рани својот цимер, милитантите на Хамас го нападнаа Израел. Алид се заколнал дека ќе убиел повеќе луѓе доколку имал митралез и друго оружје, изјави обвинителот Џонатан Сендифорд во Судот во Тесајд.
Алид делел куќа со други баратели на азил во североисточна Англија. Тој бил вознемирен што Нури го прифатил христијанството. Цимерите рекле дека Алид почнал да носи нож откако на телевизија видел прилог за настаните во Газа.
Европа
Крим главна цел: Пентагон откри за што Украина ќе ги користи моќните ракети АТАКМС
Министерството за одбрана на САД ја појасни целта за испорака на ракети со долг дострел во Украина, кои неодамна беа испорачани во тајност. Како што објави „Њујорк тајмс“, целта на испораката на американските ракети АТАКМС е да се зголеми притисокот врз Крим, кој беше анектиран од Русија по референдумот во 2014 година.
Крим го претставува центарот во кој се лоцирани голем број руски воздушни и копнени сили и кој досега, како што пишува американскиот дневен весник, „за нив бил релативно безбедно засолниште“. Ова го тврди анонимен американски функционер. Сепак, Пентагон одби да каже колку точно од овие проектили со дострел од 300 километри се испорачани на украинската страна.
Советникот за национална безбедност на Белата куќа, Џејк Саливан, претходно ја потврди испораката на овие ракети без да прецизира дали тие се модифицирани и имаат зголемен дострел.
Украинските сили веќе употребија АТАКМС, што претседателот Володимир Зеленски го потврди на 17 април, објавувајќи дека бил извршен напад врз воздухопловната база Џанкој, која се наоѓа на 165 километри од линијата на фронтот. Министерството за одбрана на Руската Федерација не ги коментираше овие наводи.
Pentagon reveals Ukraine’s targets for ATACMS missiles – NYT — (the usual baffling lack of retaliation threats from #Putin– instead just the usual bleating that ‘it’s impossible to justify’..Bring Stalin back to life please, Russia) https://t.co/8pi0Lx8tbt #CapeTown #SouthAfrica pic.twitter.com/ZtI5cG3r2m
— Peter Mayson (@theforeverman) April 26, 2024
Американскиот дневен весник потсетува дека Украина првпат добила ракети АТАКМС во септември минатата година, но дека станува збор за верзија со половина дострел. Се шпекулираше дека Украина можеби користела американски ракети за да го урне кримскиот мост, што на почетокот на месецов го потврди и самиот претседател Зеленски, велејќи дека неговата влада „навистина сака да го уништи мостот на Крим“.
Тој е симбол на руската окупација и преку овој мост Русија испорачува воена опрема и ги снабдува војниците во Украина. Во неколку наврати досега мостот беше цел на украински напади.
– Мислам дека е вистинското време, а шефот (Бајден) донесе одлука дека е вистинско време да и го обезбеди на Украина оружјето неопходно за тековната борба. Тоа е добро осмислена и многу конструктивна одлука – изјави адмирал Кристофер Грејди, заменик командант на Здружениот генералштаб на американската армија.
Руската страна го осуди потегот на САД, а рускиот амбасадор во Вашингтон Анатолиј Антонов рече дека тоа „ја зголемува заканата за безбедноста на Крим, вклучително и Севастопол и другите руски градови“.