Европа
Осумгодишно момче од Хоргош преживува од храната што ја фрлаат мигрантите
Золтан Вранка има само осум години и живее во местото кое последните месеци е преплавено со сириски бегалци, Хогрош.
Золтан Вранка има само осум години и живее во местото кое последните месеци е преплавено со сириски бегалци, Хогрош.
Секој ден момчето собира храна, вода и гардероба која зад себе ја оставаат бегалците за да ги однесе дома и да и помогне на мајка си. Се надева дека од работите кои ги собира нешто ќе може и да продаде за да си купи школски прибор.Мака му Силвија Моноштори вели дека не знае кој ги направил фотографиите од син и како носи ќесиња со собрани остатоци.„Ние сме сиромашни, но мојот син не носи дома остатоци од храна кои зад себе ја оставаат бегалците од Блискиот Исток. Точно е дека Золтан дома носеше ќебиња и облека, која зад себе ја оставаа државјаните на Сирија, Ирак и други земји откако заминаа по новата рута кон српско-хрватската граница“, вели Силвија која со синот и со двегодишната ќерка живее во куќа без струја.Се издржуваат од социјална помош и истакнуваат дека навистина им е тешко.„Золтан неодамна почна во училиште, но нема комплетен школски прибор. Му недостасуваат тетратки, линеари…. Сиротото дете помислил дека ако ги продадеме ќебињата и облеката која Сиријците ја оставаат може нешто и да заработиме, па ги носеше дома. Гледа и тој дека не можам сама да се изборам со немаштијата“, вели мајката.Несреќната жена не спори дека децата ги одгледува во беда, но истакнува дека минатите денови била подготвена она малку што го има да го подели со мигрантите.„Нам ни е тешко…. немаме речиси ништо, а како ли им е ним кои останале без куќите, и имотот? Да се разбираме бар, па да им пружиме топол човечки збор. Особено ми е мачно да гледам жени со бебиња и ситни деца како се мачат. Морав на Золтан да му објаснам кои се тие луѓе, од каде дошле и каде имаат намера да одат. И на Золтан му беше жал за децата“, вели Силвија.По објавувањето на оваа приказна локалната власт реши да им помогне на семејството Вранка, а во акцијата се вклучија и многу добри луѓе./крај/к/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Украина: Русите го нападнаа Харков, уништени се згради, меѓу повредените има и дете
Украина ги уништи сите 10 беспилотни летала во руски напад во текот на ноќта, но две лица се повредени, а станбени згради во регионот Харков беа зафатени од пожар, соопштија денеска украинските власти.
Воздухопловните сили на „Телеграм“ соопштија дека Русија лансирала и две противвоздушни наведувани ракети. Портпаролот на украинските воздухопловни сили во телевизиски пренос изјави дека руските ракети, најверојатно, биле насочени кон североисточниот град Харков.
Гувернерот на регионот Харков, Олех Синехубов, рече дека три станбени куќи биле запалени, а десетици биле оштетени како резултат на рускиот напад, чија цел, според него, биле и инфраструктурата и станбените области. На фотографиите што ги објави Синехубов на „Телеграм“ се гледаат големи пламени јазици од станбените згради.
„Две лица, меѓу кои и едно 11-годишно дете, се ранети во нападот и се на медицинска помош“, рече Синехубов на апликацијата „Телеграм“.
„Ројтерс“ сè уште не ја потврди независно оваа вест. Москва негира дека цели на цивили во овие „легитимни напади врз воената, енергетската и транспортната инфраструктура на Украина“.
Европа
Повредени двајца полицајци во Париз кога маж им го украл пиштолот и пукал во нив
Двајца полицајци се повредени во престрелка во полициската станица во Париз, кога на еден од нив му бил одземен пиштолот од маж кој претходно бил приведен поради напад со нож врз жена.
„Полицијата интервенираше и го донесе овде, во полициската станица, и тој потоа му го грабна пиштолот на полицаецот“, изјави началникот на полицијата Лорен Нунес.
Обвинителството соопшти дека еден од полицајците е во тешка состојба, пренесува „Монд“.
Полицијата возвратила, а напаѓачот се здобил со повреди во пределот на градниот кош, по што бил пренесен во болница.
Како што информираат од болницата, животот на напаѓачот не е во опасност.
Европа
Путин го избра премиерот
Рускиот претседател Владимир Путин предложи повторно именување на Михаил Мишустин за премиер во неговиот нов претседателски мандат, изјави утрово претседателот на Државната дума, долниот дом на рускиот парламент.
Откако Путин во вторникот положи заклетва за нов шестгодишен претседателски мандат, тамошната влада, според одредбите на рускиот Устав, поднесе оставка.
И додека во последните денови се шпекулираше дека може да има промени на некои важни и суштински позиции, а руските независни медиуми споменуваа евентуално заминување на Михаил Мишустин од премиерската позиција, Путин повторно го предложи за таа функција.
„Претседателот Владимир Владимирович Путин достави до Државната дума предлог за кандидатурата на Михаил Владимирович Мишустин за функцијата премиер. Денеска претставниците ќе донесат одговорна одлука за ова прашање во име на нивните гласачи“, изјави претседателот на Думата, Вјачеслав Володин на апликацијата Телеграм.
Ова е петти мандат на Путин на власт, а тој го номинираше Мишустин за премиер за прв пат во јануари 2020 година, кога Владата предводена од Дмитриј Медведев поднесе оставка по најавените важни уставни промени во политичкиот систем на земјата од страна на претседателот.
Мишустин, кој ќе зборува во Думата пред гласањето, мора да одговори како ќе реши низа задачи што Путин и ги постави на владата, вклучително и „зголемување на одбранбената способност на нашата земја“, рече Володин.