Европа
Пет илјади на антиимигрантските протести во Берлин
– (© AP Photo/Michael Sohn)
Околу пет илјади луѓе протестираа во саботата во Берлин против владината политика на отворени врати за стотиците илјади бегалци и имигранти, соопшти полицијата во германската престолнина.
Околу пет илјади луѓе протестираа во саботата во Берлин против владината политика на отворени врати за стотиците илјади бегалци и имигранти, соопшти полицијата во германската престолнина.
Берлинската полиција беше во саботата во состојба на зголемена подготвеност со 1.100 припадници кои го одржуваа мирот и спречуваа да не дојде до „блиски средби“ меѓу демонстрантите кои протестираа против широкоградиот прием на имигрантите во Германија и трите закажани контрапротести на кои се собраа 800 лица.Протестот против имиграционата политика на владата на канцеларката Ангела Меркел, ја организираше евроскептичната партија Алтернатива за Германија (AfD) под мотото „Азилот треба да се ограничи – црвен картон за Меркел и беа истакнати натписите „Спасете ја Германија. Сопрете ја Меркел“.Заменикот на претседателот на AfD, Александер Гауланд и претеничката во Европскиот парламент, Беатрикс фон Шторх ги повика гласачите на изборите во 2017 година да ја симнат Меркел од власт.Еден од демонстрантите на бината говореше против мултикултурализмот, за кој пред неколку години канцеларката Меркел рече дека е пропаднат проект, истакнувајќи дека Германија веќе доволно е „обоена“. Гауланд доаѓањето на имигрантите го спореди со инвазијата на варварите која довела до падот на Римската империја. Медиумите, кои не се наклонети на протестите против имигрантите, истакнуваат дека на собирот на AfD наводно биле забележани дваесетина неонацисти. Според официјалните прогнози, во Германија во 2015 година бројот на баратели на азил ќе достигне над 800.000 луѓе. Но медиумите велат дека, станува збор за регистрирани бегалци и имигранти, додека вистинската бројка е далеку поголема. Според најновите процени на институцијата за заштита на границите на Европската унија – Фронтекс, во првите девет месеци од годинава на територијата од Унијата влегле повеќе од 710.000 доселеници. Европската комисија оцени дека дефинитивно актуелната миграциска криза е најголемата во светот од Втората светска војна наваму./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Британска компанија ги тужи „Фајзер“ и „Бионтек“: Ја украдоа нашата технологија за вакцина против Ковид
Британската фармацевтска компанија GlaxoSmithKline (GSK) денеска поднесе тужба пред федералниот суд во Делавер против американскиот Pfizer и германскиот BioNTech, тврдејќи дека тие ги прекршиле нејзините патенти за технологијата на гласник РНК (mRNA) во нивните вакцини против Ковид-19.
Вакцините Comirnaty на Pfizer и BioNTech ги прекршуваат иновациите на GSK заштитени со патент во mRNA вакцините, развиени „повеќе од десет години пред“ пандемијата на ковид-19, се вели во тужбата.
Патентите ја покриваат технологијата за пренос на нестабилна гласничка РНК во човечки клетки, која научниците почнаа да ја развиваат во 2008 година, а GSK стана сопственик кога го купи бизнисот со вакцини на Novartis во 2015 година, се додава.
Британската компанија бара парична отштета од Pfizer и BioNTech, вклучително и такси за патент, без да наведе износ.
Портпаролката на Pfizer во соопштението нагласи дека компанијата е „сигурна во својата позиција во однос на интелектуалната сопственост поврзана со Comirnaty“ и дека има намера „енергично да се брани“ од тврдењата на GSK. Портпаролот на BioNTech одби да ја коментира тужбата.
Портпаролот на GSK рече дека компанијата верува дека нејзините патенти „ја обезбедуваат основната технологија што се користи во mRNA вакцините на Pfizer и BioNTech против ковид-19“. GSK е „подготвен да ги лиценцира овие патенти под комерцијално разумни услови за да обезбеди пристап“ до вакцините.
Европа
(Видео) 19-годишна девојка во Украина се обидела да го продаде синот, барала 23.500 евра
Во украинскиот град Днипро, 19-годишна девојка се обидела да го продаде сопствениот двегодишен син, соопшти локалната полиција, пренесоа украинските медиуми.
Девојката наводно побарала еден милион гривни, што е околу 23.500 евра за своето дете. 19-годишната девојка наводно му го понудила детето на својот познаник и договорила средба со него. Во вторникот полицијата приведе маж додека носел пари на договорена локација.
Девојката наводно рекла дека не сака да се грижи за својот син, па решила да го продаде. Со парите што ги добила планирала да отвори сопствен бизнис.
Детето е земено во полиција и предадено на надлежните органи. Против неговата мајка е подигнато обвинение за трговија со луѓе.
Европа
Уапсени тројца мажи во истрагата за бруталното убиство на Хрват во Даблин
Уапсени се тројца мажи осомничени за убиството на 31-годишен Хрват, Јосип Штрок во Даблин минатиот месец, пишуваат ирските медиуми.
Тие се осомничени дека ги претепале Штрок, кој живеел и работел во Даблин, и неговиот пријател. Штрок почина од повредите на 3 април.
Неговиот пријател за хрватските медиуми изјавил дека биле во продавница и планирале да се дружат, кога група луѓе им кажала да почнат да зборуваат англиски.
„Немате почит кон нашата земја, ова е Ирска…“, изјави тој за Јутарњи. Тие влегле во автобусот и не забележале дека напаѓачите ги следат и биле нападнати одзади.
„Прво ме удрија со нешто, не знам дали беше шипка или палка. Ги прашав полицајците за деталите што ги виделе на видеото, а кои наводно ги имаат“, рече тој, додавајќи дека следното нешто се сеќава е кога се разбудил во болница.