Европа
Од јануари преку Средоземјето во Европа стигнале над 600.000 бегалци
Повеќе од 600.000 бегалци и имигранти пристигнале преку Средоземното Море во Европа од јануари до септември 2015 година, а повеќе од 3.100 од нив ги загубиле животите или се сметаат за исчезнати, објави во петокот Меѓународната организација за миграции (IOM).
За деветте месеци од годинава повеќе од 613.000 имигранти и бегалци го минале Медитеранот, 34.720 успеале да стигнат до грчките брегови, а околу 137.000 до италијанските, според овој извештај на IOM.
Според податоците на Високиот комесаријат за бегалците на ОН – УНХЦР, повеќето бегалци се Сиријци, а во Грција тие претставуваат 69 отсто од пристигнатите. Портпаролот на УНХЦР Адријан Едвардс изјави дека октомври, кога станува збор за бегалците, бил помирен месец од септември, освен во случајот на изминатите два дена, кога во Грција дневно пристигнувале меѓу 70 и 80 бродови. Во средата на грчкиот остров Лезбос допловиле 85 бродови со бегалци, што е првата етапа од нивното патешествие по Европа.
„Поголемиот број пристигнати во последните два дена може да биде последица од подобрувањето на временските услови, како бран пред почетокот на зимата, а може да се поврзе и со стравување од можното скорешно блокирање на европските граници“, обајсни на прес-конференцијата Едвардс.
Доаѓањето на илјадници бегалци и имигранти на Лезбос не мина без тензии.
„Персоналот на УНХЦР мораше накусо да се евакуира од центарот за регистрирање на бегалците, кога дојде до насилство меѓу нив“, рече портпаролот, додавајќи дека во моментов на северниот дел од овој грчки остров се наоѓаат меѓу 3.500 и 4.000 лица, но дека „нивниот транспорт со автобуси во моментов е прекината, бидејќи центрите за прифаќање се преполни“.
Портпаролот на УНИЦЕФ, Кристоф Булиерак, изјави дека дождот и студот се главните пречки за доаѓањето на бегалците, особено при доаѓањето на Балканот. Во септември во Грција секојдневно влегувале меѓу 4.000 и 6.000, а најмногу пристигнале на 9-ти, дури 9.000./крај/мф/сн
Извор: Reuters
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Британска компанија ги тужи „Фајзер“ и „Бионтек“: Ја украдоа нашата технологија за вакцина против Ковид
Британската фармацевтска компанија GlaxoSmithKline (GSK) денеска поднесе тужба пред федералниот суд во Делавер против американскиот Pfizer и германскиот BioNTech, тврдејќи дека тие ги прекршиле нејзините патенти за технологијата на гласник РНК (mRNA) во нивните вакцини против Ковид-19.
Вакцините Comirnaty на Pfizer и BioNTech ги прекршуваат иновациите на GSK заштитени со патент во mRNA вакцините, развиени „повеќе од десет години пред“ пандемијата на ковид-19, се вели во тужбата.
Патентите ја покриваат технологијата за пренос на нестабилна гласничка РНК во човечки клетки, која научниците почнаа да ја развиваат во 2008 година, а GSK стана сопственик кога го купи бизнисот со вакцини на Novartis во 2015 година, се додава.
Британската компанија бара парична отштета од Pfizer и BioNTech, вклучително и такси за патент, без да наведе износ.
Портпаролката на Pfizer во соопштението нагласи дека компанијата е „сигурна во својата позиција во однос на интелектуалната сопственост поврзана со Comirnaty“ и дека има намера „енергично да се брани“ од тврдењата на GSK. Портпаролот на BioNTech одби да ја коментира тужбата.
Портпаролот на GSK рече дека компанијата верува дека нејзините патенти „ја обезбедуваат основната технологија што се користи во mRNA вакцините на Pfizer и BioNTech против ковид-19“. GSK е „подготвен да ги лиценцира овие патенти под комерцијално разумни услови за да обезбеди пристап“ до вакцините.
Европа
(Видео) 19-годишна девојка во Украина се обидела да го продаде синот, барала 23.500 евра
Во украинскиот град Днипро, 19-годишна девојка се обидела да го продаде сопствениот двегодишен син, соопшти локалната полиција, пренесоа украинските медиуми.
Девојката наводно побарала еден милион гривни, што е околу 23.500 евра за своето дете. 19-годишната девојка наводно му го понудила детето на својот познаник и договорила средба со него. Во вторникот полицијата приведе маж додека носел пари на договорена локација.
Девојката наводно рекла дека не сака да се грижи за својот син, па решила да го продаде. Со парите што ги добила планирала да отвори сопствен бизнис.
Детето е земено во полиција и предадено на надлежните органи. Против неговата мајка е подигнато обвинение за трговија со луѓе.
Европа
Уапсени тројца мажи во истрагата за бруталното убиство на Хрват во Даблин
Уапсени се тројца мажи осомничени за убиството на 31-годишен Хрват, Јосип Штрок во Даблин минатиот месец, пишуваат ирските медиуми.
Тие се осомничени дека ги претепале Штрок, кој живеел и работел во Даблин, и неговиот пријател. Штрок почина од повредите на 3 април.
Неговиот пријател за хрватските медиуми изјавил дека биле во продавница и планирале да се дружат, кога група луѓе им кажала да почнат да зборуваат англиски.
„Немате почит кон нашата земја, ова е Ирска…“, изјави тој за Јутарњи. Тие влегле во автобусот и не забележале дека напаѓачите ги следат и биле нападнати одзади.
„Прво ме удрија со нешто, не знам дали беше шипка или палка. Ги прашав полицајците за деталите што ги виделе на видеото, а кои наводно ги имаат“, рече тој, додавајќи дека следното нешто се сеќава е кога се разбудил во болница.